Josué 2:11 - La'aqtaqa Ñim Lo'onatac 'Enauacna 2013

¹¹ Qaq can sa'axasoqchigui de'era, nache ỹataqta qomi' sa ntoonaxanaxa'n da qayi'iỹaxa souaxat da qaica ca ishet da qami' dataỹa'agueta. Cha'aye Ñim Nataxala' maye Qanatamnaxala'ai, Ñimaye nacheñi Ñim Natamnaxala' na neta'ague da piguem qataq na netalec ana 'alhua.

Josué 2:11 Referans Kwoze

Deuteronómio 4:39

Qaq ỹoqo'oye nagui qauauattoñiita, qataq qauaỹaañita da Ñim Nataxala' nacheñi Ñim Lo'onatac 'Enauacna, maye ilo'ogue na piguem qataq ana 'alhua qataq qaica ca lỹa.

Josué 5:1

Qaq 'enauac co'ollaxa so lta'alpi so Amorreopi maye neta'atague da le'ego da pa'aỹa'ague da avit so tala Jordán, qataq so lta'alpi so Canaán le'ecpi maye netaña ye saqaỹapeque aso Auaxai Mediterráneo, co'ollaq ỹaỹaten somayepi da Ñim Nataxala' 'imñi naqa'en so 'etaxat so tala Jordán da yaqto' so Israel le'ecpi ỹa'axasoxoolec da taitague da le'ego, nache so nta'alpi ỹataqta sa ntoonaxanaxan da lli'iỹaxa souaxat da qaica ca ỹañoxot da dataỹa'aguet so Israel le'ecpi.

Isaías 13:7

Qaq huaña nache 'enauac qome na shiỹaxauapi choche ñaxanguilo naua lhua'q, qataq 'enauac namayepi deqat qome da na'añaxataxac.

Josué 7:5

nache so Ai le'ecpi ỹalauat co'ollaxa so treinta y seis Israel le'ecpi, qaq so laỹepi nache ỹachegoxotchiguiña so lasom so lpaqtaxat ye huaqta'a't nỹecpi da icaatac, nache iviraxatta'a so qaỹachegoxottapiguiña na no'oxonaxanaxat coma', qaq co'ollaq huaña ye lca'amaxa nache noxonecpi somayepi. Qaq ỹoqo'oye se'eso shiỹaxauapi nlleuchiguiñi da lquiyaqteỹaxac.

Salmos 102:15

Qaq huaña nache na ỹotta'a't shiỹaxauapi qataq 'enauac na nta'alpi ana 'alhua ỹataqta huo'o naq 'enec naqa'en da llo'oxoyec da le'enaxat Ñim Nataxala'.

Salmos 83:18

Yaqto' namayepi ỹaỹateeta da nache 'Am Nataxala', qataq da nache 'amta da 'Anataỹaña 'Enauacna, maye 'aulo'ogue 'enauac ana 'alhua.

1 Reyes 8:60

yaqto' 'enauac na ỹotta'a't shiỹaxauapi ana 'alhua, ỹauattoota da Ñim Nataxala', nacheñi Ñim Lo'onatac 'Enauacna, qataq qaica ca lỹa.

Apocalipsis 6:16

Qaq 'enauac namayepi detaqtacot ana qaỹoqotcheguemec 'alhuapi qataq na coma'pi, 'eeta': «¡Ña qomi' qaupataqaiyiñi qome, yaqto' saishet da qomi' ila'alo ñi nso'ootangui añi nso'onaxaqui! ¡Qataq saishet da ỹauo'o ca qanhuaxanaguec Ñi Qagueta Llalec!

Nahúm 2:10

Nache ye Nínive, qui'ita'ac, nlachiguiñi qataq toolec qanqa'en, qataq ñi'i da lquiyaqteỹaxac, iviloxo'l naua l-llecte, qaica ca la'añaxac, qataq napagaqtec da lasheguiỹaxac.

Salmos 22:14

Qataq sheeta'am ca 'etaxat da qaicorec, naua ipi'ineqa qalaq huesoguilo, qaq añi iquiyaqte qalaq 'eeta'am aca dapic lapa da quiguiñi.

Josué 14:8

Qalaxaye som ñenaictague'pi co'ollaxa ỹataqta icolanaqchet so qaraỹepi, qaq aỹem qalaq ỹataqta saq saxanec Ñim Nataxala' maye Ñatamnaxala'.

Deuteronómio 20:8

Qaq da ime qome, nache ca nta'alpi qaltaq 'enapega ca alleppi, 'eeta': Da huo'o ca 'oonolec da qoñiita da 'iỹaqaic, qataq sa da'añigui, nache 'onaxaic da ỹe'eguelaxa ca lma' yaqto' saishet da ỹasouaxat na laỹepi da ñi'i.

Deuteronómio 1:28

Qaq nagui, ¿hua'ago' ca sataxague? Cha'aye soua qaramaxa'ashe ỹa'axattrac da na lma' yi'iye 'alhua ỹataqta 'añaxaicpi qataq logoraicpi, qataq na huaqta'a't nỹecpi ỹataqta lta'al qataq qaỹoqotcheguemec na lpaqtaxat. Qataq ỹataqta huo'o da qarcolanaxa cha'aye qomi' qaỹa'aqtaxanema da yi'iye 'alhua lma' na chegoxoguet so shiỹaxaua logoraic maye le'enaxat Anac.›

Éxodo 15:14

Na ỹotta'a't shiỹaxauapi qalaq ỹataqta iviloxol co'ollaq huo'o da la'axaỹaxac, ye filisteopi, qalaq nlaxagui da lcolanaxa,

Éxodo 15:15

na lataxala'pi ye edomiitapi, qalaq ỹataqta nlaxagui da lli'iỹaxa, qataq na lataxala'pi ye moabiitapi ỹataqta iviloxolaqchet da lcolanaxa, qataq daqat da la'añaxac 'enauac ye Canaán le'ecpi.

2 Reyes 5:15

Huaña, nache so Namán qataq 'enauac so nnaictague'pi, ỹe'eguelaxa co'ollaxa so netaña so Eliseo maye la'aqtaxanaxanec Ñim Lo'onatac 'Enauacna. Nache co'ollaq ivireua'a somaye, nache so Namán, 'enapeco': ¡Nagui, saỹateeta da 'enauac ana 'alhua, qaica ca lỹa maye Lo'onatac 'Enauacna, nachaqñita Ñim Natamnaxala' na Israel le'ecpi! Qaq ỹoqo'oye nagui 'am ñachoxonnot da 'auaconeguet na lachetaqtaxanaxat, ne'ena 'aramaxashec.

Salmos 58:7

Yaqto' deqat qome namayepi 'eeta'am na 'etaxat da ỹa'auatec, nache deqaqa 'eeta'am na 'auaqpi maye huetangui na nqa'aic.

Isaías 19:1

Qaỹa'axata'a dam talec qome ye Egipto. Ña qauloỹeeguet nam Nataxala', netalec na ỹataqta qayaqaic lo'oc na piguem da naỹa'a ye Egipto. Qaq nam atamnaxala'pi ye Egipto qalaq iviloxol qom nvi' namaye, qataq nlaxagui qome da lli'iỹaxa ye Egipto le'ecpi.

Ezequiel 21:15

Qaq camaye ỹataqta nlaxatchigui naqa'en da lcolanaxa namayepi, qataq ỹataqta qalota qome ca lalaatacpi. 'Enauac na lma'pi namayepi, sanaña ca ỹeelonec maye laataxanaxaic. Cam ỹeelonec maye qaiqashelgaqchet da yaqto' chegaqaigui ca nqashelgaxa, qataq ỹaxaraic da yaqto' dalaataxan.

Josué 2:24

Nache 'eeta': «Ñim Nataxala' mashe qomi' ỹanema da qoroxonec 'enauac yi'iye 'alhua. Cha'aye 'enauac yem netaña yemaye ỹataqta ilem da lcolanaxa souaxat da shenaqta.»

Josué 9:24

Qaq soomaye ỹasategueto' so Josué, nache 'ena'apo': «Qomi' qarlataqalli'. Qaq qomi' saỹatenaq da 'eetec co'ollaxa Ñim Nataxala' maye Qanatamnaxala'ai, da ỹamaxalec so lamaxashec Moisés, da qami' ỹanema 'enauac ne'ena 'alhuapi, qataq da qaulaxachiigui 'enauac na netaña namaye. Qomi' so'otaq de'era, souaxat da selaqa'a da mashe sa qaỹapeque na qoviita'a nache huo'o da lta'araic qarcolanaxa da qomi' qaualauache'.

Nehemías 6:16

Qaq co'ollaq la'axaỹaxac de'era so qomi' ipa'agueeta'ape, nache 'enauac so ỹotta'a't shiỹaxauapi maye qarhuoreuapi ỹataqta huo'o da lcolanaxa. Nache ỹataqta qaica ca na'amqaanaxac, cha'aye ila'a da de'era no'onataxanaxac ỹataqta qomi' itauaata'ape, qataq qomi' hueta'agueta Ñim Lo'onatac 'Enauacna.

Ester 8:17

Qaq 'enauac som 'alhuapi, qataq so huaqta'a't nỹecpi maye ivira'a se'eso lamaxasoxonaxac so nta'a, nache so judiopi ỹataqta nlaqchigui da ntonaxac, qataq da lamaicỹaxac, nache ỹo'ot so lquia'axac qataq la'ashaxac. Qaq nataqa'en som shiỹaxauapi maye hueta'a se'eso 'alhua, qalota co'ollaxa som nañigui da judío, cha'aye souaxat da lli'iỹaxa.