Josué 2:1 - La'aqtaqa Ñim Lo'onatac 'Enauacna 2013

¹ Qaq co'ollaq huaña ye Sitín, nache so Josué no'otaxaatrec soua dos da ỹama'q, nache 'enapegalo, 'eeta': «Qanqo'oñiỹa qome da qaumeenaxañiỹa ye 'alhua Canaán qataq ye Jericó.» Nache soomaye je'c, qaq co'ollaq ivildeua'a ye Jericó, nache tatreua'a so lma' aso 'alo quisheguetaxai maye le'enaxat Rajab, nache lo'ochaqa't se'eso pe.

Josué 2:1 Referans Kwoze

Hebreos 11:31

Aso Rajab maye quisheguetaxai, nataqa'en huo'o da lpi'iỹaxac Ñim Lo'onatac 'Enauacna, ỹoqo'oye asomaye saishet da l-leuaxaua som saishet co'ollaxa da ỹalaxaguet Ñimaye maye lma' ye Jericó, cha'aye asomaye 'onaxaic da ỹo'ote'c soua lmeenaxanaxanqa so Israel le'ecpi.

Santiago 2:25

Qaq 'era nataqa'en da 'eetec aso Rajab maye quisheguetaxai. Ñim Lo'onatac 'Enauacna ỹaỹamaxareeta asomaye souaxat dam ỹaỹamaqchiguiñi ỹo'ote'c soua namaxa'she co'ollaq ivildeua'a so lma', qataq ỹoxooyiñi soomaye. Qataq nataqa'en souaxat da itaua'n soomaye da naneltaxa'n, ỹaqa'a ca tateugalo nqa'aic naqa'e'n.

Mateo 1:5

Booz (aso late'e somaye le'enaxat Rahab), Obed (aso late'e somaye le'enaxat Rut), Isaí,

Números 25:1

Qaq so Israel le'ecpi co'ollaq netaña ye Sitín, nache so ỹalleppi ca'ata naxa da nquishestague' aso Moab lashepi,

Efesios 5:5

Cha'aye qami' qauaỹaañita da ca ncachetague' aca sa lhua, huo'otaq ca ỹo'ottac ca deshepaxanaqtaxan, huo'otaq ca saishet da machiguiñi na'aictaxa da qalota na hueto'otpi, camaye saishet da inoxoneua'a da lo'onataxanaxac So Cristo qataq Ñim Lo'onatac 'Enauacna. Cha'aye nam ỹo'ottacpi ỹataqta qauem 'eeta'am da qanatameetacot ca choche ne'enaqtac qataq saq 'en.

Mateo 10:16

De'era no'onataxanaxac maye qami' samaxaleguete da qauo'oche, damaye huo'o da lchec. Damaye 'eeta'am aca qagueta da qaỹamaxa ca hueta'a na qalota shiguiỹacpi maye dequi'iỹapec. Qaq ỹoqo'oye qami' lhuotte' qataq qanloitec qoñiỹa'am ca na'araxanaq qalaxaye nataqa'en qami' huesote' qoñiita'am na qoto'pi.

Josué 3:1

Qaq co'ollaq ñaq nte'etom so lỹa na'a'q, nache so Josué qataq 'enauac so Israel le'ecpi ca'ai ye Sitín, nache co'ollaq ivita so tala Jordán, qaq saishet da nache ỹa'axasoxoolec, nacherata da hua'a da nmataqa' so loigue.

Números 13:2

«Huo'o qome caua 'auamaq ỹale't da yaqto' demeenaxara ye 'alhua Canaán, maye sanem qome ne'ena Israel le'ecpi. Qalaxaye 'auacootaua'a ñi 'oonolec que'ecaua huo'o naq 'eneque maye lataxala'ate na maiche nalamaxat nhuo' le'ecpi.»

Jueces 18:17

qaq som ntaxaỹaxanaxanec co'ollaq huetaña som ñegueuo da na'aqtaxaatague' som seiscientos alleppi, nache soua cinco nmeenaxanaxanaqa nqo'ooreua'a so nỹec, nache ỹacona so ne'enaqtac 'epaq maye qaỹo'oxoolec na lcat plata, qataq so laỹepi atamnaxala'piolec, qataq so ntogue lapoxot.

Jueces 18:2

Qaq ỹoqo'oye so chegoxoguetpi so Dan, lca'aua'alo soua cinco maye ỹataqta 'añaxaiqa se'eso nalleppi da yaqto' demeenaxara, qataq naloqte'n ca 'eetec yi'iye 'alhua. Nache se'esoua ỹale't co'ollaq ivita aye qasoxonaxapi ye Efraín, nache tareua'a so lma' so Micaía, nache huera'a da lo'ochaqa't se'eso pe.

Josué 5:10

So Israel le'ecpi nmataqa' ye Gilgal, qaq huetoigui so avit se'eso na'a'q catorce se'eso ca'agoxoic da qaỹo'ot so Lapascua, huaña ye nalochiguiñi 'alhua ye Jericó.

Números 33:49

nache hua'a na loigue so tala Jordán, nache so npe'lpi chegoqchiguiña ye Bet Yesimot, nache ivitta'a ye Abel Sitín ye nalochiguiñi 'alhua ye Moab.

Josué 21:31

Jelcat qataq ye Rejob. Nache ivi' cuatro se'eso huaqta'a't nỹecpi maye ỹotta'a't naua nañalo, qataq lỹaueegue' so no'onaxapi maye lquia'aqa' na 'atetpi.

Jueces 18:14

Nache se'esoua cinco nmeenaxanaxanaqa maye imeteetrac co'ollaxa ye 'alhua Lais, 'enapego' som laỹepi, 'eeta': Maxatchaxa qome da huo'o ca qansheetaique da qauo'oche, cha'aye ne'ena nỹec netaigui ñi ntogue lapoxot, qataq na atamnaxala'piolec, qataq ñi ne'enaqtac 'epaq maye qaỹo'oxoolec na lcat plata.

Josué 1:18

Qaq 'enauac cam 'am dataỹa'aguet, huo'otaq cam saishet da 'am ỹalaxaguet da huo'o ca 'auamaxasoxoolec, camaye qaỹalauat qome. Qaq nacherata da 'ana'añaxat qome qataq 'aua'añaxachigui ye 'arhuel.»

Josué 2:2

Qalaxaye qaỹa'aqtaxanem co'ollaxa so nta'a ye Jericó, qoỹeeta': «Huo'oi soua Israel lashe' nvildeuo so mashe pe, da choche nmeenaxara ne'ena 'alhua.»

Miqueas 6:5

Qami' ỹalamaxat nhuo' le'ecpi qantooñeeta'ac nagui, nam huotaique ỹo'ot co'ollaxa so Balac maye nta'a ye Moab, qataq dam la'aqtac so Balaam, som llalec so Beor co'ollaq ỹasateguet somaye. Qataq qantooñeeta'ac co'ollaq qa'aiteuga ye Sitín nache qaviyeeta'a ye Gilgal, yaqto' qauauattoñeeta da la'añaxac Ñim Nataxala'.

Génesis 42:9

Qaq huaña nache so José, tachigui lauel so lchoxonaxacpi co'ollaq dechoxootegalo soomaye, nache 'enapegalo 'eeta': «Qami' choche qami' nmeenaxanaxanaqa. Yo'oqta da choche qanmeenaxañiỹa ne'ena 'alhua da chaq hua'ague cam saishet da qanpaxattalec.»

Génesis 42:16

Qaq jec qome ca 'oonolec da qoñiita da ỹe'eguena'a camaye. Qaq naua lỹa't qalaq no'oirañi da qaicoñe't, yaqto' ishet da saỹaanaq da ỹoqta 'eesa dam qara'aqtaqui. Qaq qom saishet da 'en, nache ỹoqta 'eesa da choche qami' nmeenaxanaxanaqa. ¡Qaq de'era ỹa'aqtac chegoqchigui ñi faraón!»

Números 13:1

Ñim Nataxala' 'enapega so Moisés, 'eeta':

Jueces 1:23

qaq somayepi ỹama'q co'ollaxa soua lmeenaxanaxanqa da yaqto' hueta'alo ye pa'auec yi'iye huaqta'a't nỹecpi.