Josué 19:9 - La'aqtaqa Ñim Lo'onatac 'Enauacna 2013

⁹ Qaq cha'aye so maiche nhuo' le'ecpi maye chegoxoguetpi so Judá, ỹataqta lta'araic so lalamaxat 'alhua, ỹoqo'oye som chegoxoguetpi so Simeón, qoỹanem so laỹe 'alhua maye huaigui so na'alhua som chegoxoguetpi so Judá.

Josué 19:9 Referans Kwoze

Éxodo 16:18

Qaq ivi' dos kilos na ỹacootaua'a ñi 'oonolec, ỹaconeua'a yem lcata ye iuen da chec. Qalaxaye saishet da huo'o ca lli'iỹoxot nam ỹactec na ỹacona, qataq saishet da huo'o ca iueetac nam saq 'amaqtaq na ỹacona.

Génesis 49:7

¡Qauem, aja', ỹoqta 'eesa da qauem de'era nnogoxonaxa'c maye saishet da qanpaxat! ¡Aỹem selagaxatoiguilo qome daamaye, 'enauac na nhuo' Israel le'ecpi!

Josué 19:8

nache nataqa'en 'enauac so nma'piolec maye nañapi som saqaỹape ye Baalat Ber, maye nacheye ye Ramat, maye huaigui ye Néguev. Qaq 'eso som 'alhuapi maye taỹot da lalamaxat qanqa'en so llalaqpi so maiche nhuo' le'ecpi maye chegoxoguetpi so Simeón.

Josué 19:10

Qaq so lỹa 'alhua maye qanallichigui co'ollaxa, nache taalec so llalaqpi so maiche nhuo' le'ecpi maye chegoxoguetpi so Zabulón. Qaq so loga't se'eso 'alhuapi nache ivira'a ye Sarid,

Ezequiel 48:7

Qaq so Judá huo'o qome ca taỹot chegoqchiguiña ye loga't ye na'alhua so Rubén, chegoqchiguiña ye pa'aỹa'ague da nala' lliguisheguem, nache ivira'a ye loigue aso auaxai.

Números 26:54

Nache na ỹataqta qalota nhuo' le'ecpi, lta'araic 'anqa'en ca 'anem, qaq na sa 'amaqtaq, nache saq 'amaqtaq ca 'anem qome. Qataq da 'anec na 'alhua, nache 'aualleta'aguet qome ye lcata na ñiyiguishecpi.