Josué 19:51 - La'aqtaqa Ñim Lo'onatac 'Enauacna 2013

⁵¹ Qaq 'eso so 'alhuapi maye so ntaxaỹaxanaxanec Eleazar, Josué qataq so lataxala'pi so nhuo' le'ecpi ỹo'ot da qanallichigui co'ollaxa, da taỹot qanqa'en ñi 'oonolec se'eso maiche nalamaxat nhuo' Israel le'ecpi, ỹauaachigui qanqa'en Ñim Nataxala', huaña so ñegueuo som npe'l maye huañacnaxa da qanauane' Ñimaye maye naña ye Silo. Qaq huaña co'ollaxa nache ỹataqta nalotec da qoỹanec se'eso 'alhua.

Josué 19:51 Referans Kwoze

Josué 18:10

Nache so Josué, icolaxatapigui se'eso 'alhuapi da yaqto' ỹanoigui so Israel le'ecpi huaña ye Silo, qataq ỹauaachigui naqa'en Ñim Nataxala' da qanallichigui somaye.

Josué 14:1

Qaq 'ena na 'alhuapi maye huaña ye Canaán maye ỹaconeguet co'ollaxa da yaqto' ỹauo'o lalamaxat so Israel le'ecpi. Qaq se'eso 'alhuapi naloqnec co'ollaxa so ntaxaỹaxanaxanec Eleazar, qataq so Josué, nataqa'en so lataxala'pi na maiche nhuo' le'ecpi maye chegoxoguetpi so Israel.

Josué 18:1

Qaq so Israel le'ecpi, co'ollaq mashe 'enauac da deuotaxanec se'eso 'alhuapi, nache 'enauac somayepi da ỹo'ot so laponaxac lta'araic huaña ye huaqta'a't nỹecpi ye Silo, qataq nache huaña yemaye da ỹa'ayiñi so npe'l maye huañacnaxa da qanauane' Ñim Nataxala'.

Juan 17:2

Cha'aye Aỹem 'aỹa'anem co'ollaxa da 'ara'añaxac da yaqto' ñataỹaña 'enauac na huetalec ana 'alhua. Qataq nataqa'en Aỹem 'aỹa'anem da ỹa'añaxac da yaqto' sanem da lca'alaxa maye chochaq tatec 'enauac nam Aỹem 'aỹa'anem da Aỹem ca'ategue.

Mateo 25:34

Nache Aỹem maye Aỹem Nta'a shenapega nam no'on da lataxac, sheeta': «¡Ñi Ita'a qami' taaleguete da lqouagaxanaqtaic! ¡Qauanaqui, qaualliquiiua'a da lo'onataxanaxac ñi Ita'a maye, nache 'eetai' da iqataxaatapigui' co'ollaq saxanaxa da ỹo'ot ana 'alhua!

Mateo 20:23

Nache So Jesús 'enapeco': –Aja', 'eesa qami' da qalota qome da qanque'eenaxaqui qoñiỹa'am Aỹem. Qalaxaye 'oonolec Ñim Ita'a maye ỹan ca la'aqtac da ỹanem da la'amaqchec cam taalec da ỹami'. Qaq de'era saishet da nache Aỹem da san ca ỹa'aqtac.

Salmos 78:60

qataq ca'ai so npe'l maye naña ye Silo, maye lanataqa' naxa da netangui na shiỹaxauapi.

1 Samuel 1:3

Qaq 'enauaque naxa soua vi'iye da so Elcana ca'ai naxa ye lma', nache taỹa ye Silo da yaqto' huaña yemaye da ỹo'oxoren, qataq ỹanot ana lachetaqtaxanaqte Ñim Nataxala' maye Qaica ca Ỹaqalanapec. Qaq yemaye nache netraña soua dos llalqa so ntaxaỹaxanaxanec Elí, som le'enaxat Jofní qataq so Finés, qaq soomaye nataqa'en ntaxaỹaxanaxanaqa da qaitaxaỹapegue' Ñim Nataxala'.

Jueces 21:21

nache qanaỹamaxacheetai' qome. Nache qom qauloỹa'a nam 'alpi ye Silo da lapootec da dasora't, nache qoquiỹa'ai nataqa'en cam qanqañoxotaqa'ai, nache ñi 'oonolec ỹale da qoñiita ỹaconeua'a aca 'alo da decachiỹa, nache qoqui qome da yaqto' qanqo'oñiỹa ye maiche qana'alhuai.

Jueces 21:19

Qalaxaye somayepi tachigui lauel co'ollaxa da ye 'oonolec vi'i, nache qaỹo'ot naxa so naponaxac lta'araic da qaỹo'oxoren Ñim Nataxala' huaña ye Silo, maye naña ye pa'aỹa'ague da sheu' ye Betel, qataq ye pa'aỹa'ague da nala' lliguisheguem so nqa'aic maye chegaqaua'a ye Betel, nache taỹa'a ye Siquén qataq pa'aỹa'ague da sheu' ye Lebona.

Génesis 49:10

Qaica qome ca ishet da deuotaxanec da lamaxasoxonaxac da Judá qataq da lamaxasoxonaxat npon maye nasoqta'a, choche ivitta'a da nvi' cam lalamaxat de'era pon, cam ỹataqta ỹalaxaguet qome na nhuo' le'ecpi.

Hechos 13:19

Qataq Ñimaye ỹo'otec da qaỹalauat co'ollaxa soua siete nta'al maye netalec yi'iye 'alhua Canaán, cha'aye nshetaique da ỹanem yi'iye 'alhua som hua'au qarta'alpi.

Josué 20:1

Qaq co'ollaq ime de'era, nache Ñim Nataxala' 'enapega so Josué, 'eeta':