Josué 18:8 - La'aqtaqa Ñim Lo'onatac 'Enauacna 2013

⁸ Nache se'esoua nca'agui'she maye qaỹama'q da yaqto' imete'n se'eso 'alhuapi, co'ollaq mashe naỹamaxa't da yaqto' je'c, nache so Josué 'enapegalo soomaye, 'eeta': «Qanqo'oñiỹa 'enauac qome ne'ena 'alhuapi, nache qaua'añi naua loga'te, qaq qom ime, nache qañi'iguelqai da yaqto' so'ot da qanallichigui, huaña na Silo, ỹauaachigui ñaqa'en Ñim Nataxala'.»

Josué 18:8 Referans Kwoze

Romanos 14:19

Qaq ỹoqo'oye ñi 'oonolec da shenaqta souaqtaigui qome da nlagaxayec, qataq ñetaunaxa't, da yaqto' nquictasheguem dam dalaxaic achaalataxac maye qomi' ỹanema So Cristo.

Josué 18:10

Nache so Josué, icolaxatapigui se'eso 'alhuapi da yaqto' ỹanoigui so Israel le'ecpi huaña ye Silo, qataq ỹauaachigui naqa'en Ñim Nataxala' da qanallichigui somaye.

1 Samuel 14:41

Nache so Saúl, 'enapeco': 'Am Nataxala' maye Natamnaxala' na Israel le'ecpi ¿ta'ainco' ye saishet da 'auasateguet ne'ena 'aramaxashec? Qaq da ỹasouaxashet damaye, huo'otaq da ỹalec Jonatán, nache que'eca alletaxac qom nnoxonec ca Urim, qache qarasouaxashet damaye, qaq qom nnoxonec ca Tumim, qache lasouaxashet na 'aralamaxat Israel le'ecpi. Nache se'eso alletaxac taaleguete soua Jonatán qataq so Saúl, nache so shiỹaxauapi huesoueeguesop so nasouaxashet.

Josué 18:6

Nache qom mashe ime da icolaxatapiguilo caua siete que'eca 'alhuapi nache aỹem ndoreua'a que'eca la'aqtaxanaxa'c, nache aỹem so'ot qome da qanallichigui que'eca 'alhuapi, ỹauaachigui ñaqa'en Ñim Nataxala' maye Qanatamnaxala'.

Josué 18:1

Qaq so Israel le'ecpi, co'ollaq mashe 'enauac da deuotaxanec se'eso 'alhuapi, nache 'enauac somayepi da ỹo'ot so laponaxac lta'araic huaña ye huaqta'a't nỹecpi ye Silo, qataq nache huaña yemaye da ỹa'ayiñi so npe'l maye huañacnaxa da qanauane' Ñim Nataxala'.

Josué 15:1

Qaq so 'alhua maye taalec co'ollaxa so maiche nhuo' le'ecpi maye chegoxoguetpi so Judá, somaye ivira'a ye loga't ye Edom, maye pa'aỹa'ague da la'añaxa, nache ivitta'a ye toolec 'alhua ye Sin.

Josué 13:7

Qaq nache 'aỹa'anem qome na 'alhua ne'enaua nueve maye maiche nalamaxat nhuo' le'ecpi, qataq nam laỹe maye chegoxoguet so Manasés.»

Génesis 13:17

Ñaq qoñishiguem, nache 'aucoleelec ne'ena 'alhua, nache 'avira'a qome yem loga't dam lalogaxa, qataq ye lcateueegue namaye, cha'aye Aỹem, 'am sanem qome.»

Josué 18:9

Nache soomaye je'c, coleetrapeguelec 'enauac se'eso 'alhuapi, nache icolaxachigui so huaqta'a't nỹecpi, nache ỹauota'a siete soua iỹoracache, qataq ỹataqta ỹiyiñi 'enauac ye lcachiguiñi se'eso 'alhuapi. Qaq co'ollaq ime', nache ñe'eguelaxalo so nanataqa' ye Silo, maye netaña so Josué.

Isaías 34:17

Qataq Ñimaye maiche ỹauo'oi naua lma'ate namayepi, qataq ỹauota'a na lhuaq da ỹachaxanalo naua loga'te nam na'alhua, qaq nache 'eetai' qome da maiche lalamaxat qataq chochaq tatrec qome naua vi'iye da netalec.