Josué 18:4 - La'aqtaqa Ñim Lo'onatac 'Enauacna 2013

⁴ Qalca'aiua'alo qome caua tres shiỹaxau', qauachegoxochiỹaiguilo ñi 'oonolec naua siete na maiche nalamaxat nhuo' le'ecpi, da yaqto' sama'q da coleerelec 'enauac ne'ena 'alhua, qaq da ime, nache aỹem nareua'a da ndoreuo qome ca la'aqtaxanaxa'c da yaqto' saỹateeta ca lataxac da qaicolaxatapigui ne'ena 'alhua.

Josué 18:4 Referans Kwoze

Josué 18:9

Nache soomaye je'c, coleetrapeguelec 'enauac se'eso 'alhuapi, nache icolaxachigui so huaqta'a't nỹecpi, nache ỹauota'a siete soua iỹoracache, qataq ỹataqta ỹiyiñi 'enauac ye lcachiguiñi se'eso 'alhuapi. Qaq co'ollaq ime', nache ñe'eguelaxalo so nanataqa' ye Silo, maye netaña so Josué.

Josué 18:6

Nache qom mashe ime da icolaxatapiguilo caua siete que'eca 'alhuapi nache aỹem ndoreua'a que'eca la'aqtaxanaxa'c, nache aỹem so'ot qome da qanallichigui que'eca 'alhuapi, ỹauaachigui ñaqa'en Ñim Nataxala' maye Qanatamnaxala'.

Josué 18:3

Huaña, nache so Josué 'enapego' se'eso Israel le'ecpi, 'eeta': «¿Negue't ca qauacheeta'a da yaqto' qauacoñiỹa da qoñiỹalec na 'alhuapi maye qami' ỹanema Ñim Nataxala' maye Natamnaxala' som hua'au qarta'ailpi?

Josué 4:2

«'Alca'aua'alo qome caua doce shiỹaxau', chegaqaiguilo 'anqa'en ñi 'oonolec na maiche nhuo' le'ecpi,

Josué 3:12

Qaq ỹoqo'oye nagui qalca'aiua'alo qome caua doce shiỹaxau', ñi 'oonolec caamaye qauachegoxochiỹaigui na doce maiche nhuo' le'ecpi maye chegoxoguet so Israel.

Números 13:2

«Huo'o qome caua 'auamaq ỹale't da yaqto' demeenaxara ye 'alhua Canaán, maye sanem qome ne'ena Israel le'ecpi. Qalaxaye 'auacootaua'a ñi 'oonolec que'ecaua huo'o naq 'eneque maye lataxala'ate na maiche nalamaxat nhuo' le'ecpi.»

Números 1:4

Qataq qami' ỹalectaiguilo qanqa'eñi ñi 'oonolec na lataxala'pi na maiche nalamaxat nhuo' le'ecpi.

Josué 18:5

Qataq que'ecaua shiỹaxau' siete qome caua icolaxara'ache 'alhua. Qaq nam chegoxoguetpi so Judá, nache qoỹanem na pa'aỹa'ague da la'añaxa, qaq na chegoxoguetpi so José, nache qoỹanem na pa'aỹa'ague da sheu'.

Miqueas 2:5

Qaq ỹoqo'oye qaica qome ca qami' ỹanema na 'alhua, nam nhuo' le'ecpi maye lalamaxat Ñim Nataxala'.