Josué 18:16 - La'aqtaqa Ñim Lo'onatac 'Enauacna 2013

¹⁶ nache naỹaña ye ỹataqta pa'aguiñi añi qasoxonaxa maye nalotta so ca'amapega't ye Ben Jinón, yem pa'aỹa'ague da sheu' ye ca'amapega't ye Refayin. Huaña nache naỹaña ye ca'amapega't ye Hinom, nache nlectot so ñiguisheguem maye pa'aỹa'ague da la'añaxa ye Jebús, nache queta, ivitta'a ye npaxaatasheguem 'etaxat ye Roguel.

Josué 18:16 Referans Kwoze

2 Reyes 23:10

So Josías nataqa'en nlaxaañi aso nca'atoxonaxalate maye naña aso lcomaraxalate ye Ben Jinón, yaqto' qaica ca ỹavigaxat ca llalec, huo'otaq aca llale da ỹanot so atamnaxala' Moloc.

Isaías 30:33

Qaq cha'aye mashe qaỹoqteguelo soua vi'iye da qaiqataxaatai' da taỹa'a qanqa'en ye Asiria qataq ñim nta'a yemaye, yem ỹataqta qaỹoqchiguingui qataq qalochiguiñi nma' maye huetangui ye 'ettangui norec maye qalota na lalonaxat qo'oipaqpi. Ñim Nataxala' qom iquetetec la la'at nache 'eeta'am ca la'auaxac na quiquiaxaraic da 'eroigui nache ỹavigaxat yemaye.

Jeremías 32:35

Nataqa'en no'oxoosheguem ana nca'atoxonaxalatepi da natamnot so Baal ỹanaña ye ca'amegue Ben Jinón, da yaqto' ỹavigaxat na llalaqpi qataq ana llalepi 'alpi da yaqto' ỹanot so Moloc, qaq 'eetec de'era da yaqto' ỹauo'o da lasouaxashet na Judá le'ecpi, da ỹo'ot nam ỹataqta seqaiga qataq saishet da samaxalec co'ollaxa qataq saishet da seuennatega.»

Jeremías 19:11

nache qonapega, qoneta': ‹Ñim Nataxala' maye Qaica ca Ỹaqalanapec, 'eeta': Aỹem selaxachigui qome ne'ena nhuo' le'ecpi, qataq ne'ena huaqta'a't nỹecpi, 'eeta'am ca ilaxachigui aca naco'oña 'alhua, nache saishet da qaltaq qaỹe'eguelaxara't. Na shiỹaxauapi ilayiña qome ye Tófet ca leuaxaicpi, souaxat mashe qaica ca ldaqa' da qailareñi.

Jeremías 19:6

Qaq ỹoqo'oye anacte' caua na'axa'te maye huaiguilo da ne'ena 'alhua saishet qome da le'enaxat Tófet, qataq saishet da le'enaxat da Ca'amegue Ben Jinón, nacherata da le'enaxat qome, Ca'amegue Nalaataxanqa'.› Qaq 'era da ỹa'aqtac, Aỹem Nataxala'.

Jeremías 19:2

Qaq ime, nache 'anqo'oneuga so ca'amegue ye Ben Jinón, maye datateguet ñim lasom maye pa'aigue da nala' lliguisheguem, qaq huaña qome yemaye, nache 'aua'axat da ỹa'aqtac maye 'am sa'axatem qome.

2 Crónicas 33:6

Nataqa'en ỹavigaxa't soua llalqa da yaqto' lachetaqtaxanqa'ate huaña so ca'amegue ye Ben Jinón, qataq napaxaguena da qaiỹaxaneuga na lqui'ipi so leuaxaicpi, qataq da qailaviigui ca nỹa, qataq da qanquigaxat da lataxac camachaqca, qataq lapaxañi da lataxac da qaiỹaxaneuga na nqui'ipi, qataq da ñi'iyaqnataxanaxac. Nache nquigaxattauec nam qauem maye ỹo'otpi, maye ỹataqta saỹaỹamaxaren Ñim Nataxala', nache ivira'a da inogoqchet Ñimaye.

2 Crónicas 28:3

Qataq nataqa'en ỹavigaxat so lchenaxanaxat huaña ye ca'amegue maye le'enaxat Ben Jinón, qataq ỹaneuo so llalaqpi da lachetaqtaxanaxat qaỹavigaxatta, nache ỹe'enaxatchigui da lataxac so shiỹaxauapi maye Ñim Nataxala' ỹo'orauec co'ollaxa, ỹauaachigui naqa'en so Israel le'ecpi.

1 Crónicas 14:9

Nache so filisteopi co'ollaq ivi' nache nlagaxaañi da talec so ca'amegue ye Refayin.

1 Reyes 1:9

Qaq huo'o so na'a'q, nache so Adonías ỹo'ot so lquia'axac, huaña ye saqaỹapeque añi coma' le'enaxat Zojélet, maye naña ye saqaỹapeque ye huaña na npaxaatasheguem 'etaxat ye Roguel. Nache ỹalauat so qaguetapi, huacapi, qataq so ỹataqta chaxaraicpi huaca llalaqpi. Nache icoyeguen so lqaỹañecpi maye llalaqpi so nta'a David, qataq so Judá le'ecpi maye ltauapi so nta'a.

2 Samuel 17:17

Qaq so Jonatán qataq so Ajimaz, huetra'a co'ollaxa ye Roguel, cha'aye saishet da nachaxanalo so netaña se'eso huaqta'a't nỹecpi, ỹoqo'oye huo'o aso namaxashe 'alo da icoyegue'n, nache soomaye sa naỹaloxo'n da ca'atra da icoyegue'n so David.

Jueces 19:10

Qalaxaye so leviita saishet co'ollaxa da qaltaq hua'a se'eso pe. Nacherata da jec, ỹauec aso lhua lỹa, qataq soua lalo 'ashena maye huetaleguete so lla'ac. Qaq co'ollaq mashe ivitra soomaye ye Jebús, maye nacheye ye Jerusalén,

Jueces 1:21

Qalaxaye so maiche nhuo' le'ecpi maye chegoxoguetpi so Benjamín, qalaq sa ỹañoxot da ỹo'orauec so jebuseopi maye naña co'ollaxa ye Jerusalén. Qaq ỹoqo'oye somayepi, nache ivitta'a da so nhuo' le'ecpi maye chegoxoguetpi so Benjamín nache ỹalecta'aguet somayepi.

Jueces 1:8

So maiche nhuo' le'ecpi maye chegoxoguetpi so Judá, iloquiaxan nache loxonec co'ollaxa ye Jerusalén, qaq co'ollaq ime da irolec so ỹeelonec da nmatchiguiñi da ỹalauat so lma' yemaye, nache ỹavigaxat se'eso huaqta'a't nỹecpi.

Josué 18:28

Selá, Elef, Jebús, maye da lỹa le'enaxat Jerusalén, Gabaa qataq ye Quiriat. Nache da ima'a't se'eso huaqta'a't nỹecpi maye ỹotta'a't naua nañalo, nache ivi' catorce, qataq lỹaueegue' so lauoreuapi nma'piolec. Qaq 'eso som 'alhuapi maye taỹot co'ollaxa da lalamaxat qanqa'en so llalaqpi so maiche nhuo' le'ecpi maye chegoxoguetpi so Benjamín.

Josué 15:63

Qaq se'eso maiche nhuo' le'ecpi maye chegoxoguetpi so Judá, saishet da ỹañoxot da ỹo'orauec co'ollaxa na Jebús le'ecpi maye netaña ye Jerusalén. Qaq ỹoqo'oye nache ivitta'a nagui da lauoreuapi.

2 Samuel 5:18

Nache so filisteopi taỹa, nache imattalec ye ca'amegue ye Refayin.