Josué 18:10 - La'aqtaqa Ñim Lo'onatac 'Enauacna 2013

¹⁰ Nache so Josué, icolaxatapigui se'eso 'alhuapi da yaqto' ỹanoigui so Israel le'ecpi huaña ye Silo, qataq ỹauaachigui naqa'en Ñim Nataxala' da qanallichigui somaye.

Josué 18:10 Referans Kwoze

Colosenses 1:12

da qaỹa'añiitacot da qana'achecỹaxaqui Ñim Lo'onatac 'Enauacna, maye Nta'a. Cha'aye Ñimaye iqataxaatapigui' da qomi' ỹanema qom huaigui dam lo'onataxanaxac maye yo'oqchiguiñi, da nsallaxa maye ỹachaxanapecot nam lalamaxatpi llalaqpi.

Hechos 13:19

Qataq Ñimaye ỹo'otec da qaỹalauat co'ollaxa soua siete nta'al maye netalec yi'iye 'alhua Canaán, cha'aye nshetaique da ỹanem yi'iye 'alhua som hua'au qarta'alpi.

Josué 18:6

Nache qom mashe ime da icolaxatapiguilo caua siete que'eca 'alhuapi nache aỹem ndoreua'a que'eca la'aqtaxanaxa'c, nache aỹem so'ot qome da qanallichigui que'eca 'alhuapi, ỹauaachigui ñaqa'en Ñim Nataxala' maye Qanatamnaxala'.

Hechos 26:18

Aỹem 'am samaxa namayepi, da yaqto' ishet da nauaañi 'anqa'en, yaqto' saishet da quetaigui na napalaxa, nachaqrata da quetaigui na yo'oqchiguiñi; qataq yaqto' namayepi saishet da hueto'ot da la'añaxac so pa'aguenataxanaxaic, nachaqrata da quegue Ñim Lo'onatac 'Enauacna; qataq ỹa'amaqten, nache ishet da qaỹapalaxat na lasouaxashetpi, qataq yaqto' qaỹalecneua'a da qoỹanem qome cam ỹachaxanapec Ñim Lo'onatac 'Enauacna da ỹami' nam lalamaxatpi Ñimaye.»

Juan 17:2

Cha'aye Aỹem 'aỹa'anem co'ollaxa da 'ara'añaxac da yaqto' ñataỹaña 'enauac na huetalec ana 'alhua. Qataq nataqa'en Aỹem 'aỹa'anem da ỹa'añaxac da yaqto' sanem da lca'alaxa maye chochaq tatec 'enauac nam Aỹem 'aỹa'anem da Aỹem ca'ategue.

Mateo 27:35

Nache so alleppi maye iuaxaneuo So Jesús co'ollaq ime da iuaxaneuo, nache somayepi nallera't da yaqto' qaỹaỹaten chaq negue't ca taleguete soua alogo So Jesús. Nataqa'en qaỹauo'o so nerec, nache qoỹanaña na nalotcheguemec na lqaic So Jesús da ỹa'axat da huo'omshe qaiuaxaneguet so npe'enaxaqui Somaye. Qaq se'eso nerec, 'eeta': «'Ena na Jesús maye lta'a na judiopi.» –Nataqa'en huo'oi soua lỹa't maye qaiuaxaareuo dos 'etaxaloxoiqa, nache so 'oonolec soomaye qoỹana'ague da aloic So Jesús, qaq so lỹa qoỹana'ague da ne'emaq. Ime nache so alleppi nso'ooñi da yaqto' nauanaleguete soomaye.

Ezequiel 48:29

Qaq 'ena nam 'alhua maye taỹot qome da lalamaxat nam chegoxoguetpi so Israel, qataq 'era da lataxac da qaumiñiiuec qome namaye. Qaq 'era da ỹamaxasoxonaxac Aỹem Nataxala'.

Ezequiel 47:22

Qaq nachena qome nam qami' taỹoto da yaqto' qaralamaxache, qataq nataqa'en cam chegaqauecpi maye qami' ỹalectaiguilo, qataq da huo'o ca llalaqpi cam chegaqauecpi maye qami' netaiguilo. Qaq camayepi iuen da 'eeta'am qanqa'eñi da ỹataqta lañoqo' na Israel. Qom ivita da qancolaxachiigui na 'alhua qami' maye qauachegoqoiguet so Israel, nache nam chegaqauecpi nataqa'en qome huo'o ca taỹot 'alhua.

Proverbios 18:18

Da qaỹauota'a qanallichigui ca qaỹo'ot nachera da 'eetec da ime naqa'en ca cotaxac, qataq huesoguilo naqa'en caua ncotatega't.

Salmos 61:5

Cha'aye 'Am, Ñatamnaxala', 'am 'aua'axaỹalo co'ollaxa naua san' ỹa'aqtaqa, qataq aỹem 'aỹa'anem na 'auqataxaatapigui' da 'aỹa'anem, na huo'o naq 'enec naqa'en da 'are'enaxat.

Salmos 47:4

Ñimaye iqataxanai' co'ollaxa yem ỹauotaique da qaralamaxat, maye ỹo'ot da llo'oxoyec so Jacob, som lauotaxat Ñimaye.

Josué 19:51

Qaq 'eso so 'alhuapi maye so ntaxaỹaxanaxanec Eleazar, Josué qataq so lataxala'pi so nhuo' le'ecpi ỹo'ot da qanallichigui co'ollaxa, da taỹot qanqa'en ñi 'oonolec se'eso maiche nalamaxat nhuo' Israel le'ecpi, ỹauaachigui qanqa'en Ñim Nataxala', huaña so ñegueuo som npe'l maye huañacnaxa da qanauane' Ñimaye maye naña ye Silo. Qaq huaña co'ollaxa nache ỹataqta nalotec da qoỹanec se'eso 'alhua.

Josué 18:8

Nache se'esoua nca'agui'she maye qaỹama'q da yaqto' imete'n se'eso 'alhuapi, co'ollaq mashe naỹamaxa't da yaqto' je'c, nache so Josué 'enapegalo soomaye, 'eeta': «Qanqo'oñiỹa 'enauac qome ne'ena 'alhuapi, nache qaua'añi naua loga'te, qaq qom ime, nache qañi'iguelqai da yaqto' so'ot da qanallichigui, huaña na Silo, ỹauaachigui ñaqa'en Ñim Nataxala'.»

Números 34:16

Ñim Nataxala' qaltaq 'enapega so Moisés, 'eeta':

Josué 18:9

Nache soomaye je'c, coleetrapeguelec 'enauac se'eso 'alhuapi, nache icolaxachigui so huaqta'a't nỹecpi, nache ỹauota'a siete soua iỹoracache, qataq ỹataqta ỹiyiñi 'enauac ye lcachiguiñi se'eso 'alhuapi. Qaq co'ollaq ime', nache ñe'eguelaxalo so nanataqa' ye Silo, maye netaña so Josué.

Josué 18:11

Qaq co'ollaq mashe ime da qanallichigui se'eso 'alhuapi, nache so llalaqpi so maiche nhuo' le'ecpi maye chegoxoguetpi so Benjamín, taỹot so 'alhuapi maye huaigui ye na'alhuapi som chegoxoguetpi so Judá qataq so José.

Jeremías 7:12

Qanqo'oñiỹa qome ye atamnaqa' maye naña ye Siló, yem hua'auchiguiñi lleca'aguishec da yaqto' ỹanataqa', nache qaumichiñi dam so'otec co'ollaxa yemaye souaxat nam qauem maye ỹo'ot nam ỹalamaxat nhuo' Israel le'ecpi.

Miqueas 2:5

Qaq ỹoqo'oye qaica qome ca qami' ỹanema na 'alhua, nam nhuo' le'ecpi maye lalamaxat Ñim Nataxala'.

Josué 14:2

Qaq se'eso 'alhuapi co'ollaq qoỹanec, nache qanallichigui da yaqto' qaỹaỹaten ca taalec ñi 'oonolec so nueve, qataq so 'oonolec laỹe so maiche nalamaxat nhuo' le'ecpi, nache qaipacchigui da la'aqtac Ñim Nataxala' maye ỹamaxalec co'ollaxa so Moisés.

Josué 14:5

Qaq 'era da 'eetec co'ollaxa so Israel le'ecpi da naloqtenec se'eso 'alhuapi. Nache ipacchigui da la'aqtac Ñim Nataxala' maye ỹamaxalec co'ollaxa so Moisés.

Josué 23:4

Qaq aỹem sauota'a da alletaxac co'ollaxa da sanoigui na na'alhuapi ne'ena maiche nalamaxat nhuo' le'ecpi. Qataq saishet da nda'a't na 'alhuapi maye mashe qaiuotaxanec co'ollaxa da sanem namayepi, cha'aye nataqa'en sanem nam ñaq saxanaxa da qaiuotaxanec, maye chegoqchiguiña ye pa'aỹa'ague da yo'oxoñi so Jordán, nache ivitta'a da pa'aỹa'ague da avit aso Auaxai Mediterráneo.

1 Crónicas 24:5

Qaq co'ollaq qanaloqchiiñi somayepi, nache maicheye ñim taalec da lo'onataxanaxac, qaq cha'aye som chegoxoguetpi so Eleazar, qataq som chegoxoguetpi so Itamar, huo'o som taalecpi da nataxala'pi da huapegue' so ndaqa' maye sa saishetapec, qataq so 'amaqtaqaicpi nataxala'pi aso atamnaxaqui maye lalamaqte Ñim Lo'onatac 'Enauacna.

Nehemías 11:1

Qaq so lataxala'pi so maiche nhuo' le'ecpi, somayepi naña co'ollaxa ye Jerusalén, qaq so laỹepi somayepi nache qaỹo'ot so nalletaxac da yaqto' qaỹaỹaten ca 'oonolec maye chegaqaiguilo soua diez da yaqto' nataqa'en no'onaña som huaqta'a't nỹecpi maye ỹataqta qui'itta, qaq soua nueve maye no'oirañi nache nqo'ona so laỹepi huaqta'a't nỹecpi maye ỹotta'a't naua nañalo da yaqto' naña.