Josué 17:7 - La'aqtaqa Ñim Lo'onatac 'Enauacna 2013

⁷ Qaq so na'alhuapi so maiche nhuo' le'ecpi maye chegoxoguetpi so Manasés, nache chegoqchiguiña ye Aser, nache ivitta'a ye Micmetat, maye datatta ye Siquén, nache qaltaq jec, nache ivitta'a ye pa'aỹa'ague da la'añaxa, nache ivitta'a ye huaña na npaxaatasheguem 'etaxat ye Tapuaj.

Josué 17:7 Referans Kwoze

Josué 21:21

Qaq som hualecpi aye qasoxonaxapi ye Efraín, nache qoỹanem ye Siquén, yem huaqta'a't nỹecpi maye lle'eguenaqa' da huo'o ca dalaataxan, qataq ye Guézer,

1 Crónicas 6:67

Qaq nataqa'en qoỹanem ye Siquén, yem huaqta'a't nỹecpi maye ñe'eguenaqa', maye nalec añi qasoxonaxa ye Efraín, qataq lỹaueegue' som no'onaxapi maye lquia'aqa' som 'atetpi, qataq ye Guézer,

1 Reyes 12:25

Qaq so Jeroboán, qaltaq no'oxoosheguem so huaqta'a't nỹecpi ye Siquén, maye nalec aye qasoxonaxapi ye Efraín, qaq somaye nache naña co'ollaxa yemaye. Ime, nache no'oxoosheguem nataqa'en ye Peniel.

1 Reyes 12:1

So Roboán taỹa ye Siquén, cha'aye 'enauac so Israel le'ecpi taỹa co'ollaxa yemaye da yaqto' qoỹanagui da nta'a somaye.

Jueces 9:1

So Abimelec maye ỹaqauga llalec so Yerubaal, somaye taỹa ye Siquén da yaqto' detaxaỹapegue' som lauo' le'ecpi maye maiche lqaỹañecpi aso late'e. Nache 'enapego' somayepi, 'eeta':

Josué 24:32

Qaq soua lpi'ineqa so José, maye so Israel le'ecpi ỹacheta'ape co'ollaq ca'ai ye Egipto, nache qailalyiña ye Siquén, yem 'alhua maye desheenaxana co'ollaxa so Jacob, maye ivi' aso cien lcatpiole plata aso lasheue, co'ollaq desheenaxana se'eso na'alhua so Jamor maye lta'a so Siquén. Qaq se'eso 'alhua nache taỹot da lalamaxat so chegoxoguetpi so José.

Josué 24:1

So Josué, laỹona't co'ollaxa 'enauac so Israel le'ecpi huaña ye Siquén. Nache iỹaxaneuga so nqueroxonecpi, nataxala'pi, nmit na nasouaxashetpi, qataq so lataxala'pi so alleppi, qaq ỹauaachigui naqa'en Ñim Nataxala',

Josué 20:7

Huaña co'ollaxa, nache so Israel le'ecpi lca'aua'a da yaqto' ñe'eguenaxaquipi so huaqta'a't nỹecpi ye: Cedes, Galilea, qataq ye huaña ana qasoxonaxapi ye Neftalí, qataq ye Siquén, maye huaña na qasoxonaxapi maye lalamaqte so Efraín, qataq ye Quiriat Arbá, maye nataqa'en le'enaxat da Hebrón, maye huaigui aye qasoxonaxapi ye Judá.

Génesis 37:14

Nache so Israel, 'enapeco': «Hua', qojec qome, da yaqto' 'auaỹaten ca 'eetec caua 'arqaỹa't, qataq aca qaguetapi, qaq ime qome, nache 'añe'eguelaq da 'andoi' ca ỹa'axaỹaxac.» Nache so Israel ỹamaq so José, chegoqchiguiña naqa'en so ca'amegue ye Hebrón. Qaq so José co'ollaq ivita ye Siquén,

Génesis 37:12

Qaq huo'o so na'a'q, nache soua lqaỹa't so José nqo'oora ye Siquén, nmittraique ca 'auaqpi da yaqto' aloq aso qaguetapi maye lalo so lta'a.

Génesis 34:2

Qalaxaye so Siquén som llalec so Jamor, maye jiviita, som nataxala' yi'iye 'alhua, ila'a co'ollaxa asomaye, nache saicherapec co'ollaxa da ỹaconeua'a da lauañi', nache choche ỹe'en.

Josué 17:6

cha'aye soua llalel so Manasés, nataqa'en qoỹanema so na'alhua, 'eeta'am qanqa'en da 'eetec so ỹalleppi. Qaq ye 'alhua Galaad mashe qoỹanem co'ollaxa som laỹepi chegoxoguetpi so Manasés.

Josué 17:8

Qaq yi'iye 'alhuapi ye Tapuaj, yemaye lalamaxat co'ollaxa so chegoxoguetpi so Manasés. Qaq ye huaqta'a't nỹecpi ye Tapuaj maye huaqta'ai' so loga't ye na'alhua so chegoxoguetpi so Manasés, yemaye lalamaxat co'ollaxa so chegoxoguetpi so Efraín.

Salmos 60:6

Ñim Lo'onatac 'Enauacna ỹan da la'aqtac huaña so npe'l maye lanataqa', 'eeta': «Ỹataqta samachiguiñi qom ivita da secolaxatapigui na 'alhua ye Siquén, qataq da sanec na ca'amapega't 'alhuapi ye Sucot.