Josué 17:6 - La'aqtaqa Ñim Lo'onatac 'Enauacna 2013

⁶ cha'aye soua llalel so Manasés, nataqa'en qoỹanema so na'alhua, 'eeta'am qanqa'en da 'eetec so ỹalleppi. Qaq ye 'alhua Galaad mashe qoỹanem co'ollaxa som laỹepi chegoxoguetpi so Manasés.

Josué 17:6 Referans Kwoze

Josué 13:30

Qaq somayepi taalec da qoỹanem 'enauac ye 'alhua maye lalamaxat co'ollaxa so Og, maye nta'a ye Basán, nache 'enauac ye 'alhua Basán nache ivira'a ye Majanayin. Qataq ỹalegueuo so sesenta huaqta'a't nỹecpi maye ỹotta'a't naua nañalo ye Yaír.

Josué 13:31

Qataq ye laỹe ye 'alhua Galaad, qataq so huaqta'a't nỹecpi maye ỹotta'a't naua nañalo ye Astarot, qataq ye Edrey. Qaq 'enauac se'eso 'alhuapi taỹot som laỹe so maiche nhuo' le'ecpi maye chegoxoguetpi so Maquir, som llalec so Manasés, nache qanaloqchiichigui ye lcata so lalamaxat llalaqpi somayepi.

Josué 17:5

Qaq 'era da 'eetec so maiche nhuo' le'ecpi maye chegoxoguetpi so Manasés, da qoỹanema soua diez 'aleu', nataqa'en ye 'alhua Galaad qataq ye Basán, maye pa'aira'ague da yo'oxoñi ye Jordán,

Josué 17:7

Qaq so na'alhuapi so maiche nhuo' le'ecpi maye chegoxoguetpi so Manasés, nache chegoqchiguiña ye Aser, nache ivitta'a ye Micmetat, maye datatta ye Siquén, nache qaltaq jec, nache ivitta'a ye pa'aỹa'ague da la'añaxa, nache ivitta'a ye huaña na npaxaatasheguem 'etaxat ye Tapuaj.

Josué 13:29

So Moisés nataqa'en ỹanem so na'alhua som laỹe so maiche nhuo' le'ecpi maye chegoxoguetpi so Manasés, qataq naloqchiichigui ye lcata so maiche lalamaxat llalaqpi somayepi.

Josué 22:7

Qaq so 'oonolec laỹe se'eso maiche nhuo' le'ecpi maye chegoxoguetpi so Manasés, so Moisés ỹanem co'ollaxa so 'alhua maye huaigui ye 'alhua ye Basán. Qaq so lỹa laỹe se'eso maiche nhuo' le'ecpi maye chegoxoguet so Manasés, so Josué ỹanem so na'alhua maye ỹalectaigui so na'alhuapi so Israel le'ecpi, maye pa'aỹa'ague da avit so Jordán. Nache so hua'auchiguiñi se'eso nhuo' le'ecpi ỹanem da lqouagaxanaqtaic, nache ỹamaq da ỹe'eguelaq.

Ezequiel 48:4

Qaq so Manasés huo'o qome ca taỹot chegoqchiguiña ye loga't ye na'alhua so Neftalí, chegoqchiguiña ye pa'aỹa'ague da nala' lliguisheguem, nache ivira'a ye loigue aso auaxai.