Josué 17:5 - La'aqtaqa Ñim Lo'onatac 'Enauacna 2013

⁵ Qaq 'era da 'eetec so maiche nhuo' le'ecpi maye chegoxoguetpi so Manasés, da qoỹanema soua diez 'aleu', nataqa'en ye 'alhua Galaad qataq ye Basán, maye pa'aira'ague da yo'oxoñi ye Jordán,

Josué 17:5 Referans Kwoze

Josué 17:14

Qaq so maiche nhuo' le'ecpi maye chegoxoguetpi so José, 'enapega co'ollaxa so Josué, 'eeta': «¿Ta'ainco' da qomi' 'aỹa'anema ye 'oonolec laỹe ne'ena 'alhuapi ye qomi' qalota, qataq Ñim Nataxala' mashe qomi' taleguete naqa'en co'ollaxa so no'on la'aqtac?»

Josué 13:11

Nataqa'en taalec da qoỹanem ye Galaad, qataq ye na'alhua so guesureopi qataq so maacateopi, qataq añi qasoxonaxa Hermón qataq 'enauac ye 'alhua ye Basán, nache ivitta'a ye Salca.

Josué 17:4

Qaq soomaye nqo'oora co'ollaxa so ntaxaỹaxanaxanec Eleazar, qataq so Josué, nataqa'en so lataxala'pi so maiche nalamaxat nhuo' le'ecpi nache, 'eeta': «Ñim Nataxala' ỹamaxalec co'ollaxa so Moisés da nataqa'en qomi' 'alol, qaỹauo'o qome ca qomi' qoỹanema 'alhua, 'eeta'am da 'eetec da qoỹanem na qarqaỹañicpi.» Huaña, nache so Josué ỹanema soomaye so 'alhua, da 'eeta'am naqa'en so lauo' le'ecpi so lta'a soomaye, da yaqto' ipacchigui da lamaxasoxonaxac Ñim Nataxala'.

Josué 17:6

cha'aye soua llalel so Manasés, nataqa'en qoỹanema so na'alhua, 'eeta'am qanqa'en da 'eetec so ỹalleppi. Qaq ye 'alhua Galaad mashe qoỹanem co'ollaxa som laỹepi chegoxoguetpi so Manasés.

Josué 22:7

Qaq so 'oonolec laỹe se'eso maiche nhuo' le'ecpi maye chegoxoguetpi so Manasés, so Moisés ỹanem co'ollaxa so 'alhua maye huaigui ye 'alhua ye Basán. Qaq so lỹa laỹe se'eso maiche nhuo' le'ecpi maye chegoxoguet so Manasés, so Josué ỹanem so na'alhua maye ỹalectaigui so na'alhuapi so Israel le'ecpi, maye pa'aỹa'ague da avit so Jordán. Nache so hua'auchiguiñi se'eso nhuo' le'ecpi ỹanem da lqouagaxanaqtaic, nache ỹamaq da ỹe'eguelaq.

Ezequiel 48:4

Qaq so Manasés huo'o qome ca taỹot chegoqchiguiña ye loga't ye na'alhua so Neftalí, chegoqchiguiña ye pa'aỹa'ague da nala' lliguisheguem, nache ivira'a ye loigue aso auaxai.