Josué 17:16 - La'aqtaqa Ñim Lo'onatac 'Enauacna 2013

¹⁶ Nache somayepi 'enapeco': «Aja', 'eesa da sa ñaloxolec ayem qasoxonaxapi. Qalaxaye ye Canaán le'ecpi maye netalec ye nalochiguiñi 'alhua, yemayepi huo'o aye nalaataxaquipi laigona lcat, qataq nache 'ena'am ye netaña ye Bet Seán, qataq ye lauoreuapi nma'piolec, qataq yem naña ye ca'amapega't ye Jezrel.»

Josué 17:16 Referans Kwoze

1 Reyes 4:12

qaq so Baná, som llalec so Ajilud, ilotague' ye Tanac, Meguido, qataq 'enauac ye Bet Seán maye saqaỹapeque ye Saretán ye npa'aỹañi ye Jezrel, chegoqchiguiña ye Bet Seán nache ivitta'a ye Abel Meholá yem pa'aicra'a ye Jocmeán,

Jueces 4:3

Huaña nache so Israel le'ecpi ỹataqta nachoxoreetacot co'ollaxa Ñim Nataxala' da yaqto' itauan, cha'aye so Jabín ivi' novecientos aso laigonapi lcat nalaataxaquipi, qaq mashe ivi' soua veinte vi'iye da ỹataqta sa iyacnapec so Israel le'ecpi.

Jueces 1:19

Qaq Ñim Nataxala', itauaatac co'ollaxa so nhuo' le'ecpi maye chegoxoguetpi so Judá, nache somayepi loxonec co'ollaxa ye 'alhuapi maye hualec aye qasoxonaxapi, qalaxaye sa ỹañoxot da ỹo'orauec som nañapi ye nalochiguiñi 'alhua, cha'aye somayepi huo'o aso nalaataxaqui laigonapi lcat.

Jueces 6:33

Qaq ime, nache 'enauac so madianiitapi, amaleciitapi, qataq 'enauac so chegaqa'ague da pa'aỹa'ague da nala' lliguisheguem huaxaỹa't, nache ỹa'axasoxoolec so tala Jordán, nache hua'a so ca'amegue ye Jezrel da ỹanaña so lpe'lpi.

Josué 17:18

nacherata da qami' taỹoto 'enauac aye qasoxonaxapi maye imattalec ye aviaqpi da yaqto' qaralamaxache, nache qauqopitaxañiỹapec da qano'onaxacheelec. Qaq yem Canaán le'ecpi qalaq qauo'oyiỹauec qome, na'aictaxa da ỹataqta 'añaxaicpi qataq huo'o aye nalaataxaquipi laigonapi lcat.»

2 Reyes 9:37

Nache de'era lo'ocỹaxac aso Jezabel, 'eeta'am na la'atec na shiguiỹac da laguelec yi'iye 'alhua ye Jezrel, huaña qome nache qaica ca 'eeta': ‹Ne'enaua nachenaua naua lpi'ineqa aso Jezabel.›»

2 Reyes 9:10

Qaq aso Jezabel, chec qome ca pioxoppi, huaña ye no'onaxa ye Jezrel, nache qaica qome ca ilayiñi asomaye.» Qaq co'ollaq ime da la'aqtac so na'aqtaxanaxanec, nache ỹauatoigui so lasom nache datauec.

1 Reyes 21:23

Qaq aso Jezabel, nataqa'en talec da la'aqtac Ñim Nataxala', 'eeta': Na pioxoppi chec qome na lapat aso Jezabel, hualec ye no'onaxa ye Jezrel.

1 Reyes 21:1

Qaq co'ollaq mashe qaỹoqtegue de'era, nache so Nabot maye lma' ye Jezrel, somaye huo'o so lanaxanaqa' uva lma', huaña som saqaỹapeque so lma' lta'araic so nta'a Ajab, maye naña ye Samaria.

1 Reyes 18:46

Qalaxaye Ñim Nataxala', ỹanem da la'añaxac so Elías, ỹoqo'oye co'ollaq ime da ỹa'añaxatchiyiñi soua alogo, nache ỹataqta naloxo da taỹa ye Jezrel, nache hua'auñi da ivireuo co'ollaq saxanaxa da ivireuo so Ajab.

Jueces 4:13

nache somaye laỹona't aso novecientos laigonapi lcat alaataxaqui, qataq so nalleppi, nache nnaicapegue' so nalleppi da chegoqchiguiña ye Jaroset Goyín da nqo'ona so la'auaxac Cisón.

Josué 19:18

Qaq se'eso 'alhuapi, nache lỹaueegue' som huaiguipi huaqta'a't nỹecpi: Jezrel, Quesulot, Sumen,

Josué 17:11

Nache som chegoxoguetpi so Manasés nataqa'en huo'o co'ollaxa so taỹot huaqta'a't nỹecpi maye huaigui ye na'alhua som chegoxoguetpi so Isacar, qataq som huaqta'a't nỹecpi maye huaigui ye na'alhua som chegoxoguetpi so Aser, nache lỹaueegue' so lauoreuapi nma'piolec: ye Bet Seán, Ibleam, Dor, Endor, Taanac, qataq Meguido qataq soua tres lcomaraxalate.

Josué 17:15

Nache so Josué ỹasategueto' somayepi, 'eeta': «Hua', cha'aye qoñiỹapec da ỹataqta qami' qalota, nache sa qanaloilec ye 'alhua maye hualec aye qasoxonaxapi ye Efraín, qaq ỹoqo'oye qanqo'oñiỹa qome ye aviaqpi maye huaigui ye na'alhua ye ferezeopi qataq ye refaiitapi.»

Josué 17:17

Qaq 'era da 'eetec so Josué da ỹasateguet som chegoxoguetpi so José, maye maiche nhuo' le'ecpi maye chegoxogueta soua Efraín qataq so Manasés, nache 'eeta': «Aja', qami' ỹoqta 'eesa da qami' qalota qataq ỹataqta qami' 'añaxaicpi, ỹoqo'oye saishet da qami' taỹoto catai' laỹolec yi'iye 'alhuapi,

1 Reyes 18:45

Nache so Ajab, huenongui aso laigona, nache taỹa ye Jezrel. Qaq na piguem mashe naueguelec so lo'oc, nache ỹataqta napalñi, qataq huo'o so la'at, nache anac so ỹataqta lta'araic auot.

Jeremías 49:2

Qaq ỹoqo'oye Aỹem Nataxala' da ỹa'aqtac, 'eeta': anacta ca na'a'q maye huaigui qome da so'ot da na huaqta'a't nỹecpi maye lalamaxat na amoniitapi maye lma' ye Rabá, hua'axaỹa qome ca na'alaxac da qaỹa'alaxalec da alaataxac, nache ỹe'eguelaxa qome da lapoosheguem, nache na huaqta'a't nỹecpi maye ỹotta'a't naua nañalo ỹavic qome. Qaq huaña qome nache na Israel le'ecpi, qaltaq ñe'eguelaxaala't nam lalamaxat co'ollaxa huaqta'a't nỹecpi maye ỹotta'a't naua nañalo. Qaq 'era da ỹa'aqtac, Aỹem Nataxala'.

Josué 15:56

Jezrel, Jocdeán, Zanoaj,

1 Samuel 29:1

Qaq so filisteopi laỹona't co'ollaxa 'enauac so nalleppi huaña ye Afec, qaq so Israel le'ecpi qalaq lanataqa' co'ollaxa ye saqaỹapeque ye huaña na npaxaatasheguem 'etaxat ye Jezrel.