Josué 17:13 - La'aqtaqa Ñim Lo'onatac 'Enauacna 2013

¹³ Qalaxaye co'ollaq mashe 'añaxaicpi so Israel le'ecpi, nache choche desheetenaxaatac naqa'en se'eso Canaán le'ecpi, qalaxaye saishet da ỹo'orauec.

Josué 17:13 Referans Kwoze

Josué 16:10

Qalaxaye se'eso maiche nhuo' le'ecpi maye chegoxoguetpi so Efraín, saishet da ỹañoxot co'ollaxa da ỹo'orauec so Canaán le'ecpi maye netaña ye Guézer, nacherata da hua'aqta'a da nache netaña yemaye da yaqto' lauoreuapi, qalaxaye desheetenaxaatac naqa'en. Qaq nache ivitta'a nagui da na Canaán le'ecpi da netaña yemaye.

Filipenses 4:13

So Cristo aỹem ỹami' da ỹa'añaxac da yaqto' ñala'aguet da sataỹa'aguet 'enauac nam sevireguet.

2 Pedro 3:18

Nachaqrata da qauaqaita'a da nsoxoyec qataq da nauattonaxanaxac maye qomi' ỹanema So Qarataxala' qataq Qarca'alaxaqui Jesucristo da qami' itauneque da qaviyiỹa'a da ỹataqta no'on da qara'amqaanataxanaxaqui. ¡Qaq da qayo'oxonnataxanaxac So Jesucristo, damaye chochaq tatec qome! Aja', nache 'eetec.

Efesios 6:10

Qaq nagui qami' ỹaqaỹa't, qanmichiỹaique ca qara'añaxaqui maye chegoqo'ot So Cristo cam qaviñiitaique nagui.

2 Samuel 3:1

Qaq de'era 'eetec co'ollaxa da nalattega't so llalaqpi so Saúl qataq so David ỹataqta qaỹoqtec. Qalaxaye so David nquictauec da la'añaxac, qaq so llalaqpi so Saúl qalaq nquicta'a't da la'añaxac.

Jueces 1:35

Qaq ỹoqo'oye so amorreopi nache netalec añi qasoxonaxa Heres, Ayalón qataq ye Sagalbín, qalaxaye som maiche nhuo' le'ecpi maye chegoxoguetpi so José, co'ollaq mashe 'añaxaicpi, nache ỹamaxalec da desheetenaxaatac naqa'en so amorreopi.

Jueces 1:33

Qaq so maiche nhuo' le'ecpi maye chegoxoguetpi so Neftalí, nataqa'en sa ỹañoxot co'ollaxa da ỹo'orauec so Canaán le'ecpi maye netaña ye Bet Semes, qataq ye Bet Anat, ỹoqo'oye nacherata da nache ỹalecta'aguet somayepi, qalaxaye ỹamaxalec da desheetenaxaatac naqa'en somayepi.

Jueces 1:30

Qaq so maiche nhuo' le'ecpi maye chegoxoguetpi so Zabulón, nataqa'en sa ỹañoxot co'ollaxa da ỹo'orauec so Canaán le'ecpi maye netalec ye Quitrón, qataq ye Nalal, ỹoqo'oye so Canaán le'ecpi nache netaña yemaye, nache ỹalecta'aguet somayepi, na'aictaxa da choche desheetenaxaatac qanqa'en.

Jueces 1:28

Qaq so Israel le'ecpi co'ollaq mashe 'añaxaicpi, nache ỹamaxalec da desheetenaxaatac naqa'en so Canaán le'ecpi, qalaxaye saishet da ỹo'orauec.

Génesis 49:15

Co'ollaq ila'a so 'alhua da ỹataqta 'onaxaic qataq ỹaỹamaqchiguiñi da mataqa', nache ica'amaxachigui na l-laq da ỹache so lla'ac, nache qaica ca la'aqtac da nañaneguet da nlatac.

1 Reyes 9:21

qataq som chegoxoguetpi somayepi maye no'onalec se'eso 'alhua, maye so Israel le'ecpi sa ỹañoxot co'ollaxa da nmatchiguiñi da ỹalauat, nache so Salomón ỹamaxalec somayepi na no'onatac maye ỹataqta qapa'atta, qaq choche ivitta'a nagui.