Josué 17:12 - La'aqtaqa Ñim Lo'onatac 'Enauacna 2013

¹² Qalaxaye so maiche nhuo' le'ecpi maye chegoxoguetpi so Manasés saishet co'ollaxa da naigui se'eso huaqta'a't nỹecpi, cha'aye sa ỹañoxot da ỹo'orauec so Canaán le'ecpi, ỹoqo'oye somayepi nache netaigui se'eso huaqta'a't nỹecpi.

Josué 17:12 Referans Kwoze

Josué 16:10

Qalaxaye se'eso maiche nhuo' le'ecpi maye chegoxoguetpi so Efraín, saishet da ỹañoxot co'ollaxa da ỹo'orauec so Canaán le'ecpi maye netaña ye Guézer, nacherata da hua'aqta'a da nache netaña yemaye da yaqto' lauoreuapi, qalaxaye desheetenaxaatac naqa'en. Qaq nache ivitta'a nagui da na Canaán le'ecpi da netaña yemaye.

Josué 15:63

Qaq se'eso maiche nhuo' le'ecpi maye chegoxoguetpi so Judá, saishet da ỹañoxot da ỹo'orauec co'ollaxa na Jebús le'ecpi maye netaña ye Jerusalén. Qaq ỹoqo'oye nache ivitta'a nagui da lauoreuapi.

1 Reyes 9:21

qataq som chegoxoguetpi somayepi maye no'onalec se'eso 'alhua, maye so Israel le'ecpi sa ỹañoxot co'ollaxa da nmatchiguiñi da ỹalauat, nache so Salomón ỹamaxalec somayepi na no'onatac maye ỹataqta qapa'atta, qaq choche ivitta'a nagui.