Josué 17:11 - La'aqtaqa Ñim Lo'onatac 'Enauacna 2013

¹¹ Nache som chegoxoguetpi so Manasés nataqa'en huo'o co'ollaxa so taỹot huaqta'a't nỹecpi maye huaigui ye na'alhua som chegoxoguetpi so Isacar, qataq som huaqta'a't nỹecpi maye huaigui ye na'alhua som chegoxoguetpi so Aser, nache lỹaueegue' so lauoreuapi nma'piolec: ye Bet Seán, Ibleam, Dor, Endor, Taanac, qataq Meguido qataq soua tres lcomaraxalate.

Josué 17:11 Referans Kwoze

1 Crónicas 7:29

Qaq som chegoxoguetpi so Manasés, nacheso som ilotague' ye Bet Seán, Tanac, Meguido qataq ye Dor, qataq som lauoreuapi nma'piolec. Qaq se'eso nma'pi, nache netaña co'ollaxa so chegoxoguetpi so José, som llalec so Israel.

2 Reyes 9:27

Qaq so Ocozías, maye nta'a ye Judá, co'ollaq ila'a de'era nache datauec, taỹa ye Bet Hagán. Qalaxaye so Jehú icanapec co'ollaxa somaye, nache damaxasoxoolec, 'eeta': Qaualauache nataqa'en somaye. Qaq so Ocozías, mashe taỹasheguema co'ollaxa ye Gur, yem sa qaỹapeque ye Ibleam co'ollaq qaique'emaqchet, huangui aso laigona qalaxaye ivira'a co'ollaxa ye Meguido, qaq nache huaña yemaye da ileu.

Jueces 5:19

Huaña nache so nta'alpi anac da naỹa ye Tanac, naỹa ye huaqta'ai' ye 'etaxat ye Meguido, qaq so nta'alpi cananeopi qalaq anac da deloqui, qalaxaye sa ỹañoxot da ỹache ana anom plata huo'otaq da nsallaxa.

Jueces 1:27

So maiche nhuo' le'ecpi maye chegoxoguetpi so Manasés, qalaq sa ỹañoxot co'ollaxa da ỹo'orauec so netalec ye Bet Seán, Tanac, Dor, Ibleam qataq ye Meguido, qataq som lauoreuapi nma'piolec, qaq so Canaán le'ecpi nache netalec se'esoua nma'ate.

Josué 12:23

qataq so nta'a ye Dor, maye hueteua'a na loigue aso Auaxai Late'erai, qataq so nta'a ye Goím, maye huaigui ye Gilgal,

Salmos 83:10

soua nlachiyiñi co'ollaq huaña ye Endor, nache 'eeta'am na huaca la'atec da ỹaleeguet na 'alhua.

1 Reyes 9:15

Qaq se'eso qapa'atta no'onatacpi maye damaxasoxoolec co'ollaxa so nta'a Salomón, nacheso so huo'omshe laỹona't so 'onataxanaxaicpi da ỹo'ot aso atamnaxaqui maye lalamaqte Ñim Nataxala', qataq so lma' lta'araic maye lo'onataxanaqa' somaye, qataq so nqa'aic lta'araic maye qaimeelec, qataq so lpaqtaxanaxat ye Jerusalén, qataq ye huaqta'a't nỹecpi ye Jazor, Meguido qataq ye Guézer.

1 Samuel 31:10

Qaq soua lo'ogoxonaqa'ate so Saúl qoỹaaraigui aso atamnaxaqui maye netaigui aso Astarté, qaq so lo'ocỹaxac somaye, qalaq ntaxattañi qanqa'en da qaỹasaxalec so lpaqtaxat coma' so huaqta'a't nỹecpi ye Betsán.

1 Samuel 28:7

Ỹoqo'oye so Saúl 'enapego' so ltauapi, 'eeta': Qanmichiỹaique qome aca 'alo maye ishet da iỹaxaneuga na nqui'ipi, yaqto' ñeqo'ona da sauo'o ca inataxanaxac. Nache so ltauapi somaye, 'enapeco': Huo'o añi 'alo maye ilaviigui ca lỹa, naña ye Endor.

Josué 11:2

Qataq 'enauac so nta'alpi yem 'alhuapi maye nalec aye qasoxonaxapi maye pa'aỹa'ague da sheu', qataq ye ca'amegue ye Jordán maye pa'aỹa'ague da la'añaxa aso Lapel Quinéret, qataq ye nalochiguiñi 'alhua, qataq ye Dor yem pa'aỹa'ague da avit.

Zacarías 12:11

Nache que'eca na'a'q, ỹataqta lta'araic qome ca noinaxac ye Jerusalén, 'eeta'am co'ollaq qanỹeetapeguelec so Hadad Rimón, huaña ye ca'amegue ye Meguido.

2 Crónicas 35:22

Qalaxaye so Josías saishet co'ollaxa da ỹe'eguelaq, nacherata da ipactague' da delogui' somaye, nache saishet da qocha'a da lvitaqtaxanaxac so Necao maye ỹachegoxoto'ot Ñim Lo'onatac 'Enauacna. Qaq ỹoqo'oye taỹa co'ollaxa so ca'amegue ye Meguido da delogui' somaye,

1 Crónicas 6:70

Qaq se'eso laỹe nhuo' le'ecpi quehatiitapi, qoỹanem som huaqta'a't nỹecpi maye ỹotta'a't naua nañalo ye Aner qataq ye Bileam, maye lalamaxat som laỹe so maiche nhuo' le'ecpi maye chegoxoguetpi so Manasés, lỹaueegue' nam no'onaxapi maye lquia'aqa'pi som 'atetpi.

1 Samuel 31:12

nache 'enauac so ỹalleppi maye 'añaxaicpi jec, nache imauec se'eso pe da queta, choche ivitta'a da nqaañi so lo'ocỹaxac so Saúl, qataq soua llalqa maye ntaxattrañi, huetaleguete so npaqtaxanaxat ye Betsán. Ime, nache ỹe'eguelaxa ye Jabés, yem huaña da ỹavigaxat so lapat soomaye.

Josué 16:9

Qalaxaye nataqa'en huo'o co'ollaxa so huaqta'a't nỹecpi, qataq som lauoreuapi nma'piolec maye huaigui som na'alhua so maiche nhuo' le'ecpi maye chegoxoguetpi so Manasés, da taỹot qanqa'en so maiche nhuo' le'ecpi maye chegoxoguetpi so Efraín.

Josué 12:21

qataq so nta'a ye Tanac, qataq so nta'a ye Meguido,

Josué 17:10

Nache so na'alhua som chegoxoguetpi so Efraín, pa'aỹa'ague da la'añaxa se'eso la'auaxac, qaq so na'alhuapi som chegoxoguetpi so Manasés, nache pa'aỹa'ague da sheu'. Qaq so loga't so na'alhuapi somaye, nache tachiguiña so loigue aso Auaxai Mediterráneo, qataq ivira'a so loga't so na'alhuapi som chegoxoguetpi so Aser maye pa'aỹa'ague da sheu', qataq pa'aỹa'ague da nala' lliguisheguem so na'alhuapi som chegoxoguetpi so Isacar.

Josué 17:16

Nache somayepi 'enapeco': «Aja', 'eesa da sa ñaloxolec ayem qasoxonaxapi. Qalaxaye ye Canaán le'ecpi maye netalec ye nalochiguiñi 'alhua, yemayepi huo'o aye nalaataxaquipi laigona lcat, qataq nache 'ena'am ye netaña ye Bet Seán, qataq ye lauoreuapi nma'piolec, qataq yem naña ye ca'amapega't ye Jezrel.»

2 Samuel 21:12

nache ỹe'eguena'alo co'ollaxa soua lpi'ineqa so Saúl, qataq so llalec Jonatán, maye ỹaỹamaxa't co'ollaxa som lma' ye Jabés, yem huaigui ye Galaad. Cha'aye somayepi decachiỹa co'ollaxa huaña ye naponqa' ye Betsán yem huaña da qaicoñeldashegue'm co'ollaq ime da noxonec so Saúl, huaña ye Gilboa.

Jeremías 49:2

Qaq ỹoqo'oye Aỹem Nataxala' da ỹa'aqtac, 'eeta': anacta ca na'a'q maye huaigui qome da so'ot da na huaqta'a't nỹecpi maye lalamaxat na amoniitapi maye lma' ye Rabá, hua'axaỹa qome ca na'alaxac da qaỹa'alaxalec da alaataxac, nache ỹe'eguelaxa qome da lapoosheguem, nache na huaqta'a't nỹecpi maye ỹotta'a't naua nañalo ỹavic qome. Qaq huaña qome nache na Israel le'ecpi, qaltaq ñe'eguelaxaala't nam lalamaxat co'ollaxa huaqta'a't nỹecpi maye ỹotta'a't naua nañalo. Qaq 'era da ỹa'aqtac, Aỹem Nataxala'.