Josué 17:10 - La'aqtaqa Ñim Lo'onatac 'Enauacna 2013

¹⁰ Nache so na'alhua som chegoxoguetpi so Efraín, pa'aỹa'ague da la'añaxa se'eso la'auaxac, qaq so na'alhuapi som chegoxoguetpi so Manasés, nache pa'aỹa'ague da sheu'. Qaq so loga't so na'alhuapi somaye, nache tachiguiña so loigue aso Auaxai Mediterráneo, qataq ivira'a so loga't so na'alhuapi som chegoxoguetpi so Aser maye pa'aỹa'ague da sheu', qataq pa'aỹa'ague da nala' lliguisheguem so na'alhuapi som chegoxoguetpi so Isacar.

Josué 17:10 Referans Kwoze

Josué 17:9

Qaq so loga't ye na'alhuapi so chegoxoguetpi so Manasés, nache naỹaña ye pa'aỹa'ague da la'añaxa so la'auaxac ye Caná, qaq se'eso huaqta'a't nỹecpi maye lalamaxat so Efraín nache ỹalectaigui so huaqta'a't nỹecpi maye lalamaxat so Manasés, qaq na'aictaxa co'ollaxa da so loga't ye na'alhua som chegoxoguetpi so Manasés chegoqchiguiña so pa'aỹa'ague da avit so la'auaxac maye taỹauga aso Auaxai Mediterráneo.

Josué 17:11

Nache som chegoxoguetpi so Manasés nataqa'en huo'o co'ollaxa so taỹot huaqta'a't nỹecpi maye huaigui ye na'alhua som chegoxoguetpi so Isacar, qataq som huaqta'a't nỹecpi maye huaigui ye na'alhua som chegoxoguetpi so Aser, nache lỹaueegue' so lauoreuapi nma'piolec: ye Bet Seán, Ibleam, Dor, Endor, Taanac, qataq Meguido qataq soua tres lcomaraxalate.