Josué 17:1 - La'aqtaqa Ñim Lo'onatac 'Enauacna 2013

¹ Qaq 'ena na 'alhuapi maye taỹot so maiche nhuo' le'ecpi maye chegoxoguetpi so Manasés, som ỹe llalec so José. Qaq so Maquir som ỹale maye ỹataqta alaataxaic, som llalec ỹe so Manasés, somaye nache lta'a so Galaad, qaq somaye taỹot ye 'alhua Galaad, qataq ye Basán maye pa'aỹa'ague da nala' lliguisheguem so tala Jordán.

Josué 17:1 Referans Kwoze

Números 26:29

Nache so Manasés llalec so Maquir. Qaq so Maquir llalec so Galaad,

Génesis 41:51

Qaq so la'auaxanec llalec ỹanagui da le'enaxat Manasés, cha'aye 'enapeco': «Ñim Lo'onatac 'Enauacna ỹo'ot da secoua'ai 'enauac so ñeque'eenaxac, qataq 'enauac ca ihuo' le'ecpi.»

Génesis 50:23

nache iviralec da ỹauaachigui so llalaqpi so laualpi so Efraín. Nataqa'en ivira'a da ỹaconeguet da ỹalecnoigui so lalamaxat llalaqpi som llalaqpi so laual Maquir, som llalec so Manasés.

Génesis 46:20

Qaq co'ollaq huaña ye 'alhua Egipto, nache so José ñiguiyiñi soua dos llalqa Manasés qataq so Efraín maye late'e' aso Asenat, asom llale so Potifera som ltaxaỹaxanaxanec so shiỹaxauapi maye lma' ye On.

Génesis 48:18

qaq nache 'eetega so lta'a, 'eeta': «¡'A'i, 'am ita'a, sa ỹaỹamaxañi da qonetec de'era! 'Ena na ỹe, qaq ỹashel-lec 'anaqa'en na 'arhuaq 'oiguishec na lqaic namaye.»

1 Crónicas 2:23

Qalaxaye so Gesur qataq so Aram, deuotaxaarec co'ollaxa som nanataqa'pi, qataq so huaqta'a't nỹecpi ye Yaír qataq ye Quenat, lỹaueegue' som lauoreuapi nma'piolec, qaq da ima'a't somayepi nache ivi' sesenta se'eso huaqta'a't nỹecpi maye ỹotta'a't naua nañalo. Qaq 'enauac se'esopi, lalamaxat co'ollaxa som llalaqpi so Maquir, som lta'a so Galaad.

Jueces 5:14

Qaq so chegoxoguetpi so Efraín, anaỹa co'ollaxa ye lma' na amaleciitapi, qataq nca'atalec somayepi som nalleppi so Benjamín. Qaq som chegoxoguetpi so Maquir qalaq huenotec som lataxala'pi, qataq som chegoxoguetpi so Zabulón nataqa'en anac so lataxala'pi.

Deuteronómio 21:17

Nache camaye huo'o naq 'enec naqa'en qome que'eca llalec maye ỹoqta 'eesa la'auaxanec llalec, qataq ỹactec qome ca ỹanem lsallaxa camaye, cha'aye 'itchiguiñi da ỹoqta 'eesa la'auaxanec llalec.

Números 32:33

Nache so Moisés ỹanem so 'alhua so maiche nalamaxat nhuo' le'ecpi maye chegoxoguet so Gad, Rubén qataq so laỹepi maiche nhuo' le'ecpi maye ncolaxara'ache co'ollaxa maye chegoxoguet so Manasés, maye llalec so José, yem na'alhua co'ollaxa so Sijón maye lta'a na amorreopi, qataq so Og maye lta'a na netaña ye Basán, lỹaueegue' nataqa'en so huaqta'a't nỹecpi qataq so no'onaxapi maye sa qaỹapeque yemaye.

Números 27:1

Qaq so nhuo' le'ecpi maye chegoxoguet so Manasés, huo'oi soua cinco nqaỹa't, le'enaxa't Malá, Nogá, Joglá, Milca qataq aso Tirsa. Qaq soomaye nache llalel so Selofejad, som llalec so Jéfer, maye chegoxogueta soua Galaat, Maquir, Manasés qataq so José.

Génesis 48:17

Qalaxaye so José saỹaỹamaxaren co'ollaxa da 'eetec so lta'a, souaxat da na lhuaq aloiguishec ỹashel-lec naqa'en na lqaic so Efraín. Nache ỹacona na lhuaq so lta'a da huotaique da ỹashel-lec naqa'en na lqaic so Manasés,

Josué 17:2

Nataqa'en qanallichigui so 'alhua da yaqto' taỹot qanqa'en so laỹepi llalaqpi so Manasés, nache qanaloqchiichigui ye lcata so maiche lalamaxat llalaqpi somayepi, som: Abiezer, Hélec, Asriel, Siquén, Jéfer qataq so Semida, maye nataqa'en llalqa so Manasés qataq maiche laua'alle so José.

Josué 22:7

Qaq so 'oonolec laỹe se'eso maiche nhuo' le'ecpi maye chegoxoguetpi so Manasés, so Moisés ỹanem co'ollaxa so 'alhua maye huaigui ye 'alhua ye Basán. Qaq so lỹa laỹe se'eso maiche nhuo' le'ecpi maye chegoxoguet so Manasés, so Josué ỹanem so na'alhua maye ỹalectaigui so na'alhuapi so Israel le'ecpi, maye pa'aỹa'ague da avit so Jordán. Nache so hua'auchiguiñi se'eso nhuo' le'ecpi ỹanem da lqouagaxanaqtaic, nache ỹamaq da ỹe'eguelaq.

Ezequiel 48:4

Qaq so Manasés huo'o qome ca taỹot chegoqchiguiña ye loga't ye na'alhua so Neftalí, chegoqchiguiña ye pa'aỹa'ague da nala' lliguisheguem, nache ivira'a ye loigue aso auaxai.

Génesis 41:52

Qaq so dalaxaic llalec qalaq ỹanagui da le'enaxat Efraín, cha'aye 'enapeco': «Ñim Lo'onatac 'Enauacna aỹem ỹanem da huo'oi naua ỹalqa, huaña ne'ena 'alhua maye huaña da ñeque'eenaxac.»

2 Samuel 2:9

qaq huaña yemaye co'ollaxa da ỹanagui da lta'a so netaña ye, Galaad, Guesuri, Jezrel, Efraín, Benjamín qataq 'enauac ye Israel.

Ezequiel 47:13

Aỹem Nataxala', shenapec: 'Ena na loga'tpi na 'alhuapi maye ỹaconeguet qome da yaqto' lalamaxat lma' naua doce maye chegoxogueta so Israel, qaq ca chegoxoguet so José, qalaq ỹactec qome ca talec 'alhua.