Qaq so loga't ye na'alhuapi so chegoxoguetpi so Manasés, nache naỹaña ye pa'aỹa'ague da la'añaxa so la'auaxac ye Caná, qaq se'eso huaqta'a't nỹecpi maye lalamaxat so Efraín nache ỹalectaigui so huaqta'a't nỹecpi maye lalamaxat so Manasés, qaq na'aictaxa co'ollaxa da so loga't ye na'alhua som chegoxoguetpi so Manasés chegoqchiguiña so pa'aỹa'ague da avit so la'auaxac maye taỹauga aso Auaxai Mediterráneo.
Josué 16:9 - La'aqtaqa Ñim Lo'onatac 'Enauacna 20139 Qalaxaye nataqa'en huo'o co'ollaxa so huaqta'a't nỹecpi, qataq som lauoreuapi nma'piolec maye huaigui som na'alhua so maiche nhuo' le'ecpi maye chegoxoguetpi so Manasés, da taỹot qanqa'en so maiche nhuo' le'ecpi maye chegoxoguetpi so Efraín. Gade chapit la |
Josué 16:9
6 Referans Kwoze
Qataq chegoqchiguiña ye Tapuaj da qaltaq taỹa'ague da pa'aỹa'ague da avit, nache ivitta'a so la'auaxac ye Caná qataq aso Auaxai Mediterráneo. Qaq 'eso som 'alhuapi maye lalamaxat so maiche nhuo' le'ecpi maye chegoxoguetpi so Efraín, nache qanaloqchiichigui ye lcata so maiche lalamaxat llalaqpi somayepi.
Qalaxaye se'eso maiche nhuo' le'ecpi maye chegoxoguetpi so Efraín, saishet da ỹañoxot co'ollaxa da ỹo'orauec so Canaán le'ecpi maye netaña ye Guézer, nacherata da hua'aqta'a da nache netaña yemaye da yaqto' lauoreuapi, qalaxaye desheetenaxaatac naqa'en. Qaq nache ivitta'a nagui da na Canaán le'ecpi da netaña yemaye.
Qaq som na'alhuapi qataq som netañapi somayepi, le'enaxat Betel, qataq som lauoreuapi nma'piolec, qataq ye Narán, maye pa'aigue da nala' lliguisheguem, qataq ye Guézer maye pa'aigue da avit, qataq ye Siquén, nache ivitta'a ye Ayah, qaq nache 'enauac se'eso huaqta'a't nỹecpi, qataq so lauoreuapi nma'piolec.
Piblisite