Josué 16:3 - La'aqtaqa Ñim Lo'onatac 'Enauacna 2013

³ Ime, qataq jec nache ivira'a ye pa'aỹa'ague da avit ye na'alhua so jafletiitapi, nache ivitta'a ye loga't ye Bet Jorón maye npa'aỹañi, qataq ye Guézer, nache taỹauga aso Auaxai Mediterráneo.

Josué 16:3 Referans Kwoze

2 Crónicas 8:5

Qaq nataqa'en no'oxoosheguem ye Bet Jorón maye nasheguema ye pa'asheguem, qataq ye Bet Jorón maye naña na npa'aguiñi, som huaqta'a't nỹecpi maye huo'o na lpaqtaxat, qataq naua laso'omi, qataq so lpataxasoxotpi so lasompi,

Josué 18:13

Qaq queta, ivitta'a ye Luz maye da lỹa le'enaxat Betel, yem pa'aỹa'ague da la'añaxa, nache naỹaña ye Atarot Adar, maye naña añi qasoxonaxa maye pa'aỹa'ague da la'añaxa ye pa'aguiñi ye Bet Jorón.

Josué 10:33

Qaq so Horán maye nta'a ye Guézer, lỹatec co'ollaxa so nalleppi da iueelec ye Laquis, qalaxaye so Josué nauec somayepi nache ỹataqta qaica ca no'onañi da nca'altauec naqa'en.

1 Crónicas 7:28

Qaq som na'alhuapi qataq som netañapi somayepi, le'enaxat Betel, qataq som lauoreuapi nma'piolec, qataq ye Narán, maye pa'aigue da nala' lliguisheguem, qataq ye Guézer maye pa'aigue da avit, qataq ye Siquén, nache ivitta'a ye Ayah, qaq nache 'enauac se'eso huaqta'a't nỹecpi, qataq so lauoreuapi nma'piolec.

1 Crónicas 7:24

Qaq aso Seerá, maye llale so Beria, no'oxoosheguem co'ollaxa ye Bet Jorón, yem npa'aỹañi qataq ye pa'aỹasheguem, qataq ye Uzén Seerá.

Números 34:6

Qaq ye loga't ye pa'aigue da avit, nache tachiguiña so loigue aye auaxai Mediterráneo.

1 Samuel 13:18

qaq so laỹepi qalaq taigue da pa'aỹa'ague ye Bet Jorón, qaq so pa'atec laỹepi qalaq taalec ye toolec 'alhua maye pa'aỹa'ague añi lcomaraxalate maye naña ye Zeboyin.

1 Crónicas 20:4

Qaq co'ollaq ime de'era, nache huo'o so loquiaxac da qailogui' so filisteopi, huaña ye Guézer. Qaq nache huetoigui co'ollaxa da so Sibecay, maye lma' ye Jusá, ỹalauat so Sipay, som chegoxoguet som logoraic ỹalleppi.