Josué 16:2 - La'aqtaqa Ñim Lo'onatac 'Enauacna 2013

² Qataq chegoqchiguiña ye Betel, maye da lỹa le'enaxat Luz, nache nlectelec 'enauac ye na'alhua so arquiitapi, nache ivitta'a ye Atarot.

Josué 16:2 Referans Kwoze

Josué 18:13

Qaq queta, ivitta'a ye Luz maye da lỹa le'enaxat Betel, yem pa'aỹa'ague da la'añaxa, nache naỹaña ye Atarot Adar, maye naña añi qasoxonaxa maye pa'aỹa'ague da la'añaxa ye pa'aguiñi ye Bet Jorón.

Génesis 28:19

Qaq se'eso 'alhua, huo'o co'ollaxa so huaqta'a't nỹecpi maye le'enaxat Luz, qalaxaye so Jacob naralaxat da le'enaxat, nache ỹanagui Betel.

1 Crónicas 27:33

Qaq so Ajitofel, nataqa'en ỹaateguema naxa naua lqataxaco so nta'a, qaq so Jusay, som arquiita, nataqa'en lpe'et so nta'a.

2 Samuel 16:16

Qaq so Jusay, som arquiita maye nauochaxaua so David, somaye huaqata'aguet co'ollaxa so Absalón, nache ỹa'alaqtai', 'eeta': ¡Nache 'eetai' da 'am nta'a, nache 'eetai' qome da 'am nta'a!

2 Samuel 15:32

Nache so David co'ollaq mashe ivitsheguema na pa'asheguem aso qasoxonaxa, maye huaña da qaỹo'oxoren Ñim Lo'onatac 'Enauacna, nache natena'aguet so Jusay maye arquiita, ỹataqta colaqta'ape soua alogo, qataq nlaqchigui na lqaic na 'alhua.

1 Crónicas 7:28

Qaq som na'alhuapi qataq som netañapi somayepi, le'enaxat Betel, qataq som lauoreuapi nma'piolec, qataq ye Narán, maye pa'aigue da nala' lliguisheguem, qataq ye Guézer maye pa'aigue da avit, qataq ye Siquén, nache ivitta'a ye Ayah, qaq nache 'enauac se'eso huaqta'a't nỹecpi, qataq so lauoreuapi nma'piolec.

2 Samuel 15:37

Nache so Jusay, maye nauochaxaua so David, ivireua'a ye Jerusalén, co'ollaq mashe inoxoneua'a yemaye so Absalón.