Josué 15:4 - La'aqtaqa Ñim Lo'onatac 'Enauacna 2013

⁴ Qaq huaña ye Amón qataq jec, nache taỹauga so La'auaxac ye Egipto, qaq nache loga't aso Auaxai Mediterráneo. Qaq 'eso so loga'tpi so na'alhuapi maye pa'aỹa'ague da la'añaxa.

Josué 15:4 Referans Kwoze

Números 34:5

qataq chegoqchiguiña ye Asmón, nache ivitta'a so la'auaxac ye 'alhua Egipto, nache tachiguiña aso auaxai Mediterráneo.

Josué 13:3

chegoqchiguiña so la'auaxac Sijor, maye pa'aỹa'ague da yo'oxoñi ye Egipto, nache ivitta'a so loga't ye Ecrón, maye pa'aỹa'ague da sheu', qaq yemaye qoỹeetegacnaxa na'alhua nam Canaán le'ecpi. Qaq yemaye nache netraña yeua cinco nataxala'ate Filistea lashe', qaq yeemaye nache lataxala'ate na lma' ye Gaza, Asdod, Ascalón, Gat qataq ye Ecrón. Nataqa'en ñaq no'onañi ye na'alhua ye aveopi,

Éxodo 23:31

Qaq naua loga'te yem qarmaye sogote da sa'a'n da na'anaguec, 'eeta': Chegoqchiguiña qome aso Auaxai Togaxarai, nache ivitta'a so loigue aso auaxai maye nalotaxaama ye lma' ye filisteopi, qataq chegoqchiguiña ye toolec 'alhua choche ivitta'a so tala Éufrates. Qaq Aỹem qami' sanema ye netalec yi'iye 'alhua da qauloỹiigue. Ime, qaq maiche qauo'oyiỹauec qome yemayepi.

Génesis 15:18

Qaq nache huetoigui se'eso na'a'q da Ñim Nataxala', naỹamaxate' so Abram, nache 'enapega, 'eeta': «Ne'ena 'alhua sanem qome ca 'am chegoxoguetpi, chegoqchiguiña ye tala ye Egipto, nache ivira'a so tala lta'araic Éufrates.

Josué 15:3

qaq nache quetague' da pa'aỹa'ague da la'añaxa, nache ivitta'a so nqa'aic maye taỹasheguema ye le'enaxat Acrabin, qataq ỹa'axasoxoolec ye toolec 'alhua ye Sin, qataq da pa'aỹa'ague da la'añaxa ye Cadés Barnea. Ime, nache ivitta'a ye Jesrón, ime qataq tasheguemec ye Adar qataq colliiñi da taỹa'a ye Carca.

Josué 15:47

Qataq so huaqta'a't nỹecpi ye Asdod, qataq so lauoreuapi nma'piolec, nataqa'en ye Gaza qataq so lauoreuapi nma'piolec, nache ivitta'a so la'auaxac ye Egipto qataq ivira'a so loigue aso Auaxai Mediterráneo.

1 Reyes 8:65

Qaq se'eso na'a'q, so Salomón qataq 'enauac so Israel le'ecpi, qataq so qalota shiỹaxauapi maye chegaqa'alo naua lỹa't 'aleu', chegoqchiguiña ye ñegueuo ye Jamat ivitta'a som la'auaxac maye huaña ye Egipto, nache 'enauac somayepi taỹa se'eso naponaxac maye huaiguilo soua siete na'axa'te, ime nache qaltaq qanayecoto soua lỹa't siete na'axa'te, qaq da ima'a't nache ivi' catorce na'axa'te se'eso naponaxac.

Isaías 27:12

Qaq que'eca na'a'q Ñim Nataxala' do'onataxan qome, chegoqchiguiña ye tala Éufrates nache ivitta'a so tala ye Egipto, 'eeta'am ca ichegoqtac ana ala ca nañiguishec, qalaxaye qami' Israel le'ecpi qami' qalaỹona't qome, qalaq qaỹacootaua'a ñi 'oonolec da qoñiita.