Josué 15:3 - La'aqtaqa Ñim Lo'onatac 'Enauacna 2013

³ qaq nache quetague' da pa'aỹa'ague da la'añaxa, nache ivitta'a so nqa'aic maye taỹasheguema ye le'enaxat Acrabin, qataq ỹa'axasoxoolec ye toolec 'alhua ye Sin, qataq da pa'aỹa'ague da la'añaxa ye Cadés Barnea. Ime, nache ivitta'a ye Jesrón, ime qataq tasheguemec ye Adar qataq colliiñi da taỹa'a ye Carca.

Josué 15:3 Referans Kwoze

Números 34:4

qaq se'eso loga't queteueegue da pa'aigue da la'añaxa, nache ivittasheguema ye Acrabín, qataq quetelec ye Zin, nache ivitta'a ye Cadés Barnea. Qataq tateuga ye Jazar Adar ivitta'a ye Asmón,

Jueces 1:36

Qaq so loga't so lma' so amorreopi, nache chegoqchiguiña so ñiguisheguem ye Acrabin, nache ivitta'a ye Selá, qataq taỹasheguema na pa'asheguem.

Números 32:8

Qaq 'era da 'eetec co'ollaxa so hua'au qarta'ailpi co'ollaq samaxa ye Cadés Barnea da ichemaxata yi'iye 'alhua.

Números 20:1

Qaq so la'auaxanec ca'agoxoic se'eso vi'i, nache so Israel le'ecpi ivita ye toolec 'alhua ye Zin, nache naña co'ollaxa ye Cades. Qaq nache huaña yemaye da ileu aso María, qaq nache qailareña yemaye.

Génesis 14:7

Qaq co'ollaq ñe'eguelaq so Quedorlaomer, qataq so nnaictague'pi somaye, nache nvira'a ye Enmispat, maye da lỹa le'enaxat Cades. Qaq huaña, nache loxonec 'enauac yem na'alhua so Amalec le'ecpi, qataq nataqa'en som amorreopi maye netaña co'ollaxa ye 'alhua Jasesón Tamar.

Josué 15:2

Qaq yi'iye loga't nache chegoqchiguiña na lsheenec yem pa'aỹa'ague da la'añaxa aso Auaxai Leuaxai,

Josué 15:4

Qaq huaña ye Amón qataq jec, nache taỹauga so La'auaxac ye Egipto, qaq nache loga't aso Auaxai Mediterráneo. Qaq 'eso so loga'tpi so na'alhuapi maye pa'aỹa'ague da la'añaxa.