Josué 15:13 - La'aqtaqa Ñim Lo'onatac 'Enauacna 2013

¹³ So Josué nataqa'en ỹanem co'ollaxa so Caleb som llalec so Yefune, so laỹe na'alhua so maiche nhuo' le'ecpi maye chegoxoguetpi so Judá, da yaqto' qaipacchigui da lamaxasoxonaxac Ñim Nataxala', nache ỹanem ye Hebrón, maye lma' co'ollaxa som chegoxoguetpi so Anac.

Josué 15:13 Referans Kwoze

Números 13:30

Ime, nache so Caleb 'enapega se'eso nhuo' le'ecpi maye datato'ot so Moisés da de'enaxaatai', nache, 'eeta': ¡Qomi' qolaq qome, ñeqo'onaxa yi'iye 'alhua, nache saconaxa da sonaqalec, cha'aye qomi' ñapagaqalec da la'añaxac yemayepi!

Génesis 23:2

nache ileu, huaña ye Quiriat Arbá, maye da lỹa le'enaxat Hebrón, huaigui ye 'alhua Canaán. Nache so Abraham nỹeeteguelec co'ollaxa aso Sara, qataq ỹo'ot da lasouaxac.

Números 13:6

Caleb, som llalec so Yefune, maye chegoxoguet na maiche lauo' le'ecpi so Judá,

Josué 21:11

Qaq so 'alhuapi maye huaña aye qasoxonaxapi maye lalamaxatpi so chegoxoguetpi so Judá, nache qoỹanec ye Hebrón, yem hua'auchiguiñi lma' co'ollaxa som chegoxoguetpi so shiỹaxaua logoraic le'enaxat Anac, qataq lỹaueegue' so no'onaxapi maye lquia'aqa' na 'atetpi.

Jueces 1:10

Nataqa'en iloquiaxan so Canaán le'ecpi maye netaña ye Hebrón, yem le'enaxat co'ollaxa da Quiriat Arbá. Qaq huaña yemaye da noxonqa soua Sesay, Ajimán qataq so Talmay.

1 Samuel 25:3

Qaq somaye le'enaxat Nabal, qataq chegoxoguet so Caleb, qaq somaye ỹataqta yeloxoic qataq qauem da lataxac, qaq aso lhua le'enaxat Abigaíl, qaq asomaye ỹataqta 'onaxai qataq ỹataqta ỹaanataxanaxai.

1 Samuel 30:14

qomi' ñeqo'onaxa caillaye da seloquiaxanaq ye pa'aỹa'ague da sheu' ye na'alhua ye quereteopi qataq ye na'alhua ye lauo' le'ecpi so Judá qataq so Caleb. Nataqa'en savigaxataq ye Siclag.

1 Crónicas 6:56

Qaq so Caleb, maye llalec so Yefune, qoỹanem so huaqta'a't nỹecpi, qataq no'onaxa, qataq som lauoreuapi nma'piolec.

Génesis 13:18

Qaq huaña nache so Abram nqat so lpe'l, nache jec da naña yem saqaỹapeque so huaqta'a't nỹecpi ye Hebrón, yem huaña aso qo'oipaqpi le'enaxat encina, maye lalamaxat som ỹale le'enaxat Mamre. Qaq huaña yemaye nache no'oxoosheguem aso lca'atoxonaxalate da yaqto' ỹo'oxoren Ñim Nataxala'.

Josué 11:21

Nataqa'en se'eso na'a'q so Josué deuotaxanec qataq ỹataqta nlaxatchiguiñi 'enauac so huaqta'a't nỹecpi maye lma' so anaquiitapi maye nalec aye qasoxonaxapi ye Hebrón, Debir, Anab, qataq 'enauac aye qasoxonaxapi maye ỹotta'a't nam naña ye Judá qataq ye Israel.

Josué 20:7

Huaña co'ollaxa, nache so Israel le'ecpi lca'aua'a da yaqto' ñe'eguenaxaquipi so huaqta'a't nỹecpi ye: Cedes, Galilea, qataq ye huaña ana qasoxonaxapi ye Neftalí, qataq ye Siquén, maye huaña na qasoxonaxapi maye lalamaqte so Efraín, qataq ye Quiriat Arbá, maye nataqa'en le'enaxat da Hebrón, maye huaigui aye qasoxonaxapi ye Judá.

Jueces 1:20

Qaq so Caleb qalaq taỹot ye Hebrón, ipacchigui da la'aqtac co'ollaxa so Moisés, nache so Caleb ỹo'oldauec soua tres llalqa so Anac, som logoraic shiỹaxaua.

1 Samuel 30:31

Hebrón qataq so nataxala'pi maye netañalo 'enauaque soua nma'ate maye netañalo co'ollaxa so David qataq so nalleppi.

2 Samuel 2:1

Qaq co'ollaq mashe ime de'era, nache so David inat co'ollaxa Ñim Nataxala', 'eeta': ¿Peta'a ishet da huo'o ca ñeqo'ona yem huaqta'a't nỹecpi maye ỹotta'a't naua nañalo na Judá? Nache Ñim Nataxala', 'eeta': Aja', ishet, qalaxaye so David qaltaq denataxan, 'eeta': ¿Qaq chaq negue't cam ishet da ñeqo'ona? Nache Ñim Nataxala', 'eeta': Qomye 'anqo'ona ye Hebrón.

2 Crónicas 11:10

Sorá, Ayalón qataq ye Hebrón, qaq 'eso som huaqta'a't nỹecpi maye qanpaxattaua'a co'ollaxa maye naña ye Judá qataq ye Benjamín.