Josué 15:11 - La'aqtaqa Ñim Lo'onatac 'Enauacna 2013

¹¹ Ime qaltaq jec chegoqchiguiña ye pa'aỹa'ague da sheu' ye ñiguisheguem ye Ecrón, nache coleetauga ye Sicrón, qataq nlectelec añi qasoxonaxa ye Baalá, da yaqto' taỹauga ye Jabnel, nache ivittauga so loigue aso Auaxai Mediterráneo.

Josué 15:11 Referans Kwoze

2 Reyes 1:16

Nache 'enapego' so nta'a, 'eeta': Da la'aqtac Ñim Nataxala', 'eeta': «Qaq souaxat da 'auamaq so 'aramaxashecpi, da yaqto' 'aunat cam Baal Zebub maye atamnaxala' ye Ecrón, 'eeta'amo' da qaica Ñim Atamnaxala' na Israel da yaqto' 'aunat, nache 'am nagui saishet da 'avi'eguelaxa da qoñisheguem da qouetalec na 'armala', nacherata da 'aleu qome.»

2 Reyes 1:6

Nache somayepi 'enapeco': Qomye huo'o so ỹale, qomi' nqanaxattegueta, nache qomi' 'enapegalo da she'eguelaxasoxoua'a cam nta'a maye qomi' lamaxa'she. Nache sa'aqtaxanaxam da la'aqtac Ñim Nataxala', 'eeta': «¿Peta'a qaico' ca Atamnaxala' na Israel, ỹoqo'oye 'auamaxasoxona da qainat cam Baal Zebub maye atamnaxala' ye Ecrón? Qaq souaxat de'era 'auo'ot, nache 'am, saishet da 'avi'eguelaxa da qoñisheguem da qouetalec na 'armala', nacherata da 'aleu qome.»

1 Samuel 7:14

Qaq 'era da 'eetec so Israel le'ecpi co'ollaq ñe'eguelaxaala't so huaqta'a't nỹecpi maye ỹacona co'ollaxa so filisteopi, chegoqchiguiña ye Ecrón nache ivitta'a ye Gat, nache ỹe'egueloqot somayepi so 'alhua maye loxonec co'ollaxa so filisteopi. Qaq 'era da 'eetec da so Israel le'ecpi da isoueeguesop co'ollaxa ye na'alhua da la'añaxac so filisteopi. Huaña nache so Israel le'ecpi qataq so amorreopi huo'o da l-lagaxayec.

1 Samuel 5:10

Nache som filisteopi qaltaq nquigaxata ye Ecrón aso laỹe' da naỹamaxataxac Ñim Lo'onatac 'Enauacna, qalaxaye co'ollaq ivita yemaye, nache so netaña ye Ecrón ỹa'alaqtagui, 'eeta': «¡Qomi' qanda'alo' ana laỹe' da naỹamaxataxac Ñim Natamnaxala' ye Israel le'ecpi da yaqto' qomi' nmatchiyiñi da qomi' ỹalaua't!»

Josué 15:45

Nataqa'en so huaqta'a't nỹecpi ye Ecrón, qataq lỹaueegue' na lauoreuapi nma'piolec,

Josué 15:9

qaq huaña nache se'eso loga't qaltaq ncoleetañi, chegoqotcheguema na pa'asheguem añi qasoxonaxa, nache qaltaq nvittaña ye huaña na npaxaatasheguem 'etaxat ye Neftoa, qataq ivitta'a ye huaqta'a't nỹecpi maye nalec añi qasoxonaxa ye Efrón, ime qaltaq ỹa'axasoxoolec ye Baalá maye nataqa'en le'enaxat Quiriat Yearin.

Josué 15:10

Qaq nache huaña ye Baalá, da se'eso loga't qaltaq ñe'eguelaxa nam pa'aỹa'ague da avit, nache ivitta'a añi qasoxonaxa ye Seír, qataq nlectelec ye Quesalón qataq nlectot na loigue añi qasoxonaxa Jearim, da yaqto' qaltaq naỹaña na npa'aguiñi ye Bet Semes qataq nlectelec ye Timná.

Josué 15:12

Qaq se'eso loga't tachiguiña ye pa'aỹa'ague da avit, maye loigue aso Auaxai Mediterráneo. Qaq 'enauac ne'ena nache loga'tpi na 'alhuapi maye taỹot so maiche nhuo' le'ecpi maye chegoxoguetpi so Judá, nache qoỹanem somayepi, ỹataqtac qanqa'en ye lcata so maiche lalamaxat llalaqpi somayepi.

1 Samuel 17:52

Nache so alleppi Israel le'ecpi, qataq som chegoxoguet so Judá ỹa'alaqtalec da nalaataxac, nache jec da icanapec som filisteopi, choche iviraxatta'a ye ca'amegue qataq ñeua laso'omi ye Ecrón. Qaq 'enauac som nqa'aic maye chegoqchiguiña ye Sagarayin da taỹa'a ye Gat qataq ye Ecrón, ỹataqta vichiguiiñalo na nalaatac filisteopi.

Números 34:6

Qaq ye loga't ye pa'aigue da avit, nache tachiguiña so loigue aye auaxai Mediterráneo.

Jueces 1:18

Qaq se'eso chegoxoguetpi so Judá sa ỹañoxot co'ollaxa da loxonec ye huaqta'a't nỹecpi ye Gaza, Ascalón qataq ye Ecrón, qataq so lauoreuapi 'alhuapi.

1 Samuel 5:8

Qaq ỹoqo'oye somayepi damaxasoxona 'enauac so nataxala'pi filisteopi da laỹona't, nache dataiguet somayepi, nache inato' somayepi, 'eeta': ¿Chaq shenaqtec añim laỹe' da naỹamaxataxac Ñim Natamnaxala' ye Israel le'ecpi? Nache somayepi 'enapeco': Qomye qanquigaxachiỹa ye huaqta'a't nỹecpi ye Gat. Nache so filisteopi ỹache asomaye, nache nquigaxata yemaye.

2 Crónicas 26:6

Qaq so Uzías taỹa co'ollaxa so filisteopi da iloquiaxan, nache ilaxachigui so lpaqtaxatpi so huaqta'a't nỹecpi ye Gat, Jabnia qataq ye Asdod, ime nache no'oxoosheguem so huaqta'a't nỹecpi ye Asdod, maye huaigui ye na'alhua so filisteopi.