Josué 15:1 - La'aqtaqa Ñim Lo'onatac 'Enauacna 2013

¹ Qaq so 'alhua maye taalec co'ollaxa so maiche nhuo' le'ecpi maye chegoxoguetpi so Judá, somaye ivira'a ye loga't ye Edom, maye pa'aỹa'ague da la'añaxa, nache ivitta'a ye toolec 'alhua ye Sin.

Josué 15:1 Referans Kwoze

Ezequiel 47:19

Qaq yem loga't maye pa'aỹa'ague da taguiñi, qalaq chegoqchiguiña qome ye Tamar, nache nlequeelec yem naña añi lapel ye Meribá Cadés, qataq taalec so la'auaxac ye Egipto, nache ivitta'a aso auaxai Mediterráneo.

Josué 14:2

Qaq se'eso 'alhuapi co'ollaq qoỹanec, nache qanallichigui da yaqto' qaỹaỹaten ca taalec ñi 'oonolec so nueve, qataq so 'oonolec laỹe so maiche nalamaxat nhuo' le'ecpi, nache qaipacchigui da la'aqtac Ñim Nataxala' maye ỹamaxalec co'ollaxa so Moisés.

Números 20:16

qaq huaña, nache qomi' seỹaxanaqot Ñim Nataxala', nache Ñimaye hua'axaỹa so qarỹaxanaxac, nache namaq so nale piguem le'ec da qomi' nqateeguesopa ye Egipto. Qaq nagui sonaqtaña na Cades, nam loga't na 'ana'alhua.

Deuteronómio 32:51

Qaq 'era da 'eetec qome, cha'aye qami' ỹauaachiguilo co'ollaxa 'enauac na Israel le'ecpi, co'ollaq qoviita'a ye huaña na npaxaatasheguem 'etaxat ye Meribá Cadés, yem toolec 'alhua ye Sin, co'ollaq qaica ca 'enec qanqa'eñi Aỹem.

Josué 15:2

Qaq yi'iye loga't nache chegoqchiguiña na lsheenec yem pa'aỹa'ague da la'añaxa aso Auaxai Leuaxai,

Josué 18:5

Qataq que'ecaua shiỹaxau' siete qome caua icolaxara'ache 'alhua. Qaq nam chegoxoguetpi so Judá, nache qoỹanem na pa'aỹa'ague da la'añaxa, qaq na chegoxoguetpi so José, nache qoỹanem na pa'aỹa'ague da sheu'.

Ezequiel 48:7

Qaq so Judá huo'o qome ca taỹot chegoqchiguiña ye loga't ye na'alhua so Rubén, chegoqchiguiña ye pa'aỹa'ague da nala' lliguisheguem, nache ivira'a ye loigue aso auaxai.

Génesis 35:23

Qaq soua llalqa aso Lea, le'enaxat da Rubén so la'auaxanec, qataq jec so Simeón, Leví, Judá, Isacar qataq so Zabulón.

1 Reyes 8:65

Qaq se'eso na'a'q, so Salomón qataq 'enauac so Israel le'ecpi, qataq so qalota shiỹaxauapi maye chegaqa'alo naua lỹa't 'aleu', chegoqchiguiña ye ñegueuo ye Jamat ivitta'a som la'auaxac maye huaña ye Egipto, nache 'enauac somayepi taỹa se'eso naponaxac maye huaiguilo soua siete na'axa'te, ime nache qaltaq qanayecoto soua lỹa't siete na'axa'te, qaq da ima'a't nache ivi' catorce na'axa'te se'eso naponaxac.