Josué 14:9 - La'aqtaqa Ñim Lo'onatac 'Enauacna 2013

⁹ Huaña, nache so Moisés aỹem ỹanem so la'aqtac da yaqto' qaipacchigui, 'eeta': ‹Ca 'alhuapi maye 'auapelec qome, nacheca qome ca 'aralamaxatpi, nataqa'en ca 'aỹa'alaqpi, cha'aye ỹataqta saq 'axanec Ñim Nataxala' maye Ñatamnaxala'.›

Josué 14:9 Referans Kwoze

Josué 1:3

Qaq sepacchigui qome da ỹa'aqtac maye sanem co'ollaxa so Moisés, da Aỹem qami' sanema 'enauac ye 'alhua maye qauapiilec qome.

Deuteronómio 1:36

Qaq nachesota qome so Caleb, maye llalec so Yefune da inoxoneua'a yi'iye 'alhua. Nache ca pelec 'alhua sanem qome somaye qataq ca chegoxoguetpi da yaqto' lalamaxat. Cha'aye somaye ỹataqta ỹalaxaguet Ñim Lo'onatac 'Enauacna.›»

Números 13:22

Qataq quetelec co'ollaxa soomaye ye Néguev, nache ivitta'alo ye Hebrón. Qaq yemaye nache netañalo co'ollaxa soua Ajimán, Sesay qataq so Talmay maye chegoxogueta so Anac. Qaq yi'iye huaqta'a't nỹecpi ye Hebrón, nache 'eetai' da mashe huo'o, qaq co'ollaq inoxoorec soua siete vi'iye, nache cheta'ague da qano'oxoosheguem so huaqta'a't nỹecpi ye Soán maye huaigui ye Egipto.

Deuteronómio 11:24

Nache 'enauac da qaralamaxache qome ye 'alhuapi maye qauapiilec. Qaq naua loga'te ye qana'alhuai chegoqchiguiña qome ye toolec 'alhua nache ivitta'a ye Líbano, qataq chegoqchiguiña ye tala Éufrates, nache ivitta'a aso auaxai Mediterráneo.

Josué 14:10

Qaq mashe inoxoorec soua cuarenta y cinco vi'iye da Ñim Nataxala' ỹa'n ne'enaua la'aqtaqa maye nasaxarec co'ollaxa so Moisés se'eso na'a'q co'ollaq ñaq coleetapeguelec ye toolec 'alhua na Israel le'ecpi. Nache ỹataqta ipacchigui de'era la'aqtac Ñimaye da aỹem qaica cara da ñachaalataxac. Qaq ỹoqo'oye nagui mashe sevi' naua ochenta y cinco vi'iye da ñachaalataxac.

Jueces 1:20

Qaq so Caleb qalaq taỹot ye Hebrón, ipacchigui da la'aqtac co'ollaxa so Moisés, nache so Caleb ỹo'oldauec soua tres llalqa so Anac, som logoraic shiỹaxaua.

Salmos 37:9

Cha'aye na qauemaicpi imeuo qome qanqa'en, qalaxaye ca naquitto'ot Ñim Nataxala' qalaq taỹot da lalamaxat qome ne'ena 'alhua.