Josué 14:6 - La'aqtaqa Ñim Lo'onatac 'Enauacna 2013

⁶ Qaq huo'oi co'ollaxa soua chegoxogueta so Judá, da nqo'oora ye Gilgal da yaqto' na'aqtaxaneto so Josué, nache so Caleb som llalec so Yefune, so lauo' le'ec so quenezitapi, 'enapego' so Josué, 'eeta': «'Antoueeta'aco' naua la'aqtaqa Ñim Nataxala' co'ollaq 'enapega so lamaxashec Moisés, co'ollaq huaña ye Cadés Barnea, da qomi' detaqtacoto, 'am qataq aỹem.

Josué 14:6 Referans Kwoze

Números 14:30

Qaq nachesota so Caleb, som llalec so Yefune, qataq so Josué, maye llalec so Nun, da inoxooreua'a qome yi'iye 'alhua. Qaq qaica ca 'oonolec da qoñiita da inoxoneua'a yi'iye 'alhua maye sachaxanapec co'ollaxa da qami' sanaleguete.

Números 14:24

Qalaxaye so ỹamaxashec Caleb, maye huaỹoqtec da lataxac, qataq ỹataqta Aỹem ỹalaxaguet. Nachesota qome da sasheeteua'a da inoxoneua'a yi'iye 'alhua maye taỹa co'ollaxa da imeten, qataq ca chegoxoguetpi, nache nalec qome yemaye.

Números 13:6

Caleb, som llalec so Yefune, maye chegoxoguet na maiche lauo' le'ecpi so Judá,

Josué 14:14

Qaq 'era da 'eetec co'ollaxa da ye Hebrón, ivira'a da lalamaxat so Caleb, qataq so lalamaxat llalaqpi, nache ivitta'a nagui, cha'aye so Caleb ỹataqta saq ỹaxanec Ñim Nataxala' maye Natamnaxala' so Israel le'ecpi.

Números 14:6

nache so Josué maye llalec so Nun, qataq so Caleb maye llalec so Jefone maye nqo'oora co'ollaxa da imete'n yi'iye 'alhua, soomaye icolaxata'aguelo soua alogo souaxat da nqui'ic,

Josué 15:17

Qaq som loxonec se'eso huaqta'a't nỹecpi nacheso so maiche lasoshec somaye, som le'enaxat Otoniel, som llalec so lqaỹa Cenaz. Nache so Caleb ỹanem co'ollaxa somaye da lhua naqa'en aso llale Acsa.

Números 32:12

Qaq nachesota so Caleb som llalec so Yefune, som queniziita, qataq so Josué, som llalec so Nun, da ỹataqta ỹalaxagueta co'ollaxa Ñim Nataxala'.

Números 13:26

nache soomaye ỹe'eguelaxara ye Cades, yem toolec 'alhua ye Parán. Yem hueta'a so Moisés, Aarón qataq 'enauac so Israel le'ecpi. Nache da'aqtaxaarem somayepi 'enauac da lauanaqchec co'ollaxa soomaye, qataq qaỹachaxan aso ala ana nañiguishe yi'iye 'alhua.

Salmos 90:1

'Am Nataxala', nache 'am da qomi' 'ampaxattaleguete, 'enauaque naua vi'iye.

2 Timoteo 3:17

yaqto' ca lamaxashec Ñim Lo'onatac 'Enauacna ỹataqta ỹaỹaten da lo'onataxanaxac qataq lhuotta da ỹo'ot ca ỹaỹamaqchiguiñi.

1 Timoteo 6:11

Qalaxaye 'am Timoteo, 'am lamaxashec Ñim Lo'onatac 'Enauacna, 'auataueeguesop 'enauac ne'ena sa ỹaỹamaxañi. Ime, nache 'ampogoxoinapegue' da 'aualaxaguet Ñimaye qataq da 'am no'on lapaxaguenatac So Jesucristo. Saishet da 'axanec da 'arpi'iỹaxac Ñimaye qataq 'auauotec 'enauac na qarqaỹañicpi maye qara'amqaanataxanaxauapi. Qataq da ivita da 'auataỹa'aguet na lqalaiguesat qalaq 'auauo'o qome da 'arhualaxavic, qataq 'auauotec na laỹepi shiỹaxauapi.

2 Reyes 8:11

Nache som la'aqtaxanaxanec Ñim Nataxala', ỹataqta ỹalletot co'ollaxa so Jazael, nache ỹo'ot da saỹaỹaten ca 'eetec somaye. Ime, nache so la'aqtaxanaxanec Ñim Lo'onatac 'Enauacna, ỹataqta nỹeetac co'ollaxa.

2 Reyes 8:7

Qaq co'ollaq ime de'era, nache so Eliseo taỹa ye Damasco, qaq se'esoua na'axa'te, sano'on co'ollaxa so Ben Adad, maye nta'a ye Siria, nache qaỹa'aqtaxanem somaye da nvita yi'iye 'alhua so la'aqtaxanaxanec Ñim Lo'onatac 'Enauacna.

2 Reyes 4:42

Qaq co'ollaq ime, nache nvi' so ỹale maye lma' ye Baal Salisá, ndotaua'a so Eliseo aso veinte nauolepi maye cheta'ague da dato, qataq so trigo maye cheta'ague da qanqat. Nache so Eliseo ỹamaq so lamaxashec, 'eeta': Ñaq 'aỹa'anoigui na shiỹaxauapi da yaqto' chec.

2 Reyes 4:16

Nache so Eliseo 'enapego' asomaye, 'eeta': Ne'ena vi'i maye ñaq natauo, nache huetoiguilo caua na'axa'te maye 'eeta'ama nagui, nache huo'o qome ca 'ansoqtauo 'aỹa'alec. Qalaxaye asomaye 'enapeco': 'A'i, 'am ỹataxala', maye 'am nale Ñim Lo'onatac 'Enauacna, saishet qome da 'auatenachet ana'ana 'aramaxashe.

2 Reyes 4:9

Nache asa'aso 'alo 'enapego' so lhua, 'eeta': «Se'eso ỹale maye saq ỹet naxa da qomi' nateua'alo da ivita da nateuga ne'ena, aỹem saỹaten da somaye ỹataqta qui'itta la'aqtaxanaxanec Ñim Lo'onatac 'Enauacna.

1 Reyes 13:14

Nache icaalec so la'aqtaxanaxanec Ñim Lo'onatac 'Enauacna, qaq nache iviralec co'ollaxa somaye nso'ootañi neto'ot aso qo'oipaq late'erai, nache inat, 'eeta': ¿Peta'a nache 'am la'aqtaxanaxanec Ñim Lo'onatac 'Enauacna, maye 'arma' ye Judá? Nache somaye, 'eeta': Aja', nache aỹem.

1 Reyes 13:1

Qaq so Jeroboán co'ollaq ñaq ỹavigaxattac so lchenaxanaxat, nache ivireuo so la'aqtaxanaxanec Ñim Lo'onatac 'Enauacna maye chegaqa'a ye Judá, som lamaxashec Ñim Nataxala'.

Josué 10:43

Qaq co'ollaq ime, nache so Josué qataq 'enauac so Israel le'ecpi ỹe'eguelaxa co'ollaxa so lanataqa' ye Gilgal.

Josué 4:19

Nache so Israel le'ecpi chegoqchiguiña co'ollaxa ye tala Jordán da jec, huetoiguilo se'esoua diez na'axa'te so la'auaxanec ca'agoxoic. Ime, qaq nmataqa' ye Gilgal, ye pa'aỹa'ague da yo'oxoñi ye Jericó.

Deuteronómio 34:10

Qaq nache chegoqchiguiña co'ollaxa da qaica ca lỹa na'aqtaxanaxanec ye Israel da 'eeta'am so Moisés, da ishet da datata'aguet da na'aqtaxaatague' Ñim Nataxala',

Deuteronómio 34:5

Qaq nache huaña ye Moab da ileu so Moisés maye lamaxashec Ñim Nataxala', nache ipacchigui da la'aqtac Ñim Nataxala',

Deuteronómio 33:1

Qaq co'ollaq mashe sa qaỹapeque so laloqo' da ileu so Moisés, maye nale Ñim Lo'onatac 'Enauacna, nache somaye ỹanem da no'on la'aqtac na Israel le'ecpi,

Números 13:30

Ime, nache so Caleb 'enapega se'eso nhuo' le'ecpi maye datato'ot so Moisés da de'enaxaatai', nache, 'eeta': ¡Qomi' qolaq qome, ñeqo'onaxa yi'iye 'alhua, nache saconaxa da sonaqalec, cha'aye qomi' ñapagaqalec da la'añaxac yemayepi!

Números 26:65

cha'aye nache la'aqtac co'ollaxa Ñim Nataxala' da ileuaña somayepi ye toolec 'alhua. Qaq ndotec so Caleb, som llalec so Yefune qataq so Josué, som llalec so Nun da no'oirañi.

Jeremías 35:4

nache sauegueua'a aso atamnaxaqui, yem ndaqa' maye lalamaxat so llalaqpi so Hanán som llalec so Igdalías, som ỹale maye lo'onataxanaxanec Ñim Lo'onatac 'Enauacna. Qaq se'eso ndaqa' huaqta'ai' so lma' so nataxala'pi maye ilotague' aso atamnaxaqui, qataq npa'aỹañi so ndaqa' maye lalamaxat so Maseías som llalec so Salún maye nauaatalec naxa ñi lasom aso atamnaxaqui.

1 Crónicas 23:14

Qaq so llalaqpi so Moisés maye lo'onataxanaxanec Ñim Lo'onatac 'Enauacna, qaimata'aguet da qanaloqten som chegoxoguetpi so Leví.