Josué 14:1 - La'aqtaqa Ñim Lo'onatac 'Enauacna 2013

¹ Qaq 'ena na 'alhuapi maye huaña ye Canaán maye ỹaconeguet co'ollaxa da yaqto' ỹauo'o lalamaxat so Israel le'ecpi. Qaq se'eso 'alhuapi naloqnec co'ollaxa so ntaxaỹaxanaxanec Eleazar, qataq so Josué, nataqa'en so lataxala'pi na maiche nhuo' le'ecpi maye chegoxoguetpi so Israel.

Josué 14:1 Referans Kwoze

Hechos 13:19

Qataq Ñimaye ỹo'otec da qaỹalauat co'ollaxa soua siete nta'al maye netalec yi'iye 'alhua Canaán, cha'aye nshetaique da ỹanem yi'iye 'alhua som hua'au qarta'alpi.

Números 34:13

So Moisés 'enapega so Israel le'ecpi, 'eeta': «Qaq 'ena na 'alhua maye qaỹauota'a qome da alletaxac da qami' qoỹanoiguilo. Qaq Ñim Nataxala' 'eetega da ỹataqtac na qoỹanem ñi 'oonolec na nueve maye maiche nalamaxat nhuo' le'ecpi, qataq na laỹepi maiche nalamaxat nhuo' le'ecpi, maye ncolaxara'ache co'ollaxa,

Números 34:16

Ñim Nataxala' qaltaq 'enapega so Moisés, 'eeta':

Deuteronómio 12:10

Qalaxaye qom mashe ivita da qaua'axasoxoñiilec ye tala Jordán, qataq mashe qoñiỹalec ye 'alhua, maye qami' ỹanema Ñim Nataxala', qataq da mashe qaica ca qampa'aguenaxauaipi, qataq qaica ca qayi'iitaique.

Josué 13:6

Qaq ỹauaachigui ñaqa'en qome na Israel le'ecpi da so'orauec 'enauac ye sidoniopi, qataq 'enauac yem nalec aye qasoxonaxapi, nache chegoqchiguiña ye Líbano, nache ivitta'a ye Misrefot Mayin. Qalaxaye 'am qouapegue' qome da 'aỹa'anem na Israel le'ecpi ne'ena 'alhua da yaqto' ỹauo'o lalamaxat, nache ipacchigui qome da 'am samaxalec.

Josué 19:51

Qaq 'eso so 'alhuapi maye so ntaxaỹaxanaxanec Eleazar, Josué qataq so lataxala'pi so nhuo' le'ecpi ỹo'ot da qanallichigui co'ollaxa, da taỹot qanqa'en ñi 'oonolec se'eso maiche nalamaxat nhuo' Israel le'ecpi, ỹauaachigui qanqa'en Ñim Nataxala', huaña so ñegueuo som npe'l maye huañacnaxa da qanauane' Ñimaye maye naña ye Silo. Qaq huaña co'ollaxa nache ỹataqta nalotec da qoỹanec se'eso 'alhua.

Josué 21:1

Qaq som lataxala'pi so maiche nhuo' le'ecpi maye chegoxoguetpi so Leví, nqo'ona co'ollaxa ye Silo, maye huaigui ye 'alhua Canaán da yaqto' detaxaỹapegue' so ntaxaỹaxanaxanec Eleazar, Josué, qataq so lataxala'pi so maiche nalamaxat nhuo' Israel le'ecpi, nache se'eso lataxala'pi som chegoxoguetpi so Leví, 'eeta':

Esdras 7:5

Abisúa, Finés, Eleazar, qataq so la'auaxanec ntaxaỹaxanaxanec le'enaxat Aarón.

Ezequiel 45:1

Qom ivita da qancolaxachiigui na 'alhua da yaqto' ñi 'oonolec na nhuo' le'ecpi taỹot cam lalamaxat, nache iuen da qauỹochiỹauga ca 'alhua maye ivi' doce kilómetros y medio ye lalogaxa, qataq diez ye lcateueegue, da yaqto' lalamaxat qanqa'eñi Ñim Nataxala'. Qaq 'enauac qome que'eca 'alhua da saqaishetapec.