Josué 13:8 - La'aqtaqa Ñim Lo'onatac 'Enauacna 2013

⁸ Qaq som nalamaxat nhuo' le'ecpi maye chegoxoguetpi so Rubén qataq so Gad, qataq so laỹe som chegoxoguetpi so Manasés, somayepi mashe huo'o so na'alhua cha'aye so Moisés mashe ỹanem co'ollaxa somayepi, maye pa'aỹa'ague da nala' lliguisheguem so Jordán.

Josué 13:8 Referans Kwoze

Josué 12:6

So Moisés qataq so Israel le'ecpi loxonqa co'ollaxa se'esoua nta'al, ỹoqo'oye so Moisés ỹanem co'ollaxa se'eso 'alhuapi so maiche nhuo' le'ecpi maye chegoxoguet so Rubén qataq so Gad, qataq so laỹe som maiche nhuo' le'ecpi maye chegoxoguet so Manasés.

Josué 22:4

Qaq nagui Ñimaye ipacchigui da ỹan la'aqtac co'ollaxa, qataq nam qarqaỹaipi mashe huo'o da l-lagaxayec, qaq ỹoqo'oye nagui qavi'iguelaqaiỹalo qome naua qaranataqa'achilli' qataq ye qana'alhuai maye pa'aỹa'ague da yo'oxoñi so tala Jordán, maye qami' ỹanema co'ollaxa so Moisés, maye lamaxashec Ñim Nataxala'.

Josué 4:12

Nataqa'en taitague da le'ego so tala so alleppi maye maiche nalamaxat nhuo' le'ecpi maye chegoxoguetpi so Rubén, qataq so Gad, qataq so laỹe som maiche nhuo' le'ecpi maye chegoxoguetpi so Manasés. Qaq somayepi ỹataqta na'achigui na lo'ogoxonaxatpi. Ime, nache hua'auta'ague da taỹa'ague so laỹepi Israel le'ecpi, nache ipacchigui da lamaxasoxonaxac co'ollaxa so Moisés.

Números 32:19

Qaq qomi', nache saishet da sauoqo'o ca qana'alhua yem pa'aitague da le'ego ye Jordán, cha'aye qomi' saconaxa ne'ena 'alhua maye npa'aitague na nala' lliguisheguem na Jordán.

Deuteronómio 3:8

Qaq 'era da 'eetec se'eso na'a'q da saconaxa ye na'alhuapi se'esoua dos nta'al maye ilotagueto so amorreopi maye neraña co'ollaxa ye pa'aỹa'ague da nala' lliguisheguem ye tala Arnón, qataq ivitta'a añi qasoxonaxa Hermón,

Josué 12:1

Qaq 'eso so nta'alpi maye loxonecpi co'ollaxa so Moisés qataq so Israel le'ecpi da yaqto' ỹacona so na'alhuapi, som pa'aỹa'ague da yo'oxoñi so tala Jordán, qataq som chegoqchiguiña so tala Arnón, nache ivitta'a añi qasoxonaxa Hermón, qataq 'enauac som pa'aỹa'ague da nala' lliguisheguem ye ca'amapega't so tala Jordán.

Josué 13:7

Qaq nache 'aỹa'anem qome na 'alhua ne'enaua nueve maye maiche nalamaxat nhuo' le'ecpi, qataq nam laỹe maye chegoxoguet so Manasés.»

Josué 13:9

Qaq se'eso qoỹanem 'alhua somayepi, nache chegoqchiguiña ye Aroer, maye naña so loigue so tala Arnón, qataq so huaqta'a't nỹecpi maye naña yem laiñi so ca'amapega't, qataq 'enauac som nalochiguiñi 'alhua ye Medeba, nache ivitta'a ye Dibón.

1 Samuel 13:7

Nache somayepi qalota so ỹa'axasoxoolec so tala Jordán, da taỹa ye na'alhua so Gad qataq so Galaad, qalaxaye so Saúl ñaq hueta'a co'ollaxa ye Gilgal, nache 'enauac so nalleppi da ca'attague' somaye, qalaxaye ỹataqta qalota da lcolanaxa.