Josué 13:5 - La'aqtaqa Ñim Lo'onatac 'Enauacna 2013

⁵ Nataqa'en ñaq no'onañi ye na'alhua ye guiblitapi, qataq 'enauac ye Líbano, yem pa'aỹa'ague da nala' lliguisheguem chegoqchiguiña ye Baal Gad, maye naña na pa'aguiñi loigue añi qasoxonaxa Hermón, nache ivitta'a so ñegueuo ye Jamat.

Josué 13:5 Referans Kwoze

1 Reyes 5:18

Qaq so lo'onataxanaxanec nỹec lo'opi so Salomón qataq so Jirán, qataq so Gebal le'ecpi, nacheso so ichectac co'ollaxa so 'epaqpi qataq so coma'pi, da yaqto' qano'oxoosheguem aso atamnaxaqui.

Josué 12:7

Qaq 'eso so nta'alpi maye loxonecpi co'ollaxa so Josué qataq so Israel le'ecpi, qaq so na'alhuapi somayepi pa'aỹa'ague da avit so tala Jordán, nache chegoqchiguiña ye Baal Gad, qataq so ca'amapega't ye Líbano, nache ivitta'a añi qasoxonaxa Halac maye saqaỹapeque ye Seír. Nache so Josué ỹami' co'ollaxa ñi 'oonolec so maiche nhuo' Israel le'ecpi so na'alhuapi co'ollaxa se'eso nta'alpi, da yaqto' ỹauo'o lalamaxat naqa'en somayepi.

Ezequiel 27:9

Qaq so ỹa'axaiquipi maye lma' ye Gebal qalaq ỹaỹamaxaañi naxa da huo'o ye sa ỹaỹamaxañi da qoneta, cha'aye nacheso som ỹaanaxanaxaicpi. Qaq som shiỹaxauapi maye ỹaỹaten da quiguingui na 'etaxat, qalaq imeetac naxa na 'armenecpi.

Salmos 83:7

Gebal, Amón, Amalec, qataq na filisteopi, qataq na lma' ye Tiro,

Josué 11:17

Nache chegoqchiguiña añi qasoxonaxa Halac, «Qaica ca Ñaxaalec» maye pa'aỹa'ague da la'añaxa, saqaỹapeque añi lỹa qasoxonaxa ye Seír, nache ivitta'a ye Baal Gad, maye pa'aỹa'ague da sheu', ye lca'amaxa ye Líbano, na pa'aguiñi añi qasoxonaxa Hermón. Nache so Josué loxonec qataq ỹalauat 'enauac so nta'alpi maye netaña yi'iye 'alhuapi.

Números 34:8

qataq chegoqchiguiña añi qasoxonaxa Hor, nache ivitta'a so ñegueuo ye Jamat. Ime, qaltaq jec, nache ivitta'a ye Zedad.

Amós 6:2

Ña qanqo'oñiỹa qome ye Calne nache qaumichiñi, ime, nache qanqo'oñiỹa qome ye 'amaqtaqaic Hamat, qataq qananaiña ye Gat maye lma' na filisteopi. Qaq ¿peta'a qaupi'itaxañiitega da qanapaquialec da la'amaqchec yi'iyiua 'alhua? ¿Qalqo' ye lcata yi'iyiua 'alhua napacalec ye lcata nam qana'alhuai?

Isaías 10:9

Cha'aye aỹem, nache 'eeta'a't ñaqa'en yem huaqta'a't nỹecpi ye Calno qataq ye carquemis, Amat qataq ye Arpad, ye Samaria qalaq 'eeta'am ye Damasco.

Deuteronómio 3:25

Qaq ỹoqo'oye 'Am ñachoxonnot, da aỹem 'auasheetem da sa'axasoxoolec ye tala Jordán, da saitague da le'ego yaqto' semeten da lyac ye 'alhua maye huaña aye qasoxonaxapi, qataq ye Líbano.»

Deuteronómio 1:7

Qaq ỹoqo'oye qoqui qome, qanqo'oñiỹa aye qasoxonaxapi maye lalamaqte na amorreopi, qataq na lauoreua 'alhuapi ye Arabá, qasoxonaxapi, qataq ye nalochiguiñi 'alhua ye Néguev, qataq naua loiguiye aso auaxai, qataq ye na'alhua na cananeopi qataq ye Líbano, nache ivitta'a ye lta'araic tala Éufrates.

Números 13:21

Nache se'esoua ỹale't jec co'ollaxa da demeenaxara yi'iye 'alhua, chegoqchiguiña ye toolec 'alhua ye Sin, nache ivitta'a ye Rejob, yem saqaỹapeque ye ñegueuo ye Jamat.

Josué 11:3

Nataqa'en ỹamaxa da la'aqtac so Canaán le'ecpi maye naña yem pa'aỹa'ague da yo'oxoñi, qataq som naña yem pa'aỹa'ague da avit, qataq so amorreopi, hitiitapi, ferezeopi, qataq so Jebuseopi maye nalec ayem qasoxonaxapi, qataq so heveopi maye neto'ot añi qasoxonaxa Hermón, maye huaigui ye 'alhuapi ye Mispá.

1 Reyes 8:65

Qaq se'eso na'a'q, so Salomón qataq 'enauac so Israel le'ecpi, qataq so qalota shiỹaxauapi maye chegaqa'alo naua lỹa't 'aleu', chegoqchiguiña ye ñegueuo ye Jamat ivitta'a som la'auaxac maye huaña ye Egipto, nache 'enauac somayepi taỹa se'eso naponaxac maye huaiguilo soua siete na'axa'te, ime nache qaltaq qanayecoto soua lỹa't siete na'axa'te, qaq da ima'a't nache ivi' catorce na'axa'te se'eso naponaxac.

Jeremías 52:9

Nache so caldeopi ỹaconeua'a so nta'a Sedequías, nache ỹauega so nta'a ye Babilonia maye hueta'a co'ollaxa ye Ribla maye huaigui yem 'alhua Hamat. Qaq huaña yemaye nache so Nabucodonosor ỹo'ot da 'eetec da nhuaxanaguec so Sedequías,