Josué 13:4 - La'aqtaqa Ñim Lo'onatac 'Enauacna 2013

⁴ yem pa'aỹa'ague da la'añaxa, qataq 'enauac yem na'alhua na Canaán le'ecpi, maye chegoqchiguiña ye huaqta'a't nỹecpi maye lalamaxat ye sidoniopi, nache ivitta'a ye Afec, maye loga't ye na'alhua ye amorreopi.

Josué 13:4 Referans Kwoze

Josué 19:30

Uma, Afec qataq ye Rejob. Nache da ima'a't se'eso huaqta'a't nỹecpi maye ỹotta'a't naua nañalo, nache ivi' veintidós, lỹaueegue' so lauoreuapi nma'piolec.

1 Samuel 4:1

qataq nache huaña naxa so Samuel, da'aqtaxanem 'enauac so Israel le'ecpi. Qaq se'esoua na'axa'te, so Israel le'ecpi huenoxonec da delogui' so filisteopi, nache hua'a ye saqaỹapeque ye Ebenezer. Qaq so filisteopi, qalaq nache hua'a ye Afec,

Amós 2:10

Qataq aỹem, qami' ñeqateeguesopa co'ollaxa ye Egipto, nache cuarenta vi'iye da qami' sauecta'agueta co'ollaq qoquiitalec ye toolec 'alhua, da yaqto' qami' sanema ye na'alhua na amorreopi.

Josué 12:18

qataq so nta'a ye Afec, qataq so nta'a ye Sarón,

Josué 11:3

Nataqa'en ỹamaxa da la'aqtac so Canaán le'ecpi maye naña yem pa'aỹa'ague da yo'oxoñi, qataq som naña yem pa'aỹa'ague da avit, qataq so amorreopi, hitiitapi, ferezeopi, qataq so Jebuseopi maye nalec ayem qasoxonaxapi, qataq so heveopi maye neto'ot añi qasoxonaxa Hermón, maye huaigui ye 'alhuapi ye Mispá.

Josué 10:40

Qaq 'era da 'eetec co'ollaxa so Josué da loxonec 'enauac se'eso 'alhuapi. Qataq nauec so nta'alpi maye nalec so 'alhuapi maye hualec aye qasoxonaxapi yem Néguev, som nalochiguiñi 'alhuapi qataq som nashecchiguiñi loiguepi. Nache ỹataqta 'enauac da ilaxachigui qataq ỹalauat 'enauac nache qaica ca no'onaxatañi da nca'altauec naqa'en, nache ipacchigui 'enauac nam ỹamaxalecpi Ñim Nataxala' maye Natamnaxala' na Israel le'ecpi.

1 Reyes 20:26

Qaq co'ollaq ivirec so 'oonolec vi'i, nache so Ben Adad naloqna't so nalleppi. Ime nache jec, taỹa ye Afec da yaqto' nalaate' so Israel le'ecpi.

1 Reyes 20:30

Qaq so laỹepi se'eso alleppi, nache datauec co'ollaxa taỹa ye Afec, qalaxaye so lpaqtaxat se'eso huaqta'a't nỹecpi, hua'axalec co'ollaxa se'eso veintisiete mil ỹalleppi maye datauecpi. Qaq so Ben Adad maye nataqa'en datauec co'ollaxa, nache ỹe'egueneua'a se'eso huaqta'a't nỹecpi, nache ỹataqta tateua'alo so nỹecpi da nqañoxottapiguiñi.

Ezequiel 16:3

Nache, qoneta': 'Era da la'aqtac Ñim Nataxala': 'Am Jerusalén 'auachegoxoguet co'ollaxa na Canaán le'ecpi, cha'aye 'arañoqo' yemaye, qaq so 'arta'a somaye amorreo le'ec, qaq aso 'arate'e qalaq hitita lashe.