Josué 13:25 - La'aqtaqa Ñim Lo'onatac 'Enauacna 2013

²⁵ Nache somayepi taalec ye Jazer, qataq 'enauac so huaqta'a't nỹecpi maye ỹotta'a't naua nañalo ye Galaad, qataq so laỹe som na'alhua co'ollaxa so amoniitapi, nache ivitta'a so huaqta'a't nỹecpi ye Aroer, maye datatta ye Rabá,

Josué 13:25 Referans Kwoze

2 Samuel 12:26

Qaq so Joab, ña iloquiaxaatac co'ollaxa so amoniitapi maye lma' ye Rabá, qaq co'ollaq mashe yaqta'a da deuotaxanec so lma' so nta'a,

2 Samuel 11:1

Qaq co'ollaq nvi' so nauoxo, maye huetoiguilo naxa da so nta'alpi huenoxonec da nalat, nache so David ỹamaq so Joab qataq so ltauapi nta'alpi, qataq so nalleppi Israel le'ecpi. Nache somayepi loxonec co'ollaxa so Amón le'ecpi, qataq coleesop so huaqta'a't nỹecpi ye Rabá. Qaq so David qalaq nache hueta'a co'ollaxa ye Jerusalén.

Deuteronómio 3:11

Qaq se'eso nta'a Og, somaye nacheso so pa'atec som logoraicpi, so lmala' lcat qalaq ivi' cuatro metros ye lalogaxa, qaq ye lcategue qalaq ivi' dos metros. Qaq se'eso mala' ñaq 'eetalec nagui da qaimeteetac huetaña ye Rabá maye lma' so amoniitapi.

Números 32:35

Atarot Sofán, Jazer, Yogbeá,

Amós 1:14

Qaq ỹoqo'oye sauo'o qome ca norec da ỹavic ñaqa'en na lpaqtaxatpi ye Rabá, nache que'eca norec nlachiguiñi naqa'en qome ca nma' lta'araicpi, qaq que'eca na'a'q ỹataqta huo'o da na'alaxac da qaỹa'alaxalec ca alaataxac, qataq huo'o da l-llimiaxa na la'at que'eca na'a'q.

Ezequiel 21:20

Qaq iuen da 'auachaxan qome ca nqa'aic maye taỹa'a yem Rabá maye lma' na amoniitapi, qataq ye Jerusalén, yem huaqta'a't nỹecpi maye qampaxattaua'a ye Judá.

Josué 21:39

Jesbón qataq ye Jazer. Nache ivi' cuatro se'eso huaqta'a't nỹecpi maye ỹotta'a't naua nañalo, lỹaueegue' so no'onaxapi maye lquia'aqa' na 'atetpi,

Deuteronómio 2:19

qalaxaye qom qavichiỹa ye na'alhua ye amoniitapi, nache saishet qome da qauloquiaxañi, cha'aye yemayepi nataqa'en chegoxoguetpi so Lot, nache Aỹem saishet da qami' sanema ca laỹe ye na'alhua yemayepi. Cha'aye mashe sanem co'ollaxa da lalamaxat.›

Números 21:32

Qaq so Moisés nataqa'en ỹauo'oi co'ollaxa soua lamaxa'she da demeenaxara so huaqta'a't nỹecpi ye Jezer, nache so Israel le'ecpi ỹo'orauec co'ollaxa so amorreopi, nache ỹacona so huaqta'a't nỹecpi maye netaigui co'ollaxa somayepi.

Josué 13:11

Nataqa'en taalec da qoỹanem ye Galaad, qataq ye na'alhua so guesureopi qataq so maacateopi, qataq añi qasoxonaxa Hermón qataq 'enauac ye 'alhua ye Basán, nache ivitta'a ye Salca.

Josué 13:24

So Moisés nataqa'en ỹanem so na'alhua so maiche nhuo' le'ecpi maye chegoxoguetpi so Gad, nache naloqchiichigui ye lcata so maiche lalamaxat llalaqpi somayepi.

Josué 13:26

qataq so 'alhuapi maye vichiguinguilo yeua Jesbón, qataq ye Ramat Mispá, qataq ye Betonín, qataq soua vichiguinguilo yeua Majanayin qataq ye loga't ye Debir.

2 Samuel 24:5

Nache somayepi ỹa'axasoxoolec so tala Jordán, qaq co'ollaq ivira ye saqaỹapeque ye Aroer, nache hua'a yem pa'aỹa'ague da la'añaxa so huaqta'a't nỹecpi maye nangui ye ca'amapega't ye Gad, huaqta'ai' ye Jazer.

1 Crónicas 6:81

Jesbón, qataq ye Jazer, qataq lỹaueegue' nam no'onaxapi maye lquia'aqa'pi som 'atetpi.

1 Crónicas 26:31

Qaq co'ollaq mashe ivi' soua cuarenta vi'iye da nta'a so David, nache qanmit aso le'enaxat lmalate so nhuo' le'ecpi maye chegoxoguetpi so Hebrón, huaña nache qailalec da ỹalectaigui somayepi so ỹataqta 'añaxaicpi ỹalleppi, maye hueta'a ye Jazer, maye huaigui ye Galaad. Qaq som lataxala' som chegoxoguetpi so Hebrón, le'enaxat Jerías,

Isaías 16:8

Ye uva lma'pi ye Hesbón qataq ye Sibemá qalaq ỹataqta deqaqa, cha'aye ilaxachigui nam lta'alpi na ỹotta'a't shiỹaxauapi, ana lcouepi co'ollaxa qalaq ivira'a ye Jazer, qataq imattalec ye toolec 'alhua, nache ivitta'a ye pa'aicra'a aye auaxai.

Jeremías 48:32

Aỹem 'am ñeỹeelec qome, 'am uva lma' maye qoueta'a na Sibemá, napactelec da ñenoinaxac co'ollaq ñeỹeeteguelec ye Jazer. Ana 'arcouepi qalaq napacalec co'ollaxa aso auaxai, nache ivira'a ye Jazer. Qalaxaye nagui ana ala na uva maye mashe huotaique da qanqat qalaq dolachigui qome.

Jueces 5:17

Qaq so Galaad le'ecpi qalaq nache netaña ye le'ego so tala Jordán, Qaq so Dan le'ecpi qalaq nache huaqta'ai' aso notaxaquipi da qanayiguingui na 'etaxat, qaq so Aser le'ecpi qalaq nache hueto'ot na loigue aso auaxai, nache saishet da ca'ai so llegaxasompi aso nnotaxaquipi.

Isaías 17:2

Nache saishet qome da qaltaq ỹe'eguelaxa da qanayenalec, huaña nache ñaxaalec qome ca 'auaqpi, nache cam shiguiỹacpi qaica qome ca ndaqtaique da chectac ca 'auaqpi.