Josué 13:13 - La'aqtaqa Ñim Lo'onatac 'Enauacna 2013

¹³ Qaq som Gesur le'ecpi qataq so lma' ye Macá, saishet co'ollaxa da qaỹo'orauec, nacherata da nache ỹalectaigui qanqa'en so Israel le'ecpi, choche ivitta'a nagui.

Josué 13:13 Referans Kwoze

Josué 13:11

Nataqa'en taalec da qoỹanem ye Galaad, qataq ye na'alhua so guesureopi qataq so maacateopi, qataq añi qasoxonaxa Hermón qataq 'enauac ye 'alhua ye Basán, nache ivitta'a ye Salca.

Números 33:55

Qaq da saishet da qauo'oyiỹauec ye shiỹaxauapi maye netalec yi'iye 'alhua, nache yemayepi saishet qome da qami' ỹalemaxa't, 'eeta'am ca ntagoxoshet, huo'otaq ca lañe' da qaro'ocỹaxaqui qom qoñiitalec yi'iye 'alhua.

2 Samuel 3:3

qaq so lỹa llalec le'enaxat, Quilab, som llalec aso Abigaíl maye npa'ai so Nabal maye lma' ye Carmel, qaq so lỹa llalec le'enaxat Absalón, som llalec aso Macá, maye llale so Talmay, som nta'a ye Gesur,

Deuteronómio 3:14

Nache so Yaír maye chegoxoguet so Manasés, somaye ỹacona ye 'alhua ye Argob, ivitta'a ye loga't ye 'alhua ye Gesur, qataq ye Macá, qataq naralaxat da le'enaxat ye Basán, nache ỹanagui da Havot Yaír. Qaq de'era le'enaxat ñaq 'eetalec ivitta'a nagui.

Josué 12:5

Qaq so ilotague'pi somaye nache chegoqchiguiña añi qasoxonaxa Hermón, maye pa'aỹa'ague da sheu', qataq chegoqchiguiña ye Salca maye pa'aỹa'ague da nala' lliguisheguem, qataq 'enauac ye 'alhuapi ye Basán, nache ivitta'a so loga't ye 'alhua Gesur, qataq ye Macá, maye pa'aỹa'ague da avit, nache ivitta'a so laỹe ye 'alhua Galaad maye lalamaxat so Sijón, som nta'a ye Jesbón.

Josué 13:12

Nataqa'en yem 'alhuapi maye ilotague' co'ollaxa so Og, som nta'a ye Basán, maye ilotague' nataqa'en ye Astarot qataq ye Edrey. Qaq somaye nache pa'atec som chegoxoguetpi som refaiitapi, maye so Moisés loxonec co'ollaxa qataq ỹo'orauec.

Josué 13:14

Qaq so Moisés qaica co'ollaxa ca ỹanem 'alhua so maiche nhuo' le'ecpi maye chegoxoguet so Leví, cha'aye somayepi taỹot so laỹe aso nachetaqtaxanaqtepi maye qoỹanot Ñim Nataxala' maye Natamnaxala' so Israel le'ecpi. Cha'aye maiche la'aqtac co'ollaxa Ñimaye.

1 Samuel 27:8

Nache somaye lỹatac naxa so nalleppi da taỹa da iloquiaxan so Gesur le'ecpi, gezriitapi qataq so amaleciitapi, maye salcoshe'ego' da netalec se'eso 'alhua, maye chegoqchiguiña yem pa'aỹa'ague da la'añaxa nache ivitta'a ye Egipto.

Génesis 35:22

Nache so Israel co'ollaq mashe netaña se'eso 'alhua, nache so Rubén lauañe' co'ollaxa aso Bilá, asom ỹaqauga lhua so lta'a. Qalaxaye so Israel ỹaỹaten co'ollaxa de'era. Qaq soua llalqa so Jacob soomaye ivi' doce.

2 Samuel 10:6

Nache so amoniitapi co'ollaq nanoma da dalemata so David, nache iỹaxana qataq ỹauo'o aso nsheetenaqte so veinte mil alleppi siiriopi, maye lma' ye Bet Rejob, qataq so lma' ye Soba qataq so mil nalleppi so nta'a Macá, qataq so doce mil Istob le'ecpi.