Josué 12:7 - La'aqtaqa Ñim Lo'onatac 'Enauacna 2013

⁷ Qaq 'eso so nta'alpi maye loxonecpi co'ollaxa so Josué qataq so Israel le'ecpi, qaq so na'alhuapi somayepi pa'aỹa'ague da avit so tala Jordán, nache chegoqchiguiña ye Baal Gad, qataq so ca'amapega't ye Líbano, nache ivitta'a añi qasoxonaxa Halac maye saqaỹapeque ye Seír. Nache so Josué ỹami' co'ollaxa ñi 'oonolec so maiche nhuo' Israel le'ecpi so na'alhuapi co'ollaxa se'eso nta'alpi, da yaqto' ỹauo'o lalamaxat naqa'en somayepi.

Josué 12:7 Referans Kwoze

Josué 11:17

Nache chegoqchiguiña añi qasoxonaxa Halac, «Qaica ca Ñaxaalec» maye pa'aỹa'ague da la'añaxa, saqaỹapeque añi lỹa qasoxonaxa ye Seír, nache ivitta'a ye Baal Gad, maye pa'aỹa'ague da sheu', ye lca'amaxa ye Líbano, na pa'aguiñi añi qasoxonaxa Hermón. Nache so Josué loxonec qataq ỹalauat 'enauac so nta'alpi maye netaña yi'iye 'alhuapi.

Josué 11:23

Qaq 'era da 'eetec co'ollaxa so Josué da deuotaxanec 'enauac se'eso 'alhuapi, qaq nache ipacchigui 'enauac na la'aqtacpi Ñim Nataxala' maye ỹamaxalec co'ollaxa so Moisés. Huaña nache somaye ỹami' ñi 'oonolec na maiche nhuo' Israel le'ecpi, da yaqto' lalamaxat lma' se'eso 'alhua. Qaq co'ollaq ime nache huo'o da nlagaxayec yi'iye 'alhua.

Josué 9:1

Qaq so lta'alpi so hitiitapi, qataq so amorreopi, Canaán le'ecpi, ferezeopi, heveopi, Jebuseopi ỹaỹaten co'ollaxa de'era qanayeuaigui. Qaq se'eso nta'alpi netaña co'ollaxa so loigue maye pa'aỹa'ague da avit so tala Jordán, qataq aye qasoxonaxapi, qataq ye nalochiguiñi 'alhua qataq 'enauac so loigue aso Auaxai Mediterráneo, nache ivitta'a so 'alhuapi ye Líbano.

Josué 3:17

Nache 'enauac se'eso Israel le'ecpi ỹa'axasoxoolec so tala Jordán, daqaqattague so llegueta, qalaxaye soua ntaxaỹaxanaxanaqa maye ỹachetrac aso laỹe' da naỹamaxataxac Ñim Nataxala' qalaq nache nachattrañi huetra'a ye laiñi so tala Jordán, nachattraña so deqaqta 'alhua.

Deuteronómio 2:4

Qalaxaye qonapega qome na nhuo' le'ecpi qoneta': Qoquiitelec qome ye lalamaxat na'alhua yem chegoxoguetpi so Esaú, maye naña ye Seír, cha'aye maiche qarhuo'oi le'ecpi, qalaxaye yemayepi qome qami' ñe'eta'agueta, qalaxaye maxatchaxa qome,

Deuteronómio 2:1

«Qaq co'ollaq qolaq, nache saqtelec ye toolec 'alhua maye tateuga aso Auaxai Togaxarai, ipacchigui da aỹem ỹanem la'aqtac Ñim Nataxala'. Qaq mashe qaỹoqteguelo soua na'axa'te da seconnaqtacot aye qasoxonaxapi ye Seír.

Génesis 36:30

Disón, Eser qataq so Disán. Qaq 'esoua soua lataxala'ate som horeopi, ñi 'oonolec nataxala', ỹataqtac na maiche lauo' le'ecpi, co'ollaq netaña ye 'alhua Seir.

Génesis 36:20

Qaq 'ena na le'enaxatpi so llalaqpi so Seir som horeo, maye netalec co'ollaxa se'eso 'alhua: Lotán, Sobal, Sibón, Aná,

Génesis 36:8

Qaq ỹoqo'oye so Esaú, som nataqa'en le'enaxat Edom, taỹa co'ollaxa da nalec ye 'alhua qasoxonaxasat ye Seir.

Génesis 32:3

Qaq ime co'ollaxa, nache so Jacob ỹauo'oi soua ỹama'q da taỹalo naqa'en ye 'alhua Seir, maye huaigui ye 'alhua Edom, da ỹauo'o da la'axaỹaxac so lqaỹa Esaú.

Génesis 14:6

qaq so horeopi qalaq loxonec co'ollaq huaña aye qasoxonaxapi ye Seir, qataq icaatac co'ollaxa iviraxatta'a ye ca'amegue ye Parán, maye huaqta'ai' yem toolec 'alhua.

Salmos 135:11

So Sijón maye lta'a so amorreopi, qataq so Og maye lta'a so netaña ye Basán, qataq 'enauac so nta'alpi ye Canaán.