Josué 12:5 - La'aqtaqa Ñim Lo'onatac 'Enauacna 20135 Qaq so ilotague'pi somaye nache chegoqchiguiña añi qasoxonaxa Hermón, maye pa'aỹa'ague da sheu', qataq chegoqchiguiña ye Salca maye pa'aỹa'ague da nala' lliguisheguem, qataq 'enauac ye 'alhuapi ye Basán, nache ivitta'a so loga't ye 'alhua Gesur, qataq ye Macá, maye pa'aỹa'ague da avit, nache ivitta'a so laỹe ye 'alhua Galaad maye lalamaxat so Sijón, som nta'a ye Jesbón. Gade chapit la |
Nache so lataxala'pi so alleppi ye Judá, qataq som nalleppi, co'ollaq la'axaỹaxac de'era, nache taỹa ye Mizpá, da yaqto' na'aqtaxane' so Gedalías. Qaq 'ena na le'enaxat somayepi, Ismael som llalec so Netanías, Johanán som llalec so Careaj, Seraías som llalec so Tanjumet, maye Netofa le'ec, qataq so Jazanías som llalec som ỹale maye Macá le'ec. Qaq somayepi, nache nnaictague' so nalleppi.
Qaq 'eso so nta'alpi maye loxonecpi co'ollaxa so Moisés qataq so Israel le'ecpi da yaqto' ỹacona so na'alhuapi, som pa'aỹa'ague da yo'oxoñi so tala Jordán, qataq som chegoqchiguiña so tala Arnón, nache ivitta'a añi qasoxonaxa Hermón, qataq 'enauac som pa'aỹa'ague da nala' lliguisheguem ye ca'amapega't so tala Jordán.
Nataqa'en ỹamaxa da la'aqtac so Canaán le'ecpi maye naña yem pa'aỹa'ague da yo'oxoñi, qataq som naña yem pa'aỹa'ague da avit, qataq so amorreopi, hitiitapi, ferezeopi, qataq so Jebuseopi maye nalec ayem qasoxonaxapi, qataq so heveopi maye neto'ot añi qasoxonaxa Hermón, maye huaigui ye 'alhuapi ye Mispá.
nache somayepi jec lỹatac so lauo' le'ecpi da taỹa ye Mispá da nqo'ona so Gedalías. Qaq somayepi ỹalectaigui so: Ismael som llalec so Netanías, qataq so Johanán qataq so Jonatán maye llalqa so Careaj, qataq so Seraías som llalec so Tanjumet, qataq soua llalqa so Efay maye lma' ye Netofa, qataq so Jezanías som llalec so ỹale maye lma' ye Maacat qataq so nalleppi.