Josué 12:1 - La'aqtaqa Ñim Lo'onatac 'Enauacna 2013

¹ Qaq 'eso so nta'alpi maye loxonecpi co'ollaxa so Moisés qataq so Israel le'ecpi da yaqto' ỹacona so na'alhuapi, som pa'aỹa'ague da yo'oxoñi so tala Jordán, qataq som chegoqchiguiña so tala Arnón, nache ivitta'a añi qasoxonaxa Hermón, qataq 'enauac som pa'aỹa'ague da nala' lliguisheguem ye ca'amapega't so tala Jordán.

Josué 12:1 Referans Kwoze

Jueces 11:18

Huaña nache qaltaq qolaqtalec ye toolec 'alhua, nache qolaqto'oto naua loiguiye ye na'alhua ye edomiitapi qataq ye moabiitapi. Nache co'ollaq seviraxa yem na'alhua ye moabiitapi maye pa'aỹa'ague da nala' lliguisheguem, nache souaqa'a yemaye, yem pa'aỹa'atague da le'ego so tala Arnón. Cha'aye se'eso tala, nache loga't na na'alhua ye moabiitapi ỹoqo'oye saishet da senoxonaxaua'a yemaye.

Josué 1:15

ivitta'a da Ñim Nataxala' ỹanem nataqa'en namayepi ca nmataqa', 'eeta'ama qami' da mashe qami' ỹanema, qataq ivitta'a da ỹataqta lalamaxat namayepi yi'iye 'alhua maye Ñim Nataxala' ỹanem qome namayepi. Huaña qome nache ishet da qañi'iguelaqaita na qana'alhuai maye mpa'aỹa'ague na nala' lliguisheguem ye tala Jordán, da yaqto' nache qoñiỹalec ne'ena 'alhua maye qami' ỹanema co'ollaxa so Moisés, som lamaxashec Ñim Nataxala'.»

Números 21:24

Qalaxaye so Israel le'ecpi loxonec somayepi, nache deuotaxanec 'enauac ye na'alhua, chegoqchiguiña so tala Arnón ivitta'a so lỹa tala le'enaxat Yaboc, qataq ivitta'a so loga't ye na'alhua so amoniitapi, maye huo'o so lpaqtaxat.

Números 21:13

Ime qaltaq chegoqchiguiña yemaye da jec, nache naña ye pa'aitague da le'ego so tala Arnón, maye huaña ye toolec 'alhua. Qaq yemaye nache chegoqchiguiña na na'alhua so amorreopi, qataq nache la'anaxat naua loga'te na na'alhua so Moab le'ecpi, qataq so amorreopi.

Isaías 16:2

Qaq na lma' ye Moab qalaq ỹa'axasoxoolec qome so tala Arnón, 'eeta'am ca qoỹo da qaỹo'oraxat, nache datauec ca'ai ca lpata'c.

Salmos 133:3

Qataq 'eeta'am na sheue da chegaqasheguema añi qasoxonaxa Hermón, da naguiñi nache nvittaña añi qasoxonaxa ye Sión. Cha'aye Ñim Nataxala', namaxa da lchoxonnataxanaxa, qataq da chochaq tatec nca'alaxa.

Josué 22:4

Qaq nagui Ñimaye ipacchigui da ỹan la'aqtac co'ollaxa, qataq nam qarqaỹaipi mashe huo'o da l-lagaxayec, qaq ỹoqo'oye nagui qavi'iguelaqaiỹalo qome naua qaranataqa'achilli' qataq ye qana'alhuai maye pa'aỹa'ague da yo'oxoñi so tala Jordán, maye qami' ỹanema co'ollaxa so Moisés, maye lamaxashec Ñim Nataxala'.

Josué 11:17

Nache chegoqchiguiña añi qasoxonaxa Halac, «Qaica ca Ñaxaalec» maye pa'aỹa'ague da la'añaxa, saqaỹapeque añi lỹa qasoxonaxa ye Seír, nache ivitta'a ye Baal Gad, maye pa'aỹa'ague da sheu', ye lca'amaxa ye Líbano, na pa'aguiñi añi qasoxonaxa Hermón. Nache so Josué loxonec qataq ỹalauat 'enauac so nta'alpi maye netaña yi'iye 'alhuapi.

Josué 11:3

Nataqa'en ỹamaxa da la'aqtac so Canaán le'ecpi maye naña yem pa'aỹa'ague da yo'oxoñi, qataq som naña yem pa'aỹa'ague da avit, qataq so amorreopi, hitiitapi, ferezeopi, qataq so Jebuseopi maye nalec ayem qasoxonaxapi, qataq so heveopi maye neto'ot añi qasoxonaxa Hermón, maye huaigui ye 'alhuapi ye Mispá.

Deuteronómio 4:48

Nache chegoqchiguiña ye Aroer, maye quetot na loigue so la'auaxac Arnón, choche ivitta'a añi qasoxonaxa Sirión, qaq da lỹa le'enaxat Hermón,

Deuteronómio 2:24

Qaq ime, nache Ñim Nataxala' qomi' 'enapegalo, 'eeta': ‹Qoqui qome, qaua'axasoxoñiilec ye tala Arnón, cha'aye qami' sanema da qoroxoñiqui ñi Amorreo le'ec Sijón, maye lta'a na netaña ye Jesbón qataq ye na'alhua. Qaq ỹoqo'oye qanoxochiỹaua'a qome ye na'alhua nache qanalaache' ñimaye.

Números 32:19

Qaq qomi', nache saishet da sauoqo'o ca qana'alhua yem pa'aitague da le'ego ye Jordán, cha'aye qomi' saconaxa ne'ena 'alhua maye npa'aitague na nala' lliguisheguem na Jordán.

Números 32:33

Nache so Moisés ỹanem so 'alhua so maiche nalamaxat nhuo' le'ecpi maye chegoxoguet so Gad, Rubén qataq so laỹepi maiche nhuo' le'ecpi maye ncolaxara'ache co'ollaxa maye chegoxoguet so Manasés, maye llalec so José, yem na'alhua co'ollaxa so Sijón maye lta'a na amorreopi, qataq so Og maye lta'a na netaña ye Basán, lỹaueegue' nataqa'en so huaqta'a't nỹecpi qataq so no'onaxapi maye sa qaỹapeque yemaye.

Josué 13:8

Qaq som nalamaxat nhuo' le'ecpi maye chegoxoguetpi so Rubén qataq so Gad, qataq so laỹe som chegoxoguetpi so Manasés, somayepi mashe huo'o so na'alhua cha'aye so Moisés mashe ỹanem co'ollaxa somayepi, maye pa'aỹa'ague da nala' lliguisheguem so Jordán.

Salmos 89:12

Nataqa'en 'aro'onatac da sheu' qataq da la'añaxa. Qaq añi qasoxonaxa Tabor qataq añi Hermón, ỹataqta machiyiñi qome da ỹo'ootrac da 'are'enaxat.

Salmos 136:21

Ñim naloqnec co'ollaxa so na'alhua se'eso nta'alpi, cha'aye da lauotaxanaqtaic chochaq tatec,

Números 21:21

So Israel le'ecpi huo'oi soua lamaxa'she da ỹamaxa so la'aqtac so Sijón maye lta'a so amorreopi, 'eeta':

Números 32:32

Nache ña'ataxagui na qaro'ogoxonaxat da ñeqo'onaxata ye 'alhua Canaán da salaxasoxoguet Ñim Nataxala'. Qalaxaye qomi' saconaxa ne'ena 'alhua maye npa'aitague na le'ego na Jordán da qaralamaxat.

Deuteronómio 2:32

Qaq so Sijón qomi' ca'ata'agueta, nnaictague' co'ollaxa so nalleppi da yaqto' qomi' deloguito huaña ye Yahás,

Deuteronómio 3:1

Qaq co'ollaq saqteuga so nqa'aic maye tateuga ye Basán, nache so Og maye lta'a so netaña yemaye nache qomi' ca'ata'agueta da qomi' iloquiaxa'n huaña ye Edrey.

Deuteronómio 4:44

Qaq 'ena na napaxaguenataxanaxacpi maye ỹa'axatem co'ollaxa so Moisés so Israel le'ecpi,

Deuteronómio 4:46

co'ollaq ñaq hueta'a ye pa'aigue da nala' lliguisheguem ye tala Jordán, yem ca'amapega't maye nalotta ye Bet Pegor, maye na'alhua co'ollaxa so Sijón, som lta'a na amorreopi. Qaq se'eso Sijón, netaña co'ollaxa ye Jesbón, qaq so Moisés qataq so Israel le'ecpi loxonec co'ollaxa somaye co'ollaq ca'ai somayepi ye Egipto.

1 Reyes 4:19

qaq so Guéber, som llalec so Uri, ilotague' so netaña ye 'alhua Gad, yem na'alhua co'ollaxa so Sijón maye lta'a so amorreopi, qataq so Og, maye lta'a co'ollaxa so netaña ye Basán, qaq somaye nachesota co'ollaxa da ilotague' se'eso 'alhua.