Josué 11:9 - La'aqtaqa Ñim Lo'onatac 'Enauacna 2013

⁹ Nache so Josué ipacchigui da ỹo'ot 'enauac nam damaxasoxoolecpi co'ollaxa Ñim Nataxala', cha'aye ichiiguilo naua lapia'ate so lalo caipi so mpa'aguenaxauapi, qataq ỹavigaxat aso nalaataxaquipi laigonapi somayepi.

Josué 11:9 Referans Kwoze

Josué 11:6

Qalaxaye Ñim Nataxala' 'enapego' so Josué, 'eeta': «Saishet qome da 'añi'iỹa yemayepi, cha'aye qoyo'oxoñi qom ivita ye ñichiguiña nagui añi nala', nache 'enauac yemayepi qauauañiichigui da ileu. Qaq qami' qauchiquiiguilo qome naua lchel ye lalo caipi, qataq qauavigaxache qome aye nalaataxaquipi laigonapi.»

Génesis 49:6

¡Ỹataqta sa saỹamaxaren da ñachattaua'a ca huaña ca laỹonaxac! Cha'aye co'ollaq dalematai', nache ỹalaua't so shiỹaxauapi, qataq souaxat da ỹapacauec da no'oopashaxa'c, nache ỹacagaxa't naua lapia'ate so huaca lhuaraicpi.

2 Samuel 8:4

Nache so David, loxonec co'ollaxa so mil setecientos alleppi maye netalec so caipi, qataq veinte mil so petañepi, qataq ỹacagaxat co'ollaxa na lapia'pi so caipi maye ỹauecta'aguet aso alaataxaquipi laigonapi, qalaxaye qalota so no'onaxatañipi da yaqto' ỹaueca'aguet aso cien laigonapi.

Nahúm 2:13

Qaq da la'aqtac Ñim Nataxala' maye Qaica ca Ỹaqalanapec, 'eeta': «Aỹem 'am ñanaỹa nagui da 'am sataỹa'aguet, nache savigaxat anam 'aigonapi maye 'analaataxaquipi, nache nda'a't nmala'q ñaqa'en anamayepi, qataq serolec ca ỹeelonec na 'aỹa'alaqpi da salauat, nache imeuo ñaqa'en da ncachaxac nam 'ana'alhua, huaña nache saishet da qaltaq qaỹa'axaỹa nam 'ara'aqtaxanaxanecpi».

Salmos 46:10

«¡Ñaq qañe'emaxache qome qauaỹaañiteguet da nachaỹem Atamnaxala'! ¡Aỹem ñataỹaña 'enauac na ỹotta'a't shiỹaxauapi qataq 'enauac ana 'alhua!»