Josué 11:8 - La'aqtaqa Ñim Lo'onatac 'Enauacna 2013

⁸ qaq Ñim Nataxala' ỹanem so Israel le'ecpi da nauec somayepi, nache iloquiaxaatac qataq icaatalec co'ollaxa somayepi, iviraxata'a ye 'amaqtaqaic huaqta'a't nỹecpi ye Sidón qataq ye Misrefot Mayin maye pa'aỹa'ague da sheu', nache iviraxatta'a ye nalochiguiñi 'alhua ye Mispá, yem pa'aỹa'ague da yo'oxoñi. Nache ỹataqta qaica ca no'onaxatañi da nca'alaxattauec.

Josué 11:8 Referans Kwoze

Josué 13:6

Qaq ỹauaachigui ñaqa'en qome na Israel le'ecpi da so'orauec 'enauac ye sidoniopi, qataq 'enauac yem nalec aye qasoxonaxapi, nache chegoqchiguiña ye Líbano, nache ivitta'a ye Misrefot Mayin. Qalaxaye 'am qouapegue' qome da 'aỹa'anem na Israel le'ecpi ne'ena 'alhua da yaqto' ỹauo'o lalamaxat, nache ipacchigui qome da 'am samaxalec.

Josué 19:28

Qaq nache imattalec ye 'alhua ye Abdón, Rejob, Hamón qataq ye Caná, nache ivitta'a so 'amaqtaqaic huaqta'a't nỹecpi ye Sidón.

Zacarías 9:2

Nataqa'en Ñimaye, lalamaxat ye Hamat, maye lauoreua yi'iye nỹecpi, qataq ye Tiro qataq ye Sidón na'aictaxa da ỹaguec da ỹaanaxanaxaicpi yemayepi.

Josué 21:44

Nache Ñim Nataxala' ipacchigui so ỹan la'aqtac maye ỹachaxanapeguem co'ollaxa so hua'au lta'alpi somayepi. Huaña, nache huo'o da nlagaxayec 'enauac se'eso 'alhuapi maye qanayeetalec. Nache so mpa'aguenaxauapi na Israel le'ecpi, saishet da ỹañoxot da dataỹa'aguet somayepi, cha'aye Ñim Nataxala' ỹanem da loxonec co'ollaxa somayepi.

Josué 11:3

Nataqa'en ỹamaxa da la'aqtac so Canaán le'ecpi maye naña yem pa'aỹa'ague da yo'oxoñi, qataq som naña yem pa'aỹa'ague da avit, qataq so amorreopi, hitiitapi, ferezeopi, qataq so Jebuseopi maye nalec ayem qasoxonaxapi, qataq so heveopi maye neto'ot añi qasoxonaxa Hermón, maye huaigui ye 'alhuapi ye Mispá.

Génesis 49:13

Qaq da Zabulón qalaq neto'ot qome na loigue aso auaxai, cam huaña qome ca llegueta ana notaxaquipi maye quiguingui na 'etaxat. Qaq ca loga't ca lma' qalaq ivira'a qome ye Sidón.

Génesis 10:15

Qaq so Canaán, nacheso so lta'a so Sidón som hua'auchiguiñi llalec, qataq so Jet.

Josué 11:7

Huaña nache so Josué qataq 'enauac so nalleppi maye ỹataqta alaataxaicpi, ique'elaxatta co'ollaxa da iloquiaxan somayepi, co'ollaq huaña so npaxaatasheguem 'etaxat ye Merón,

Isaías 23:4

Ñaq 'auauo'o da 'ara'agaxa 'am Sidón, cha'aye ana auaxai detaqa, 'eeta': «Mashe qaica co'ollaxa ca ñiqui'ic, mashe saishet co'ollaxa da seco'o. Qataq mashe qaica ca ỹalaqpi da saqchet, qataq aca ỹalepi da sapagaxaguen.»

Deuteronómio 7:2

Qaq Ñim Nataxala' qom qami' ỹanema da qo'oxoñiqui yi'iye ỹotta'a't shiỹaxauapi maye netalec yi'iye 'alhua, nache qanmachiichiguiñi qome da qaualauache, saishet da qauchoxonñiitac, huo'otaq da qanaỹamaxache'.

Deuteronómio 9:3

Qalaxaye qauaỹaañita nagui da Ñim Nataxala' maye Qanatamnaxala'ai, Nacheñi ñim hua'auta'ague qome da qa'aita'ague, qaq Ñimaye 'eeta'am ca norec da huo'o ca ỹavigaxat nache nlachiguiñi naqa'en, qaq nache 'eetec qome da qauauañiichigui da nlaxaañi, qataq huetaiya' naqa'en ye ỹotta'a't shiỹaxauapi. Qataq ỹataqta sa qaỹaloq qome da qauo'oyiỹauec qataq nlachiguiñi qanqa'eñi yemayepi, cha'aye nache 'enapec co'ollaxa Ñimaye.

Josué 10:20

Qaq so Josué qataq so Israel le'ecpi co'ollaq mashe loxonec so amorreopi qataq ỹataqta qalota so ỹalauat, qalaxaye so laỹepi amorreopi maye ñaq nca'altauec, ỹe'egueneua'a co'ollaxa so maiche lalamaxat huaqta'a't nỹecpi maye huo'o so sansattec lpaqtaxat.

2 Samuel 24:6

Qaq co'ollaq ime, nache taỹa ye Galaad qataq ye Cades, yem na'alhua na hitiitapi. Qataq ivitta'a ye Dan, nache ncoleetaua'a ye Sidón.