Josué 11:6 - La'aqtaqa Ñim Lo'onatac 'Enauacna 2013

⁶ Qalaxaye Ñim Nataxala' 'enapego' so Josué, 'eeta': «Saishet qome da 'añi'iỹa yemayepi, cha'aye qoyo'oxoñi qom ivita ye ñichiguiña nagui añi nala', nache 'enauac yemayepi qauauañiichigui da ileu. Qaq qami' qauchiquiiguilo qome naua lchel ye lalo caipi, qataq qauavigaxache qome aye nalaataxaquipi laigonapi.»

Josué 11:6 Referans Kwoze

Josué 10:8

nache Ñim Nataxala' 'enapego' somaye, 'eeta': «Saishet qome da 'añe'etega yemayepi, cha'aye aỹem 'am sanem qome da 'oxonecpi, qaq yemayepi qaica ca ishet da 'am dataỹa'aguet.»

2 Samuel 8:4

Nache so David, loxonec co'ollaxa so mil setecientos alleppi maye netalec so caipi, qataq veinte mil so petañepi, qataq ỹacagaxat co'ollaxa na lapia'pi so caipi maye ỹauecta'aguet aso alaataxaquipi laigonapi, qalaxaye qalota so no'onaxatañipi da yaqto' ỹaueca'aguet aso cien laigonapi.

1 Samuel 11:9

Ime, nache 'enapego' som namaxashecpi maye chegaqa'a ye Jabés yem huaigui ye Galaad, 'eeta': «Qoñiỹapega cam shiỹaxauapi maye lma' ye Jabés da qonte' na'a'q laiñi, nache ñeca'alaxataxauec.» Nache som namaxashecpi ỹe'eguelaq, nache da'aqtaxanem de'era som lma' ye Jabés, nache somayepi co'ollaxa ỹataqta machiguiñi.

Jueces 20:28

Qaq so Finés, som llalec so Eleazar qataq laual so Aarón, nacheso som ilotague' asomaye. Nache qainat, qoỹeeta': ¿Peta'a qolaqto'ot da seloquiaxanaq ye qarqaỹañicpi maye chegoxoguetpi so Benjamín, qalqo' ñañaxanaxañi? Nache Ñim Nataxala', 'enapeco': Ỹoltaq qavi'iguelaqailec da qauloquiaxañi, cha'aye qonte' nache qami' sanema qome da qoroxoñiqui yemayepi.

Josué 11:9

Nache so Josué ipacchigui da ỹo'ot 'enauac nam damaxasoxoolecpi co'ollaxa Ñim Nataxala', cha'aye ichiiguilo naua lapia'ate so lalo caipi so mpa'aguenaxauapi, qataq ỹavigaxat aso nalaataxaquipi laigonapi somayepi.

Oseas 14:3

Na Asiria le'ecpi saishet qome da qomi' nca'alaxatrec, qataq saishet da sonaqtalec na caipi da ñaneltaxanaq, huaña nache saxanaxañi da shenaqtega qanatamnaxala' na maiche qaro'onatacpi, cha'aye nache 'amta 'Am Nataxala', da 'am ỹachegoxoto'ot da nchoxonnataguec nam qaicaua caua lta'al.»

Isaías 31:1

¡Qaq choxoraxaso' nam taỹa ye Egipto da nmitaique ca ntaunaguec, nam pe'etega na qalota caipi qataq naquittega ana qalota naigonapi, qataq nam qalota alleppi maye nalaataxala' na caipi, qalaxaye sa ỹamato'ot Ñim Qui'itta Natamnaxala' na Israel le'ecpi, qataq saishet da nmitaique Ñim Nataxala'!

Isaías 30:16

nacherata da qoñiita': «saishet, qomi' sataxauec qome sonaxalec na caipi.» Aja', nache 'eetec qome da qauataiuec. Qaq nataqa'en qoñiita': «Sonaxangui qome ana naigonapi maye ỹataqta qayaqaipi.» Aja', qaq nache 'eetec qome da ỹataqta qayaqaicpi cam qami' icana'ape.

Proverbios 20:7

¡Ỹataqta ỹo'oxoraq ca no'on da lataxac, qataq machiguiñi ca llalaqpi da quetegue da no'on lataxac camaye!

Salmos 46:11

¡Ñim Nataxala' maye Qaica ca Ỹaqalanapec, qomi' hueta'agueta! ¡Ñim Natamnaxala' so Jacob nacheñi ñi qaye'eguenaxala'!

Salmos 46:9

Ñimaye vi'iiguet naqa'en da alaataxac, ivira'a na alaataxac maye huañalo naua loga'te ana 'alhua, qataq huacaigui naqa'en na nchecnecpi qataq ana taquiaxaipi, qataq ỹasaxangui na norec ana naigonapi.

2 Crónicas 20:16

Qonte', qom namayepi mashe nactasheguemgue na ñiguisheguem da naỹasheguema na pa'asheguem ana Sis, nache qauataiỹa'aguet qome namayepi qom huaña so la'auaxac, maye datatta ye toolec 'alhua ye Jeruel.

Josué 3:5

Qataq so Josué 'enapego' se'eso nhuo' le'ecpi, 'eeta': «Ỹataqta qanqui'itaxachiita qome, cha'aye qoyo'oxoñi qauauañiichigui qome da Ñim Nataxala' ỹo'ot ca sa qauauañiỹapega.»

Deuteronómio 7:16

Qaq ỹoqo'oye qanmachiichiguiñi qome 'enauac na shiỹaxauapi maye qami' ỹanema Ñim Nataxala' da qoroxoñiqui. Qataq saishet da qauchoxonñiitac, qataq saishet da qanatamñiỹot ca natamnaxala'pi, cha'aye ishet da qami' isomaxanaqche't.

Josué 11:5

Se'eso nta'alpi huaxaỹa't co'ollaxa, nache hua'a ye sa qaỹapeque na npaxaatasheguem 'etaxat ye Merón, da yaqto' delogui' so Israel le'ecpi.

Josué 11:7

Huaña nache so Josué qataq 'enauac so nalleppi maye ỹataqta alaataxaicpi, ique'elaxatta co'ollaxa da iloquiaxan somayepi, co'ollaq huaña so npaxaatasheguem 'etaxat ye Merón,

Jueces 7:9

Nache se'eso pe Ñim Nataxala' 'enapega so Gedeón, 'eeta': «Qoñisheguem, nache 'anqo'ooña ye madianiitapi da yaqto' 'auloquiaxan, cha'aye aỹem 'am sanem da 'oxonec yemayepi.

Ezequiel 39:9

Qaq nam hueta'a na huaqta'a't nỹecpi maye ỹotta'a't naua nañalo ye Israel, mpa'auec qome, nache ỹavigaxat na lo'ogoxonaxatpi ca npa'aguenaxauapi, qataq ana ỹotta'a't lpaqtaxanaqtepi, qataq na lchecnecpi, qataq ana lchecnapi, qataq ana la'araxanaqtepi, qataq ana lataquiaxaipi, qaq huaña qome nache chochaq huañi na l-le' lashec, da yaqto' ỹo'ot ca l-le' ivittrec caua siete vi'iye.

Nahúm 2:13

Qaq da la'aqtac Ñim Nataxala' maye Qaica ca Ỹaqalanapec, 'eeta': «Aỹem 'am ñanaỹa nagui da 'am sataỹa'aguet, nache savigaxat anam 'aigonapi maye 'analaataxaquipi, nache nda'a't nmala'q ñaqa'en anamayepi, qataq serolec ca ỹeelonec na 'aỹa'alaqpi da salauat, nache imeuo ñaqa'en da ncachaxac nam 'ana'alhua, huaña nache saishet da qaltaq qaỹa'axaỹa nam 'ara'aqtaxanaxanecpi».

2 Reyes 6:16

Nache so Eliseo 'enapeco': Saishet da 'añi'i, cha'aye nam qomi' hueta'agueta ỹataqta qalota, napacalec nam hueta'aguet namayepi.

Salmos 46:10

«¡Ñaq qañe'emaxache qome qauaỹaañiteguet da nachaỹem Atamnaxala'! ¡Aỹem ñataỹaña 'enauac na ỹotta'a't shiỹaxauapi qataq 'enauac ana 'alhua!»