Josué 11:4 - La'aqtaqa Ñim Lo'onatac 'Enauacna 2013

⁴ Nache 'enauac se'eso nta'alpi lỹatec co'ollaxa so nalleppi, qataq so ỹataqta qalota caipi, qataq aso nalaataxaquipi laigonapi. Qaq ye ỹataqta qalota se'eso alleppi, nache qaica ca ỹañoxot da naloqten, cha'aye 'eeta'am na coma' lsoche maye huaña na loigue aso auaxai.

Josué 11:4 Referans Kwoze

Jueces 7:12

Qaq so madianiitapi, qataq so amaleciitapi, qataq so shiỹaxauapi maye chegaqa'ague da pa'aỹa'ague da nala' lliguisheguem ỹataqta laguelec co'ollaxa se'eso ca'amegue, 'eeta'am aca qalota shiiquioxoipi. Qataq aso lalo cameellopi qalaq ỹataqta qalota, 'eeta'am na coma' lsoche maye huaña na loigue aso auaxai.

1 Samuel 13:5

Qaq so filisteopi qalaq laỹona't co'ollaxa da delogui' so Israel le'ecpi. Nache ivi' treinta mil aso nnaigonapi maye nalaataxaqui, qataq seis mil so nalleppi maye netalec so caipi qataq ỹataqta qalota so petañepi, 'eeta'am na lsoche na 'alhua maye huangui aso auaxai. Nache somayepi nqo'ona ye Micmas, nache ỹanaña yemaye so lanataqa' maye pa'aỹa'ague da nala' lliguisheguem ye Bet Avén.

Génesis 32:12

Qaq 'Am, ỹataqtegue co'ollaxa da 'ara'aqtac, da qaica camachaqca 'anqa'en da ỹecỹaxac, qataq cam aỹem chegoxoguetpi, ỹataqta qalota 'eeta'am na lsoche na 'alhua maye huo'ot na loigue aso auaxai, maye saqaivi' da qanaloqten.»

Génesis 22:17

da 'am saalec qome ca ỹataqta lta'araic ichoxonnataxanaxa. Aỹem so'ot qome da ỹataqta qalota ca 'am chegoxoguetpi, 'eeta'am ana huaqaañipi maye neto'ot na piguem, qataq 'eeta'am na lsoche na 'alhua maye hueto'ot na loigue aso auaxai. Qataq camayepi saq ỹet qome da loxonec ca mpa'aguenaxauapi,

1 Reyes 4:20

Qaq so Judá le'ecpi qataq so Israel le'ecpi ỹataqta qalota co'ollaxa, 'eeta'am na coma' lsoche maye hueto'ot na loigue aso auaxai. Qaq 'enauac da deque'etac, nỹomtac qataq ỹataqta machiguiñi.

2 Samuel 17:11

Qaq ỹoqo'oye nagui, 'am shenapega da 'onaxaictaxa da 'alaỹona't 'enauac ye Israel le'ecpi, maye netaña ye Dan qataq ye Berseba, maye ỹataqta qalota 'eeta'am na coma' lsoche, maye hueto'ot na loigue aso auaxai, qataq nache 'am qome da 'am datalec yemayepi que'eca alaataxac.

Josué 11:5

Se'eso nta'alpi huaxaỹa't co'ollaxa, nache hua'a ye sa qaỹapeque na npaxaatasheguem 'etaxat ye Merón, da yaqto' delogui' so Israel le'ecpi.

Salmos 20:8

Qaq namayepi ỹa'aldañi qome naua l-llecte, nache huañi, qomi' qalaxaye ñachaataqchiguiñi, saishet da souaqañi.