Josué 11:23 - La'aqtaqa Ñim Lo'onatac 'Enauacna 2013

²³ Qaq 'era da 'eetec co'ollaxa so Josué da deuotaxanec 'enauac se'eso 'alhuapi, qaq nache ipacchigui 'enauac na la'aqtacpi Ñim Nataxala' maye ỹamaxalec co'ollaxa so Moisés. Huaña nache somaye ỹami' ñi 'oonolec na maiche nhuo' Israel le'ecpi, da yaqto' lalamaxat lma' se'eso 'alhua. Qaq co'ollaq ime nache huo'o da nlagaxayec yi'iye 'alhua.

Josué 11:23 Referans Kwoze

Salmos 46:9

Ñimaye vi'iiguet naqa'en da alaataxac, ivira'a na alaataxac maye huañalo naua loga'te ana 'alhua, qataq huacaigui naqa'en na nchecnecpi qataq ana taquiaxaipi, qataq ỹasaxangui na norec ana naigonapi.

Josué 23:1

Qaq co'ollaq mashe qaỹoqtegue da Ñim Nataxala', ỹanem da lactapiguiñi so Israel le'ecpi, qataq so Josúe mashe ỹa'axaiquiolec co'ollaxa,

Josué 22:4

Qaq nagui Ñimaye ipacchigui da ỹan la'aqtac co'ollaxa, qataq nam qarqaỹaipi mashe huo'o da l-lagaxayec, qaq ỹoqo'oye nagui qavi'iguelaqaiỹalo qome naua qaranataqa'achilli' qataq ye qana'alhuai maye pa'aỹa'ague da yo'oxoñi so tala Jordán, maye qami' ỹanema co'ollaxa so Moisés, maye lamaxashec Ñim Nataxala'.

Josué 18:10

Nache so Josué, icolaxatapigui se'eso 'alhuapi da yaqto' ỹanoigui so Israel le'ecpi huaña ye Silo, qataq ỹauaachigui naqa'en Ñim Nataxala' da qanallichigui somaye.

Josué 11:18

Nache so Josué ỹataqta qaỹoqtec co'ollaxa so l-loquiaxac da deloctague' somayepi.

Deuteronómio 25:19

Ỹoqo'oye qom ivita da Ñim Lo'onatac 'Enauacna, qami' isoueeguesopa ye ỹotta'a't shiỹaxauapi maye qampa'aguenaxauaipi yem lauoreuapi yi'iye 'alhua, maye qami' ỹanema qome Ñim Nataxala' maye Qanatamnaxala'ai. Nache ỹataqta qauapalaxache qome da le'enaxat nam chegoxoguetpi so Amalec yi'iye 'alhua. ¡Saishet qome da qaucouaỹa'ai de'era!

Deuteronómio 1:38

Nachesota so 'artaua Josué, maye llalec so Nun, da inoxoneua'a qome yemaye. Qaq somaye 'aua'añaqchet, cha'aye nacheso qome so ỹanem yi'iye 'alhua na Israel le'ecpi.

Éxodo 34:11

Qaq da ỹataqta qaupaquiitelec da qami' sanema ỹa'aqtac, nache Aỹem samaqauec qome ye amorreopi, cananeopi, hitiitapi, ferezeopi, heveopi qataq ye jebuseopi.

Nehemías 9:24

Qaq so llalaqpi somayepi huenoxoneua'a co'ollaxa se'eso 'alhua, ime nache nalec da yaqto' ỹauo'o lalamaxat. Qataq ỹauaachigui 'anqa'en co'ollaq 'oxonec so Canaán le'ecpi qataq so lta'alpi qataq so shiỹaxauapi maye netalec se'eso 'alhua, da yaqto' maiche ỹoiqueetac ca ỹataxaateuga somayepi.

Ezequiel 45:8

Qaq que'eca 'alhua nache lalamaxat qome ca lta'a na Israel le'ecpi, yaqto' na nta'alpi saishet qome da ỹe'eguelaxa da deuotaxanec ca na'alhua na ỹalamaxat nhuo' le'ecpi, nacherata da hua'aqta'a qome nam chegoxoguet so Israel da netalec na 'alhua.

Josué 12:7

Qaq 'eso so nta'alpi maye loxonecpi co'ollaxa so Josué qataq so Israel le'ecpi, qaq so na'alhuapi somayepi pa'aỹa'ague da avit so tala Jordán, nache chegoqchiguiña ye Baal Gad, qataq so ca'amapega't ye Líbano, nache ivitta'a añi qasoxonaxa Halac maye saqaỹapeque ye Seír. Nache so Josué ỹami' co'ollaxa ñi 'oonolec so maiche nhuo' Israel le'ecpi so na'alhuapi co'ollaxa se'eso nta'alpi, da yaqto' ỹauo'o lalamaxat naqa'en somayepi.