Josué 11:22 - La'aqtaqa Ñim Lo'onatac 'Enauacna 2013

²² Qaq ỹoqo'oye ỹataqta qaica ca no'onalec da netalec yem na'alhuapi so Israel le'ecpi som chegoxoguetpi so shiỹaxaua logoraic le'enaxat Anac. Qaq nacheyeta ye Gaza, qataq ye Gat, qataq ye Asdod da huo'o na no'onalec somayepi.

Josué 11:22 Referans Kwoze

1 Samuel 17:4

Qaq huaña nache chegoqtoigui so alleppi filisteopi so 'oonolec alaataxaic, qaq somaye ivi' tres metros ye lalogaxa. Somaye le'enaxat da Goliat, qataq lma' ye Gat.

Josué 15:46

nache chegoqchiguiña ye Ecrón da ivittauga aso auaxai qataq 'enauac ye 'alhua maye sa qaỹapeque ye Asdod, qataq lỹaueegue' so lauoreuapi nma'piolec.

Isaías 20:1

Qaq huo'o so huaña, nache so nta'a Sargón maye lma' ye Asiria, ỹamaxa ye huaqta'a't nỹecpi Asdod som 'amaqtaqaic lataxala' so alleppi. Nache somaye iloquiaxan yemaye, nache loxonec.

2 Crónicas 26:6

Qaq so Uzías taỹa co'ollaxa so filisteopi da iloquiaxan, nache ilaxachigui so lpaqtaxatpi so huaqta'a't nỹecpi ye Gat, Jabnia qataq ye Asdod, ime nache no'oxoosheguem so huaqta'a't nỹecpi ye Asdod, maye huaigui ye na'alhua so filisteopi.

1 Crónicas 18:1

Qaq co'ollaq ime de'era, nache so David loxonec so filisteopi, nache choche ilattac qataq deuotaxanec so huaqta'a't nỹecpi ye Gad, qataq som lauoreuapi nma'piolec.

1 Crónicas 8:13

Qaq so Beria qataq so Semá, maye lataxala'ate som lauo' le'ecpi maye hueta'a co'ollaxa ye Ayalón, qaq soomaye ỹo'oldaue'c co'ollaxa som hua'auchiguiñipi da lma' co'ollaxa ye Gad.

1 Reyes 2:39

Qaq co'ollaq inoxoore'c soua tres vi'iye, nache soua dos l-lataqa somaye, no'otrauec co'ollaxa, nache taỹalo da yaqto' nero'ot so Aquis, som llalec so Macá maye nta'a ye Gad. Qaq co'ollaq qaỹa'aqtaxanem so Simea, da soua l-lataqa netraña ye Gad,

1 Samuel 5:1

Qaq so filisteopi co'ollaq ime da loxona aso arca maye laỹe' da naỹamaxataxac Ñim Lo'onatac 'Enauacna, nache ỹache ỹachegotchiguiña ye Ebenezer da ira'a ye Asdod.

Jueces 3:3

Nache no'oirañi co'ollaxa soua cinco lataxala'ate so filisteopi qataq 'enauac so cananeopi, sidoniopi qataq so heveopi maye netalec co'ollaxa aye qasoxonaxapi maye huaña ye Líbano, chegoqchiguiña añi qasoxonaxa Baal Hermón, nache ivitta'a so ñegueta ye Jamat.

Hechos 8:40

Nache so Felipe hueta'a co'ollaxa ye nỹecpi Azoto. Huaña, nache quetaguilo naua nma'ate, ỹa'axattac da no'on na'axaỹaxac, choche ivitta'a ye nỹecpi Cesarea.

Deuteronómio 9:2

Qaq yi'iye shiỹaxauapi ỹataqta 'añaxaicpi qataq logoraicpi, cha'aye chegoxoguet co'ollaxa so shiỹaxaua logoraic le'enaxat Anac, qataq qaua'aqaitega naxa da na'aqtacaic, maye 'eeta': ¿Negue'tom ca ishet da dataỹa'aguet ye anaquiitapi?

Josué 15:14

Huaña, nache so Caleb ỹo'oldauec co'ollaxa soua tres chegoxogueta so Anac, som le'enaxat Sesay, Ajimán, qataq so Talmay.

Jueces 1:18

Qaq se'eso chegoxoguetpi so Judá sa ỹañoxot co'ollaxa da loxonec ye huaqta'a't nỹecpi ye Gaza, Ascalón qataq ye Ecrón, qataq so lauoreuapi 'alhuapi.

Deuteronómio 2:23

Qataq nachera da 'eetec nataqa'en co'ollaxa so filisteopi maye chegaqa'a co'ollaxa ye Creta da nmatchiguiñi so heveopi, maye nañalo naua lỹa't nma'ate maye lauoreu' ye Gaza, nache nalec yi'iye 'alhuapi.

Josué 10:41

Nache chegoqchiguiña ye Cadés Barnea, nache ivitta'a ye Gaza, qataq 'enauac ye 'alhua ye Gosén, nache ivitta'a ye Gabaón nache ỹalauat so nta'alpi se'eso 'alhuapi.

Josué 15:47

Qataq so huaqta'a't nỹecpi ye Asdod, qataq so lauoreuapi nma'piolec, nataqa'en ye Gaza qataq so lauoreuapi nma'piolec, nache ivitta'a so la'auaxac ye Egipto qataq ivira'a so loigue aso Auaxai Mediterráneo.