Josué 11:21 - La'aqtaqa Ñim Lo'onatac 'Enauacna 2013

²¹ Nataqa'en se'eso na'a'q so Josué deuotaxanec qataq ỹataqta nlaxatchiguiñi 'enauac so huaqta'a't nỹecpi maye lma' so anaquiitapi maye nalec aye qasoxonaxapi ye Hebrón, Debir, Anab, qataq 'enauac aye qasoxonaxapi maye ỹotta'a't nam naña ye Judá qataq ye Israel.

Josué 11:21 Referans Kwoze

Deuteronómio 9:2

Qaq yi'iye shiỹaxauapi ỹataqta 'añaxaicpi qataq logoraicpi, cha'aye chegoxoguet co'ollaxa so shiỹaxaua logoraic le'enaxat Anac, qataq qaua'aqaitega naxa da na'aqtacaic, maye 'eeta': ¿Negue'tom ca ishet da dataỹa'aguet ye anaquiitapi?

Deuteronómio 1:28

Qaq nagui, ¿hua'ago' ca sataxague? Cha'aye soua qaramaxa'ashe ỹa'axattrac da na lma' yi'iye 'alhua ỹataqta 'añaxaicpi qataq logoraicpi, qataq na huaqta'a't nỹecpi ỹataqta lta'al qataq qaỹoqotcheguemec na lpaqtaxat. Qataq ỹataqta huo'o da qarcolanaxa cha'aye qomi' qaỹa'aqtaxanema da yi'iye 'alhua lma' na chegoxoguet so shiỹaxaua logoraic maye le'enaxat Anac.›

Apocalipsis 6:2

Qaq aỹem samata'a somaye, nache sela'a da nnoxonec so caaỹo lapagaxaic. Qaq so netalec somaye nasoqta'a aso lchecna qataq so lchecnec, nache somaye qoỹami' aso naro'o na nta'a. Cha'aye nauec so npa'aguenaxauapi, qataq cha'aye nache 'eetai' da dauegaxaatai'.

Amós 2:9

Qataq ỹataqta ỹauaachigui ñaqa'en co'ollaq selaxachigui so amorreopi, qaq na'aictaxa da ỹataqta logoraicpi 'eeta'am ana cedropi, qataq ỹataqta 'añaxaicpi 'eeta'am ana qo'oipaqpi roble, qataq dolagui ñaqa'en ana netasheguem alapi, qataq na lpa'a'pi anamayepi.

Jeremías 9:23

Ñim Nataxala' 'enapec: «Saishet qome da na'amaqten ca ỹaanaxanaxaic souaxat da huo'o da laỹaanec, qataq ca 'añaxaic souaxat da huo'o da la'añaxac, qataq ca sallaxanec souaxat da huo'o da lsallaxa.

Jeremías 3:23

Qaica ca naigui da saxasheguema naxa ana lcomaraxalatepi huo'otaq da sa'alaxasoqtai' da sonaqtasheguema ana qasoxonaxapi, cha'aye nachaqñita Ñim Nataxala' maye Qanatamnaxala' da hueto'ot da lca'alaxa na Israel le'ecpi.

Jueces 1:20

Qaq so Caleb qalaq taỹot ye Hebrón, ipacchigui da la'aqtac co'ollaxa so Moisés, nache so Caleb ỹo'oldauec soua tres llalqa so Anac, som logoraic shiỹaxaua.

Josué 10:42

Nache ỹacona so na'alhuapi somayepi, cha'aye Ñim Nataxala' maye Natamnaxala' na Israel le'ecpi deloctapeguelec namayepi.

Deuteronómio 2:21

Qaq somayepi co'ollaxa ỹataqta qalota, logoraicpi, qataq añaxaicpi, 'eeta'am na chegoxoguetpi so Anac. Qalaxaye Ñim Nataxala' ỹanem da la'añaxac so amoniitapi da nmichiguiñi naqa'en somayepi, ỹoqo'oye somayepi nache nalec yi'iye 'alhua da ỹauo'o lalamaxat.

Números 13:33

Qataq seloqta'a nataqa'en yem logoraicpi maye chegoxoguet so Anac. Nache da ñaloqnaxaguet da qarataxac yemayepi, nache ỹataqta qomi' qapio'olqa, shenaqta'am ana shiiquioxoi, qaq 'era da 'eetec da qomi' ilota'alo yemayepi.