Josué 11:16 - La'aqtaqa Ñim Lo'onatac 'Enauacna 2013

¹⁶ Huaña nache so Josué ỹacona 'enauac se'eso 'alhuapi, maye huaña aye qasoxonaxapi 'enauac yem Néguev, qataq 'enauac ye 'alhua Gosén, qataq yem nalochiguiñi 'alhua, qataq ye ca'amapega't ye Jordán, qataq 'enauac ayem qasoxonaxapi, qataq yem nalochiguiñi 'alhuapi ye Israel.

Josué 11:16 Referans Kwoze

Josué 10:41

Nache chegoqchiguiña ye Cadés Barnea, nache ivitta'a ye Gaza, qataq 'enauac ye 'alhua ye Gosén, nache ivitta'a ye Gabaón nache ỹalauat so nta'alpi se'eso 'alhuapi.

Josué 12:8

Qaq se'eso 'alhuapi huo'o ana qasoxonaxapi, qataq so nalochiguiñi 'alhuapi, qataq so ca'amapega't ye Jordán, qataq naua nashecrañi laỹel se'eso 'alhua, qataq so toolec 'alhua, qataq ye Néguev. Qaq se'eso 'alhua nache lalamaxat co'ollaxa som hitiitapi, amorreopi, Canaán le'ecpi, ferezeopi, heveopi qataq so Jebuseopi.

Josué 11:21

Nataqa'en se'eso na'a'q so Josué deuotaxanec qataq ỹataqta nlaxatchiguiñi 'enauac so huaqta'a't nỹecpi maye lma' so anaquiitapi maye nalec aye qasoxonaxapi ye Hebrón, Debir, Anab, qataq 'enauac aye qasoxonaxapi maye ỹotta'a't nam naña ye Judá qataq ye Israel.

Ezequiel 36:8

Qalaxaye qami' qasoxonaxapi ye Israel qami' nlaqaaleguete qome ana late'erai qo'oipaqpi, qataq qalota qome ana ala, da yaqto' lalamaqte na ỹalamaxat nhuo' Israel le'ecpi, maye mashe yaqta'a da ñe'eguelaq.

Ezequiel 17:23

aca qasoxonaxa maye ỹataqta qaỹoqotcheguemec ye Israel. Qaq huaña nache huo'o ana lcouepi qataq huo'o ana ala aca'aca cedro, nache ivira'a da ỹataqta huo'o da lyac. Nache na ỹotta'a't shiguiỹacpi hueto'ot qome na la'a' acamaye, qataq na ỹotta'a't qoỹopi ỹanaigui na lpata'cpi ana lcouepi acamaye.

Josué 11:2

Qataq 'enauac so nta'alpi yem 'alhuapi maye nalec aye qasoxonaxapi maye pa'aỹa'ague da sheu', qataq ye ca'amegue ye Jordán maye pa'aỹa'ague da la'añaxa aso Lapel Quinéret, qataq ye nalochiguiñi 'alhua, qataq ye Dor yem pa'aỹa'ague da avit.

Josué 9:1

Qaq so lta'alpi so hitiitapi, qataq so amorreopi, Canaán le'ecpi, ferezeopi, heveopi, Jebuseopi ỹaỹaten co'ollaxa de'era qanayeuaigui. Qaq se'eso nta'alpi netaña co'ollaxa so loigue maye pa'aỹa'ague da avit so tala Jordán, qataq aye qasoxonaxapi, qataq ye nalochiguiñi 'alhua qataq 'enauac so loigue aso Auaxai Mediterráneo, nache ivitta'a so 'alhuapi ye Líbano.

Josué 10:40

Qaq 'era da 'eetec co'ollaxa so Josué da loxonec 'enauac se'eso 'alhuapi. Qataq nauec so nta'alpi maye nalec so 'alhuapi maye hualec aye qasoxonaxapi yem Néguev, som nalochiguiñi 'alhuapi qataq som nashecchiguiñi loiguepi. Nache ỹataqta 'enauac da ilaxachigui qataq ỹalauat 'enauac nache qaica ca no'onaxatañi da nca'altauec naqa'en, nache ipacchigui 'enauac nam ỹamaxalecpi Ñim Nataxala' maye Natamnaxala' na Israel le'ecpi.

Josué 11:15

Ñim Nataxala' ỹanem co'ollaxa de'era lamaxasoxonaxac so Moisés, qaq so Moisés nache ỹamaxalec co'ollaxa so Josué, qaq somaye nache ỹataqta ipacchigui da ỹo'ot 'enauac damaye.

Salmos 78:55

Qataq nqateua'a na ỹotta'a't shiỹaxauapi ỹauaachigui naqa'en na Israel le'ecpi, qataq naloqchiichiguiñi na ỹanem 'alhua na maiche nhuo' le'ecpi, nache ỹanaña na maiche lalamaxat lanataqa'pi.

Salmos 105:44

Qataq Ñimaye ỹanem somayepi so na'alhua som ỹotta'a't shiỹaxauapi, qataq da alaỹaxac da lo'onataxanaxac som ỹaqa'a nhuo' le'ecpi,

Deuteronómio 1:7

Qaq ỹoqo'oye qoqui qome, qanqo'oñiỹa aye qasoxonaxapi maye lalamaqte na amorreopi, qataq na lauoreua 'alhuapi ye Arabá, qasoxonaxapi, qataq ye nalochiguiñi 'alhua ye Néguev, qataq naua loiguiye aso auaxai, qataq ye na'alhua na cananeopi qataq ye Líbano, nache ivitta'a ye lta'araic tala Éufrates.