Josué 11:12 - La'aqtaqa Ñim Lo'onatac 'Enauacna 2013

¹² Qaq so Josué, nache 'eetec nataqa'en so laỹepi huaqta'a't nỹecpi da iloquiaxan qataq ỹalauat so lta'alpi, qataq imauec da ilaxachigui, nache ipacchigui da lamaxasoxonaxac co'ollaxa so Moisés, maye lamaxashec Ñim Nataxala'.

Josué 11:12 Referans Kwoze

Deuteronómio 7:2

Qaq Ñim Nataxala' qom qami' ỹanema da qo'oxoñiqui yi'iye ỹotta'a't shiỹaxauapi maye netalec yi'iye 'alhua, nache qanmachiichiguiñi qome da qaualauache, saishet da qauchoxonñiitac, huo'otaq da qanaỹamaxache'.

Josué 11:15

Ñim Nataxala' ỹanem co'ollaxa de'era lamaxasoxonaxac so Moisés, qaq so Moisés nache ỹamaxalec co'ollaxa so Josué, qaq somaye nache ỹataqta ipacchigui da ỹo'ot 'enauac damaye.

Josué 10:37

Qaq co'ollaq loxonec yemaye nache ỹataqta imauec da ilaxachigui, qataq irolec so ỹeelonec da ỹalauat so nta'a qataq 'enauac so shiỹaxauapi, qataq so shiguiỹacpi nache ivira'a so lauoreuapi somayepi, nache 'eeta'am naqa'en da 'eetec co'ollaxa ye Eglón.

Josué 10:35

Qaq nacheso se'eso na'a'q da loxonec qataq irolec so ỹeelonec da ỹalauat 'enauac so lma' yemaye, nache ỹataqta imauec ilaxachigui 'eeta'am da 'eetec naqa'en co'ollaxa ye Laquis.

Josué 10:32

Qaq so lỹa na'a'q, nache Ñim Nataxala' ỹanem so Israel le'ecpi da loxonec ye Laquis, qataq nache 'eeta'am naqa'en da 'eetec co'ollaxa ye Libna, da so Israel le'ecpi irolec so ỹeelonec da ỹalauat 'enauac so shiỹaxauapi qataq so shiguiỹacpi.

Josué 10:30

Qaq Ñim Nataxala' ỹanem co'ollaxa somayepi da loxonec nataqa'en se'eso huaqta'a't nỹecpi qataq so nta'a. Nache ỹataqta qaica ca no'onañi da nca'altauec qanqa'en, qaq so nta'a ye Libna qalaq qaỹe'enaxatchigui da 'eetec co'ollaxa so nta'a ye Jericó.

Josué 10:28

Qataq nacheso se'eso na'a'q, da so Josué deuotaxanec so huaqta'a't nỹecpi ye Maceda, nache 'enauac da ilaxachigui, qataq damaxasoxoolec da imauec qaỹalauat so lma' yemaye, qairota'a so ỹeelonec, qataq ỹataqta qaica ca qano'onaxatañi da qanca'alaxattauec. Qaq so nta'a ye Maceda nache ỹe'enaxatchigui da 'eetec co'ollaq ỹalauat so nta'a ye Jericó.

Josué 9:24

Qaq soomaye ỹasategueto' so Josué, nache 'ena'apo': «Qomi' qarlataqalli'. Qaq qomi' saỹatenaq da 'eetec co'ollaxa Ñim Nataxala' maye Qanatamnaxala'ai, da ỹamaxalec so lamaxashec Moisés, da qami' ỹanema 'enauac ne'ena 'alhuapi, qataq da qaulaxachiigui 'enauac na netaña namaye. Qomi' so'otaq de'era, souaxat da selaqa'a da mashe sa qaỹapeque na qoviita'a nache huo'o da lta'araic qarcolanaxa da qomi' qaualauache'.

Josué 8:31

nache ipacchigui naqa'en da la'aqtac so Moisés maye lamaxashec Ñim Nataxala', co'ollaq 'enapega so Israel le'ecpi da ipacchigui nam nanettalec aso nere maye huetalec na lqataxacpi so Moisés, 'eeta': «Qaỹo'ot aca nca'atoxonaxalate maye saishet da qaỹauota'a ca nchiiguishec coma'.» Huaña nache so Israel le'ecpi ỹachalec asa'aso nca'atoxonaxalate aso lachetaqtaxanaqtepi qaỹavigaxatta, qataq aso lachetaqtaxanaqtepi qanhuaachigui.

Josué 8:8

Qaq qom mashe qauotaxañic yemaye nache qauavigaxache, qaupaquiichigui da 'enapec Ñim Nataxala'. Qaq 'era da ỹa'aqtac.»

Josué 11:13

Qalaxaye saishet co'ollaxa da ỹavigaxat se'eso huaqta'a't nỹecpi maye nalec aso lcomaraxalatepi, nachaqsota so huaqta'a't nỹecpi ye Jazor.

Deuteronómio 9:3

Qalaxaye qauaỹaañita nagui da Ñim Nataxala' maye Qanatamnaxala'ai, Nacheñi ñim hua'auta'ague qome da qa'aita'ague, qaq Ñimaye 'eeta'am ca norec da huo'o ca ỹavigaxat nache nlachiguiñi naqa'en, qaq nache 'eetec qome da qauauañiichigui da nlaxaañi, qataq huetaiya' naqa'en ye ỹotta'a't shiỹaxauapi. Qataq ỹataqta sa qaỹaloq qome da qauo'oyiỹauec qataq nlachiguiñi qanqa'eñi yemayepi, cha'aye nache 'enapec co'ollaxa Ñimaye.

Josué 10:20

Qaq so Josué qataq so Israel le'ecpi co'ollaq mashe loxonec so amorreopi qataq ỹataqta qalota so ỹalauat, qalaxaye so laỹepi amorreopi maye ñaq nca'altauec, ỹe'egueneua'a co'ollaxa so maiche lalamaxat huaqta'a't nỹecpi maye huo'o so sansattec lpaqtaxat.

Josué 13:6

Qaq ỹauaachigui ñaqa'en qome na Israel le'ecpi da so'orauec 'enauac ye sidoniopi, qataq 'enauac yem nalec aye qasoxonaxapi, nache chegoqchiguiña ye Líbano, nache ivitta'a ye Misrefot Mayin. Qalaxaye 'am qouapegue' qome da 'aỹa'anem na Israel le'ecpi ne'ena 'alhua da yaqto' ỹauo'o lalamaxat, nache ipacchigui qome da 'am samaxalec.

Josué 21:44

Nache Ñim Nataxala' ipacchigui so ỹan la'aqtac maye ỹachaxanapeguem co'ollaxa so hua'au lta'alpi somayepi. Huaña, nache huo'o da nlagaxayec 'enauac se'eso 'alhuapi maye qanayeetalec. Nache so mpa'aguenaxauapi na Israel le'ecpi, saishet da ỹañoxot da dataỹa'aguet somayepi, cha'aye Ñim Nataxala' ỹanem da loxonec co'ollaxa somayepi.