Josué 11:11 - La'aqtaqa Ñim Lo'onatac 'Enauacna 2013

¹¹ Qataq ỹalauat nataqa'en 'enauac so lma' yemaye. Nache ỹataqta imauec da qailaxachigui co'ollaxa se'eso huaqta'a't nỹecpi, ime nache qaỹavigaxat.

Josué 11:11 Referans Kwoze

Josué 10:40

Qaq 'era da 'eetec co'ollaxa so Josué da loxonec 'enauac se'eso 'alhuapi. Qataq nauec so nta'alpi maye nalec so 'alhuapi maye hualec aye qasoxonaxapi yem Néguev, som nalochiguiñi 'alhuapi qataq som nashecchiguiñi loiguepi. Nache ỹataqta 'enauac da ilaxachigui qataq ỹalauat 'enauac nache qaica ca no'onaxatañi da nca'altauec naqa'en, nache ipacchigui 'enauac nam ỹamaxalecpi Ñim Nataxala' maye Natamnaxala' na Israel le'ecpi.

Deuteronómio 20:16

Qalaxaye que'eca huaqta'a't nỹecpi maye lma'pi ca ỹotta'a't shiỹaxauapi, maye qami' ỹanema qome Ñim Nataxala' maye Qanatamnaxala'ai da yaqto' qaralamaxache, saishet qome da huo'o ca nca'altauec qanqa'eñi cam netaigui camayepi.

Deuteronómio 7:2

Qaq Ñim Nataxala' qom qami' ỹanema da qo'oxoñiqui yi'iye ỹotta'a't shiỹaxauapi maye netalec yi'iye 'alhua, nache qanmachiichiguiñi qome da qaualauache, saishet da qauchoxonñiitac, huo'otaq da qanaỹamaxache'.

Deuteronómio 3:7

nachesota so 'atetpi qataq so nogoxoshetpi maye huo'o da lashiichiỹaxac maye lalamaxat so qampa'aguenaxauapi da saconaxa.

Josué 6:21

Ime, nache irolec so ỹeelonec da ỹalauat 'enauac so ỹalleppi, 'alpi, nsoxoppi qataq so ỹa'axaiquipi. Nataqa'en so nauegaxanaxala' huacapi, qaguetapi, qataq 'ashenapi. Nache ỹataqta 'enauac da nlachiguiñi naqa'en.

Josué 6:24

Qaq co'ollaq ime, nache so Israel le'ecpi ỹavigaxat 'enauac se'eso huaqta'a't nỹecpi qataq 'enauac so huetaiguipi. Qaq nachesota so lcat plata, oro, qataq so chegaqaigui na bronce, qataq so no'onataxanaxat lcatpi, somaye qaỹachaña so naỹamaqtaqa' nam lalamaxatpi Ñim Nataxala'.