Josué 10:5 - La'aqtaqa Ñim Lo'onatac 'Enauacna 2013

⁵ Qaq huaña nache se'esoua cinco lta'al so amorreopi, som nta'a ye Jerusalén, qataq so nta'a ye Hebrón, Jarmut, Laquis, qataq ye Eglón, soomaye huaxaỹa't, qataq lỹatec so nalleppi nache naña ye nalotta ye Gabaón da yaqto' iloquiaxan yemaye.

Josué 10:5 Referans Kwoze

Josué 10:6

Qaq so lma' ye Gabaón ỹamaxa da la'aqtac so Josué maye hueta'a ye Gilgal, 'eeta': «Saishet qome da huo'o ca 'ectega da qomi' 'autaua'n, cha'aye maiche qomi' 'aramaxashecpi. Qataq sa 'anaỹaloxon qome da 'auanac da qomi' 'autaua'n, cha'aye 'enauac ye lta'alpi ye amorreopi maye netalec aye qasoxonaxapi, yemayepi huaxaỹa't da yaqto' qomi' iloquiaxa'n.»

Números 13:29

Qataq ye 'alhua Néguev netaña ye amaleciitapi, qaq aye qasoxonaxapi nache netalec ye hitiitapi, jebuseopi qataq ye amorreopi, qaq da pa'aỹa'ague aso auaxai qataq na loigue so tala Jordán, nache netaña ye cananeopi.

Génesis 15:16

Qaq qom inoxoorec que'ecaua cuatrocientos vi'iye, nacheca ca 'am chegoxoguetpi ñe'eguelaxa qome ne'ena 'alhua, cha'aye saxanaxa da ivita cam loga't nam qauemsat maye ỹo'ottac na amorreopi.»

Josué 10:16

qaq se'esoua cinco lta'al so amorreopi datarec co'ollaxa, nache nqañoxotoiguilo so auac ye Maceda.

1 Samuel 7:14

Qaq 'era da 'eetec so Israel le'ecpi co'ollaq ñe'eguelaxaala't so huaqta'a't nỹecpi maye ỹacona co'ollaxa so filisteopi, chegoqchiguiña ye Ecrón nache ivitta'a ye Gat, nache ỹe'egueloqot somayepi so 'alhua maye loxonec co'ollaxa so filisteopi. Qaq 'era da 'eetec da so Israel le'ecpi da isoueeguesop co'ollaxa ye na'alhua da la'añaxac so filisteopi. Huaña nache so Israel le'ecpi qataq so amorreopi huo'o da l-lagaxayec.

Jeremías 34:7

Qaq som nalleppi so nta'a ye Babilonia mashe iloquiaxaatac ye Jerusalén qataq ye Laquis qataq ye Azecá, maye chaqyeuate' da no'oirañi nam huaqta'a't nỹecpi maye huo'o na lpaqtaxat ye 'alhua Judá.