Josué 10:42 - La'aqtaqa Ñim Lo'onatac 'Enauacna 2013

⁴² Nache ỹacona so na'alhuapi somayepi, cha'aye Ñim Nataxala' maye Natamnaxala' na Israel le'ecpi deloctapeguelec namayepi.

Josué 10:42 Referans Kwoze

Josué 10:14

Qaq saishet da huo'o co'ollaxa qataq qome ca na'a'q lỹa da 'eeta'am se'eso na'a'q da Ñim Nataxala' hua'axaỹa da lỹaxanaxac so shiỹaxaua, qataq da deloctapeguelec so Israel le'ecpi maye lalamaxat nhuo' le'ecpi.

Salmos 46:7

¡Ñim Nataxala' maye Qaica ca Ỹaqalanapec, qomi' hueta'agueta! ¡Ñim Natamnaxala' so Jacob nacheñi ñi qaye'eguenaxala'!

Salmos 80:3

'Am Atamnaxala', ñaq qomi' 'anauaxaỹaxayeshegue'm qome, qataq 'ano'onaxat da 'armeenaxanaxac, da qomi' 'anamata'alo nache qomi' 'anca'alaxatrec.

Isaías 43:4

cha'aye 'am samaateguet qataq lta'araic ñaqa'en da naigui 'am, qataq aỹem 'am sauotec. Nache sanec qome na ỹalleppi da nmeneguet ñaqa'en 'am, qataq nam ỹotta'a't shiỹaxauapi da nmeneguet ñaqa'en da 'anachaalataxac.

Salmos 118:6

Ñim Nataxala' aỹem hueta'aguet, ỹoqo'oye saishet da she'etac, qataq saishet da she'etega ca aỹem ỹo'otec ca shiỹaxaua.

Salmos 46:11

¡Ñim Nataxala' maye Qaica ca Ỹaqalanapec, qomi' hueta'agueta! ¡Ñim Natamnaxala' so Jacob nacheñi ñi qaye'eguenaxala'!

Salmos 46:1

Ñim Lo'onatac 'Enauacna nacheñi ñi qomi' npaxattaleguete qataq nacheñi ñi qara'añaxac, Ñimaye sa naỹaloxon da qomi' itaua'n da souaqaigui da qarachetataic.

Deuteronómio 20:4

Cha'aye Ñim Nataxala' maye Qanatamnaxala'ai, qami' hueta'agueta, qataq Ñimaye maiche delogui' na qami' ipa'agueeta'ape, nache qami' ỹanema da qoroxoñiqui namayepi.

Éxodo 14:25

qataq na'aqche't naua lasaxanna aso nnotaxaquipi, huaña nache nqalaatapigui' da jec. Nache somayepi 'enapeco' da la'aqtac: «Sataxaueeguesop qome na Israel le'ecpi. Cha'aye Ñim Nataxala', ye deloclec namayepi da qomi' deloguito».

Éxodo 14:14

Qaq qami' qavi'imaqaitac qome, cha'aye Ñim Nataxala' maiche qami' delocleguete.»

Josué 10:43

Qaq co'ollaq ime, nache so Josué qataq 'enauac so Israel le'ecpi ỹe'eguelaxa co'ollaxa so lanataqa' ye Gilgal.