Josué 10:41 - La'aqtaqa Ñim Lo'onatac 'Enauacna 2013

⁴¹ Nache chegoqchiguiña ye Cadés Barnea, nache ivitta'a ye Gaza, qataq 'enauac ye 'alhua ye Gosén, nache ivitta'a ye Gabaón nache ỹalauat so nta'alpi se'eso 'alhuapi.

Josué 10:41 Referans Kwoze

Josué 11:16

Huaña nache so Josué ỹacona 'enauac se'eso 'alhuapi, maye huaña aye qasoxonaxapi 'enauac yem Néguev, qataq 'enauac ye 'alhua Gosén, qataq yem nalochiguiñi 'alhua, qataq ye ca'amapega't ye Jordán, qataq 'enauac ayem qasoxonaxapi, qataq yem nalochiguiñi 'alhuapi ye Israel.

Josué 15:51

Gosén, Holón qataq ye Gilo, qaq da ima'a't se'eso huaqta'a't nỹecpi, nache ivi' once, qataq lỹaueegue' so lauoreuapi nma'piolec.

Deuteronómio 9:23

Qataq co'ollaq qami' ỹamaxaleguete da qoquiỹa'ai ye Cadés Barnea da yaqto' qauacoñiỹa ye 'alhua maye qami' ỹanema. Qaq nataqa'en saishet da qaualaqaiguet qataq saishet da qaua'amaqchiñi Ñimaye.

Génesis 10:19

Qaq so na'alhua so cananeopi nquictauec, chegoqchiguiña ye Sidón, nache ivitta'a ye 'alhua Gerar qataq ye Gaza, qataq dataigue da pa'aigue ye Sodoma, Gomorra, Adma, qataq ye Zeboyin, nache ivira'a ye Lasa.

Hechos 8:26

Qaq co'ollaq ime de'era, nache so lamaxashec piguem le'ec Ñim Qarataxala', somaye 'enapego' so Felipe, 'eeta': –Qoñisheguem, nache 'aigue da taguiñi, qoquegue so nqa'aic maye taalec ye toolec 'alhua chegaqasheguemec ye nỹecpi ye Jerusalén, taỹa'a ye Gaza.

Zacarías 9:5

Qaq yem huaqta'a't nỹecpi ye Ascalón qom ila'a de'era, nache ỹataqta nlaxagui da lli'iỹaxa. Ye Gaza nataqa'en qome lta'araic da nque'eenaxac, qaq da naquitaxac ye Ecrón ỹataqta huetaiya'. ¡Qaq ye Gaza qaica qome ca lta'a, qaq ye Ascalón ỹataqta toolec qome!

1 Reyes 3:5

Qaq huo'o so pe, co'ollaq huaña ye Gabaón, nache Ñim Nataxala' nachaxana so Salomón, huaigui so lchoxonaxac, nache 'eeta': «Ñaq aỹem 'auỹaxanot nagui, qaq Aỹem, 'am sanem qome cam 'auỹaxanaique.»

1 Samuel 6:17

Qaq se'esoua cinco ne'enaqtaqa na'agotaqtel maye chegoqraigui na oro, añi 'oonole soomaye nache lachetaqtaxanaqte ye Asdod, Gaza, Ascalón, Gat qataq ye Ecrón, maye som filisteopi ỹanoto Ñim Nataxala' da lachetaqtaxanaqtel da yaqto' vi'iiguet da lalemataic Ñimaye.

Jueces 16:21

Nache so filisteopi ỹaconeua'a somaye, nache nqa't naua la'ai'te, nache ỹauega ye Gaza, qaq huaña yemaye da qaicoñerai' qaỹauota'a lquet so npaqtac lcat bronce, da qaỹo'onataxanaxan iconnaxaatagui qanqa'en so namaicnaxanaxat coma' maye naña aso ncoñetaxanaxaqui.

Jueces 16:1

Huo'o so na'a'q nache so Sansón taỹa so huaqta'a't nỹecpi ye Gaza. Huaña, qaq ila'a co'ollaxa aso 'alo quisheguetaxai, nache nqo'oneua'a so lma' da lauañi' asomaye.

Josué 10:12

Qaq co'ollaq mashe ime da Ñim Nataxala' ỹaneguet da lhuaqỹaxac so Israel le'ecpi se'eso amorreopi, nache so Josué 'enapega Ñim Nataxala', hua'aqchigui naqa'en so nhuo' le'ecpi, 'eeta': «'Am nala', 'avi'iiguet qom huaña ye Gabaón. 'Am ca'agoxoic, 'avi'iiguet qom huaña ye ca'amegue ye Ayalón.»

Josué 10:2

nache so Adonisédec ỹataqta lta'araic da lcolanaxa. Cha'aye so huaqta'a't nỹecpi ye Gabaón, yemaye 'amaqtaqaic qataq qalochiguiñi, qataq yemaye napacalec da la'amaqchec ye Ai, qataq som lma' yemaye ỹataqta 'añaxaicpi.

Números 34:4

qaq se'eso loga't queteueegue da pa'aigue da la'añaxa, nache ivittasheguema ye Acrabín, qataq quetelec ye Zin, nache ivitta'a ye Cadés Barnea. Qataq tateuga ye Jazar Adar ivitta'a ye Asmón,

Números 32:8

Qaq 'era da 'eetec co'ollaxa so hua'au qarta'ailpi co'ollaq samaxa ye Cadés Barnea da ichemaxata yi'iye 'alhua.

Números 13:26

nache soomaye ỹe'eguelaxara ye Cades, yem toolec 'alhua ye Parán. Yem hueta'a so Moisés, Aarón qataq 'enauac so Israel le'ecpi. Nache da'aqtaxaarem somayepi 'enauac da lauanaqchec co'ollaxa soomaye, qataq qaỹachaxan aso ala ana nañiguishe yi'iye 'alhua.

Deuteronómio 1:19

«Nache salaxasoxoguet da lamaxasoxonaxac Ñim Nataxala' maye Qanatamnaxala', nache qolqa'ai ye Horeb da ñeqo'onaxa aye qasoxonaxapi maye huaigui ye na'alhua na amorreopi. Nache sa'axasoxonaxalec ye ỹataqta qalochiguiñi toolec 'alhua, maye mashe qauauañiỹa qataq seviraqta'a ye Cadés Barnea.

Deuteronómio 2:23

Qataq nachera da 'eetec nataqa'en co'ollaxa so filisteopi maye chegaqa'a co'ollaxa ye Creta da nmatchiguiñi so heveopi, maye nañalo naua lỹa't nma'ate maye lauoreu' ye Gaza, nache nalec yi'iye 'alhuapi.

Josué 11:22

Qaq ỹoqo'oye ỹataqta qaica ca no'onalec da netalec yem na'alhuapi so Israel le'ecpi som chegoxoguetpi so shiỹaxaua logoraic le'enaxat Anac. Qaq nacheyeta ye Gaza, qataq ye Gat, qataq ye Asdod da huo'o na no'onalec somayepi.