Josué 10:26 - La'aqtaqa Ñim Lo'onatac 'Enauacna 2013

²⁶ Huaña co'ollaxa nache so Josué ỹalaua't se'esoua nta'al, ime nache damaxasoxoolec da ñi 'oonolec soomaye, qaicoñerasheguemec añi 'oonole soua cinco qo'oipaq, nache ivitta'a so avit.

Josué 10:26 Referans Kwoze

Josué 8:29

Qaq so Josué icoñerasheguemec aso qo'oipaq so nta'a ye Ai, nache ivitta'a so avit da netasheguem naqa'en, qaq co'ollaq mashe yaqta'a da inoxooñi aso nala' nache damaxasoxoolec da qanqaañi se'eso leuaxaic, ime nache qairouga so ñegueuo so huaqta'a't nỹecpi, nache se'eso lo'ocỹaxac somaye qalaponalec so coma'. Qaq se'eso naponec coma'pi nache huetaña, choche ivitta'a nagui.

Gálatas 3:13

Qalaxaye So Cristo qomi' nca'alaxateeguesopa dam lta'araic qanhuaxanaguec souaxat da saishet da salaxasoxoguet na namaxasoxonaxacpi. 'Era da 'eetec da qomi' nca'alaxatre'c Somaye. Cha'aye naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna 'eeta': «Ñim Lo'onatac 'Enauacna ỹauo'o qome ca nhuaxanaguec cam qaiuaxaata'aguet ca npe'enaxaqui qo'oipaq souaxat da saishet da ỹalaxaguet na namaxasoxonaxacpi.»

Mateo 27:25

Nache so shiỹaxauapi nmasheguem da ỹasat, 'eeta': –¡Qomi' qataq na qoyalaqpi ñachoxola't qome da qarasouaxashet da l-leuaxa de'era ỹale!

Ester 2:23

Qaq co'ollaq qanmit de'era, nache co'ollaq qaỹaỹaten da 'eesa, nache se'esoua dos lataxala'ate som nauaatalec so nta'a, qaỹamaxasoxooleguete da qaicoñeldashegue'm. Qaq de'era qanayeuaigui, damaye ỹauaachigui co'ollaxa qanqa'en so nta'a da qoỹerelec aso nere maye nanettalec nam qaỹo'otpi yi'iye 'alhua.

2 Samuel 21:9

nache ỹanem so Gabaón le'ecpi, nache somayepi icoñeldashegue'm co'ollaq ỹalauat soomaye, huaña aso qasoxonaxa maye lalamaqte Ñim Nataxala', ỹauaachiguilo Ñimaye da ileu', se'esoua siete shiỹaxau', huetoiguilo co'ollaq cheta'ague da qanqat ana ala na cebada.

2 Samuel 21:6

somaye sauoqtaique da qomi' qoỹanema caua siete som chegoxoguet somaye, qaq huaña ñaqa'enaq qome ye Gabaa maye lma' so Saúl maye lca'aguishec Ñim Nataxala', da secoñeraqrashegue'm, nache ỹauaachiguilo ñaqa'enaq Ñim Nataxala'. Nache so nta'a, 'enapeco': Aja', qami' sanema qome caamaye.

1 Samuel 15:33

Qalaxaye so Samuel 'enapego' somaye, 'eeta': 'Am, 'auauota'a co'ollaxa so 'ainec da 'aualauat so qalota Israel le'ecpi, qaq so 'alpi qalaq 'auauota'a da qaica so llalaqpi. Qaq nache 'ena'am da 'eetec nagui aca 'arate'e. Nache so Samuel huaña naqa'en ye Gilgal qataq ỹauaachigui naqa'en Ñim Nataxala' da ipelcapigui somaye.

Jueces 8:21

Huaña nache so Zebaj qataq so Salmuná 'enapegalo so Gedeón, 'eeta': ¡Ña qomi' 'aualaua't, cha'aye ca ỹale ishet da qaỹauatton da 'eesa da qaramchigui! Nache so Gedeón ñisheguem, nache ỹalaua't soomaye, nache ỹaconalo soua llo'oxoraqtel naua ltogue soua cameello maye lalol so Zebaj qataq so Salmuná.

Números 25:4

nache Ñim Nataxala' 'enapega so Moisés, 'eeta': «'Alaỹona't qome 'enauac na lataxala'pi na nhuo' le'ecpi, nache sauaachigui 'anqa'en da 'aucoñerasheguem da 'aualauat, qataq 'auachetoigui ca yo'oqchiguiñi na'a'q, yaqto' vi'iiguet da ỹayeloxo maye talec na Israel le'ecpi.»

Juan 19:31

Qaq se'eso na'a'q, nache pa'aiguet so na'a'q maye huetoigui da qaiuennate so na'a'q le'enaxat Lapascua. Nache na lataxala'pi na judiopi sa ỹaỹamaxaren da nache netragui da lo'ocỹaxa'c soomaye soua npe'enaxaqui' se'eso na'a'q mataxaqui. Cha'aye se'eso na'a'q ỹataqta ỹactec da qairen. Qaq ỹoqo'oye qaiỹaxanot so Pilato da yaqto' damaxasoxoolec da qaỹacagaxa't naua lchel soua tres ỹale't maye qaiuaxaatrauo, da yaqto' saqaỹaloq da ileu', nache qaiỹalapegueto da qanqaayiñi da lo'ocỹaxa'c soomaye.

Salmos 18:41

Nache iỹaxaataique da qaitauan, qalaxaye saishet da huo'o ca itauan, qataq iỹaxaatega Ñim Nataxala' qalaxaye saishet da ỹasateguet.

Salmos 149:7

da yaqto' ỹo'ot ca lvi' da ỹe'eguelaxateguet na ỹotta'a't shiỹaxauapi, qataq ỹauo'o ca nhuaxanaguec na nhuo' le'ecpi,